យុគសម័យ - កិច្ចប្រជុំកំពូលនៃបណ្តាប្រទេសកំពុងអភិវឌ្ឍន៍និងទើបលេចចេញលើពិភពលោក (G20) ត្រូវបានប្រារព្ធឡើងជាផ្លូវការ នាថ្ងៃទី៣០ខែវិច្ឆិកា នៅទីក្រុងប៊ុ Buenos Aires នៃប្រទេសអាហ្សង់ទីន ដោយមានការចូលរួមរបស់ថ្នាក់ដឹកនាំនៃបណ្តាប្រទេស រួមទាំងតំណាងអង្គការអន្តរជាតិនិងតំបន់។
កិច្ចប្រជុំកំពូល G20 ត្រូវបានប្រារព្ធជាផ្លូវការនៅប្រទេសអាហ្សង់ទីន (រូបថតៈ Sky TG24)
កិច្ចប្រជុំកំពូលអន្តរជាតិនេះ បានប្រព្រឹត្តទៅក្រោមវត្តមាន នៃបណ្តាថ្នាក់ដឹកនាំប្រទេសសេដ្ឋកិច្ចកំពូលៗចំនួន ២០ លើទូទាំងពិភព លោកដូចជា សហរដ្ឋអាមេរិក ចិន ជប៉ុន អាល្លឺម៉ង់ អង់គ្លេស បារាំង ឥណ្ឌា អ៊ីតាលី ប្រេស៊ីល កាណាដា កូរ៉េខាងត្បូង អូស្ត្រាលី រុស្ស៊ី អេស្ប៉ាញ ម៉ិចស៊ីកូ តួកគី អារ៉ាប៊ីសាអូឌីត អាហ្វ្រិកខាងត្បូង សិង្ហបុរី (តំណាងអាស៊ាន) អាហ្សង់ទីន និងសហភាពអឺរ៉ុប ព្រមទាំងអង្គការហិរញ្ញវត្ថុសកលធំៗមួយចំនួនទៀតផងដែរ។
ថ្នាក់ដឹកនាំចូលរួមកិច្ចប្រជុំកំពូល G20 ថតរូបអនុស្សាវរីយ៍ (រូបថត: THX/TTXVN)
ដោយប្រធានបទ “បង្កើតភាពស្រុះចិត្តគំនិតដើម្បីការអភិវឌ្ឍប្រកបដោយយុត្តិធម៌និងនិរន្តរភាព” ប្រទេសម្ចាស់ផ្ទះអាហ្សង់ទីនសង្ឃឹម ថា នេះគឺជាឱកាសសម្រាប់ប្រទេសជាសមាជិកជួបពិភាក្សានិងស្វែងរកដំណោះស្រាយសម្រាប់បញ្ហាក្តៅគគុកនៃពិភពលោក សំដៅ ឆ្ពោះទៅការអភិវឌ្ឍប្រកបដោយតុល្យភាពនិងចីរភាព។
សូមគូសបញ្ជាក់ថា កិច្ចប្រជុំទាំងមូលមានរយៈពេលពីរថ្ងៃ គឺពីគិតចាប់ថ្ងៃទី៣០ ខែវិច្ឆិកា រហូតដល់ថ្ងៃទី០១ ខែធ្នូ ឆ្នាំ២០១៨ (ពេលវេលានៅអាមេរិកខាងត្បូង) ដោយបណ្តាថ្នាក់ដឹកនាំទាំងអស់ នឹងធ្វើការពិភាក្សាគ្នាអំពីបញ្ហាសំខាន់ៗបំផុតនៃផ្នែកហិរញ្ញវត្ថុ និងសេដ្ឋកិច្ចរបស់អន្តរជាតិ។ កិច្ចប្រជុំដ៏សំខាន់នេះ គឺស្ថិតនៅក្នុងគោលដៅបង្កើនកិច្ចសហការផ្នែកនយោបាយ រវាងបណ្តាប្រទេសទាំង ២០ ដើម្បីសម្រេចឲ្យបាននូវការអភិវឌ្ឍហិរញ្ញវត្ថុ និងស្ថិរភាពសេដ្ឋកិច្ចនៅក្នុងពិភពលោក ព្រមទាំងទប់ស្កាត់ឲ្យបាននូវវិបត្តិផ្នែកហិរញ្ញវត្ថុសកល៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន