យុគសម័យ - នេះគឺជាការបោះឆ្នោតពិសេសមួយនៅក្នុងប្រទេសកម្ពុជាដោយមានចំនួនគណបក្សនយោបាយចូលរួមច្រើនបំផុត អាសនៈច្រើនបំផុត ហើយអ្នកសង្កេតការក៏ច្រើនបំផុតដែរ។
ចាប់ពីម៉ោង៧ ព្រឹក នាថ្ងៃទី២៩ ខែកក្កដា ប្រជាជនកម្ពុជាបានចាប់ផ្តើមទៅចូលរួមការបោះឆ្នោតនៅការិយាល័យបោះឆ្នោតចំនួន ២២.៩៦៧ ទូទាំងប្រទេស ដើម្បីជ្រើសតាំងសមាជិកសភាទាំង១២៥ អសនៈ នានីតិកាលទី៦នេះ។
ភ្នាក់ងារពិនិត្យហិបឆ្នោតមុននឹងការបោះឆ្នោតចាប់ផ្តើម
អ្នកបោះឆ្នោតពិចារណាអំពីបេក្ខភាពឈរឈ្មោះមុននឹងអនុវត្តន៍ការបោះឆ្នោត
យោងតាមគណកម្មការជាតិរៀបចំការបោះឆ្នោតកម្ពុជា គ.ជ.បបានឲ្យដឹងថា ចំនួនអ្នកចុះឈ្មោះចូលរួមការបោះឆ្នោតក្នុងអាណត្តិនេះមានចំនួន ៨,៣ លាននាក់។ ចូលរួមការបោះឆ្នោតលើកនេះមាន គណបក្ស ចំនួន ២០ ដែលក្នុងនោះមានគណបក្សប្រជាជនកម្ពុជា (CPP) កំពុងកាន់អំណាច និងគណបក្សផ្សេងៗទៀត បានមានសកម្មភាពឃោសនារកសំឡេងឆ្នោតយ៉ាងខ្លាំងក្លា។
នាយករដ្ឋមន្ត្រីកម្ពុជា សម្តេចហ៊ុនសែន អញ្ជើញមានវត្តមានតាំងពីព្រឹកនៅការិយាល័យបោះឆ្នោតលេខ១៦៩៧នៅខេត្ត កណ្តាលដើម្បី បំពេញកាតព្វកិច្ចជាពលរដ្ឋ
មន្ត្រីបម្រើការបោះឆ្នោតជួយស្ត្រីមានកូនតូចចូលបោះឆ្នោត
ដើម្បីរក្សសណ្តាប់ធ្នាប់ សន្តិសុខ និង សុវត្ថិភាព នៅគ្រប់កន្លែងបោះឆ្នោត ក្រសួងមហាផ្ទៃកម្ពុជា បានឲ្យដឹងថា កងកម្លាំង មន្ត្រីប៉ូលីសប្រមាញ ៨០ ម៉ឺននាក់ត្រូវបានដាក់ពង្រាយ។
គណៈកម្មាធិការជាតិរៀបចំការបោះឆ្នោត (NEC) បានឲ្យដឹងថា មានអ្នកសង្កេតការណ៍ជាតិចំនួន៨៩.៦១២នាក់ និងអ្នកសង្កេតការណ៍ជាតិ ចំនួន៥៣៩នាក់។ អ្នកសង្កេតការណ៍អន្តរជាតិមកពីវៀតណាម ចិន អង់គ្លេស បារាំង រុស្ស៊ី អ៊ីតាលី ជាដើម រួមទាំងអង្គការអន្តរជាតិច្រើនទៀត
ក្រៅពីនេះ ក៏មានអ្នកសារពត៌មានប្រមាណ ៩០០នាក់ ក្នុងនោះដែរមានអ្នកសារពត៌មានអន្តរជាតិជិត១០០ នាក់ បានមកដល់កម្ពុជាដើម្បីយកពត៌មាន។ តាមគម្រោង NEC នឹងផ្សព្វផ្សាយលទ្ធផលបឋម នៅថ្ងៃទី ១១ ខែសីហា ក្នុងករណីមិនមានពាក្យបណ្តឹង បង្ខំឲ្យមានការបោះឆ្នោតឡើងវិញ ហើយលទ្ធផលចុងក្រោយនឹងត្រូវបានផ្សព្វផ្សាយនៅថ្ងៃទី១៥ ខែសីហា ខាងមុខនេះ៕
（យោងតាម vov.vn ប្រែសម្រួលដោយស្រីពេជ្រ）
មតិពីមិត្តអ្នកអាន