យុគសម័យ -ក្រុមនិស្សិតមកពីសាកលវិទ្យាល័យបច្ចេកទេស Lac Hong ភាគខាងត្បូងប្រទេសវៀតណាម បានយកឈ្នះក្រុមនិស្សិតម៉ាឡេស៊ី ឡើងវគ្គផ្ដាច់ព្រ័ត្រជាលើកដំបូងក្នុងប្រវត្តិសាស្ត្រក្នុងកម្មវិធី Shell Eco-marathon
រថយន្តរបស់និស្សិតវៀតណាមមានសមត្ថភាពរត់បាន ១៧០ គីឡូម៉ែត្រក្នុងមួយម៉ោង ដោយចំណាយអស់ថាមពលអគ្គិសនីតែ ១ គីឡូវ៉ាត់ម៉ោងប៉ុណ្ណោះ អំឡុងពេលប្រកួតជាមួយក្រុមនិស្សិតម៉ាឡេស៊ី។ និស្សិតវៀតណាម ៥ នាក់របស់សាកលវិទ្យាល័យ Lac Hong បានបញ្ចប់ចំណាត់ថ្នាក់លេខ ២ ល្អបំផុត។
ដូចនេះ ក្រុមដែលធ្វើបានល្អបំផុត ៣ ក្រុមតាមប្រភេទវិញ្ញាសារដែលចាត់ចែងដោយ Shell Eco-marathon ទទួលបានសំបុត្រយន្តហោះទៅជុំចុងក្រោយ ដោយស្វ័យប្រវត្តិដែលធ្វើឡើងនៅទីក្រុងឡុងដ៏ប្រទេសអង់គ្លេស ដើម្បីប្រកួតជាមួយនិស្សិតបច្ចេកទេសនៅតំបន់អឺរ៉ុប នឹងធ្វើឡើងនៅអំឡុងខែកក្កដាឆ្នាំ ២០១៩។
ក្រុមនិស្សិតវៀតណាម និងអ្នក Support ក្នុងកម្មវិធី energy-efficient racing car
Shell Eco-marathon ទទួលបានការឧបត្ថម្ភដោយក្រុមហ៊ុនប្រេងឥន្ធនៈ Shell ហើយក៏បានបង្កើតជាកម្មវិធីប្រកួតលំដាប់ពិភពលោក ប្រមូលផ្ដុំក្រុមអ្នកអ្នកវិទ្យាសាស្ត្រ អ្នកបច្ចេកវិទ្យា វិស្វករ និងនិស្សិតផ្នែកគណិតវិទ្យាទាំងអស់ ដើម្បីចូលរួមរចនានិងបង្កើតឲ្យចេញជា គំរូរថយន្តដំណើរការដោយថាមពលម៉ូទ័រអគ្គិសនី(សម្រាប់វិញ្ញាសារឆ្នាំ ២០១៩) ។ សម្រាប់វិញ្ញាសារ កាលពីឆ្នាំ ២០១៨ គំរូរថយន្តដំណើរការដោយប្រេងឥន្ធនៈ ដើម្បីចម្រាញ់យកមកប្រកួតប្រណាំងគ្នា រកជើងខ្លាំងដែលមានគំនិតច្នៃប្រឌិតខ្ពស់ គិតគូរដល់ការថែរក្សាលើបរិស្ថាន និងចំណាយអស់ថាមពលតិចបំផុត។
បញ្ជាក់ដែរថា គណៈកម្មការដែលផ្ដល់ពិន្ទុការប្រកួតនោះ សុទ្ធអ្នកបច្ចេកទេសជាន់ខ្ពស់ មានបទពិសោធន៍ច្រើនឆ្នាំមកពីក្រុមហ៊ុនរថយន្តអ៊ីតាលី Ferrari ហើយសម្រាប់អ្នកឈ្នះនឹងមានឱកាស ទៅទស្សនកិច្ចនៅ headquarters ក្រុមហ៊ុន Ferrari ទទួលបានការបណ្ដុះបណ្ដាលវគ្គខ្លីលើបច្ចេកទេសពីអ្នកជំនាញ ព្រមទាំងផ្ដល់ឱកាសការងារសម្រាប់សិស្សឆ្នើមពេលបណ្ដុះបណ្ដាលនោះផងដែរ៕
（ប្រភព៖ tech.Sabay.com.kh កែសម្រួលដោយសំណាង）
មតិពីមិត្តអ្នកអាន