យុគសម័យ- កិច្ចព្រមព្រៀងជាប្រវត្តិសាស្ដ្រមួយដែលបញ្ចប់សង្គ្រាមពាណិជ្ជកម្មជាបន្តរបស់ពួកគេ អាចនឹងកើតឡើងនៅក្នុងពេលឆាប់ៗ
តាមការរាយការណ៍ មន្ដ្រីចិនរហូតដល់ចំនួន ១០០ នាក់ ត្រូវរំពឹងថា នឹងធ្វើដំណើរទៅដល់ទីក្រុងវ៉ាស៊ីនតោនក្នុងសប្ដាហ៍នេះ ជាមួយនឹងលទ្ធភាពនៃការបង្ហាញកិច្ចព្រមព្រៀងដ៏ធំមួយបន្ទាប់ពីភាពតានតឹងរយៈពេលជាច្រើនខែ ដែលបញ្ហានោះនឹងបណ្ដាលឲ្យមានការបារម្ភដល់កិច្ចចរចា។
ទីក្រុងប៉េកាំង អាចធ្វើការស្នើគួរឲ្យភ្ញាក់ផ្អើលចំពោះការទិញថាមពលអាមេរិក និងការនាំចេញផលិតផលកសិកម្ម ជាមធ្យោបាយមួយនៃការកាត់បន្ថយកំណើនឱនភាពពាណិជ្ជកម្មអាមេរិក និងចិន។
លោក Mike Pence អនុប្រធានាធិបតីអាមេរិក។
លោក Mike Pence អនុប្រធានាធិបតីអាមេរិក បានឲ្យដឹងកាលពីថ្ងៃសុក្រថា យន្តការអនុវត្តច្បាប់នេះនឹងមានសារៈសំខាន់ចំពោះការសម្រេចចិត្តថា តើត្រូវលុបចោលការដាក់ពិន័យពន្ធនាំចូលរបស់អាមេរិកដែលពេលនេះគ្របដណ្ដប់លើការនាំចូលរបស់ប្រទេស ចិន មានតម្លៃជាង ២៥០ ពាន់លានដុល្លារ ឬយ៉ាងណា?
លោកប្រធានាធិបតីអាមេរិក ដូណាល់ ត្រាំ បានចោទប្រកាន់ប្រទេស ចិន ម្ដងហើយម្ដងទៀតពីបទលួចពីអាមេរិក តាមរយៈការទិញពីអាមេរិកតិចជាងអាមេរិកលក់ចេញ។
លោក ត្រាំ បានទាមទារឲ្យមានការផ្លាស់ប្តូររចនាសម្ព័ន្ធចំពោះសេដ្ឋកិច្ចរបស់ប្រទេស ចិន ដែលរួមមានការបញ្ចប់ការផ្ទេរបច្ចេកវិទ្យាអាមេរិកដោយបង្ខំ ចោរកម្មកម្មសិទ្ធិបញ្ញា និងការដើរតួនាទីដ៏ធំរបស់រដ្ឋាភិបាលចិននៅក្នុងទីផ្សារ និងឧស្សាហកម្ម។
លោក Robert Lighthizer តំណាងផ្នែកពាណិជ្ជកម្មរបស់អាមេរិក ដែលនឹងដឹកនាំក្រុមគណៈប្រតិភូអាមេរិករួមជាមួយនឹងលោក Steven Mnuchin រដ្ឋមន្ដ្រីក្រសួងហិរញ្ញវត្ថុ បានប្រាប់ថា ទីក្រុងវ៉ាស៊ីនតោននឹងមិនទទួលយកការសន្យាខ្យល់ ហើយនឹងទាមទារឲ្យមានការ-បញ្ជាក់ថា ប៉េកាំងនឹងរក្សាពាក្យសម្តីរបស់ខ្លួន៕
(កែសម្រួលដោយសំណាង)
(ប្រភពព័ត៌មាន: Phnom Penh Post)
មតិពីមិត្តអ្នកអាន