យុគ្គសម័យ - នាយកដ្ឋានសិល្បៈវៀតណាមបានឱ្យដឹងថា នឹងមានសិល្បករវៀតណាមនិងអន្តរជាតិជាង ១៦០ នាក់ នឹងចូលរួមប្រគុំតន្រ្តីអាស៊ានឆ្នាំ ២០១៩ ដែលរៀបចំឡើងចាប់ពីថ្ងៃទី ២៥ ដល់ថ្ងៃទី ៣១ ខែឧសភានៅទីក្រុង Hai Phong វៀតណាម ។
សិល្បករជាង ១៦០ នាក់ នឹងចូលរួមប្រគុំតន្រ្តីអាស៊ានឆ្នាំ ២០១៩ (រូបថតៈ dangcongsan.vn)
ប្រគុំតន្រ្តីលើកនេះ មានការចូលរួមរបស់ប្រទេសអាស៊ានចំនួន ៧ រួមមានប្រទេស កម្ពុជា ឡាវ ឥណ្ឌូនេស៊ី ម៉ាឡេស៊ី ហ្វីលីពីន និងថៃ ដោយមានសិល្បករសរុបជាង៦០ រូប។ វៀតណាមនឹងជ្រើសរើសអង្គភាពសិល្បៈចំនួន ៤ ដែលតំណាងឱ្យតំបន់ទាំង៣នៃប្រទេសខ្លួនមកចូលរួមដោយមាសិល្បករប្រមាណ ១០០ នាក់។
គួរបញ្ជាក់ថាប្រគុំតន្ត្រីអាស៊ានឆ្នាំ ២០១៩ គឺជាព្រឹត្តិការណ៍វប្បធម៌មួយដែលជម្រុញទំនាក់ទំនងសហប្រតិបត្តិការក្នុងវិស័យវប្បធម៌សិល្បៈរវាងវៀតណាមនិងបណ្តាប្រទេសក្នុងតំបន់ ។ម្យ៉ាងវិញទៀតនេះគឺជាព្រឹត្តិការណ៍ដែលប្រមូលផ្តុំរាល់អង្គភាពសិល្បៈគួរឲ្យកត់សម្គាល់ពីបណ្តាប្រទេសអាស៊ានផងដែរ។ ទន្ទឹមនឹងនេះដែរ នេះក៏គឺជាស្ពានតភ្ជាប់ ដើម្បីជួយប្រជាជននៃបណ្តាប្រទេសដទៃទៀតនៅក្នុងតំបន់កាន់តែយល់ដឹងគ្នា រួបរួមសាមគ្គីគ្នា ដើម្បីរួមចំណែកក្នុងការកសាងសហគមន៍អាស៊ានដែលកាន់តែរីកចម្រើនផងដែរ៕
(ប្រភព៖ dangcongsan.vn បកប្រេដោយ ហេង វុធ្ធី)
មតិពីមិត្តអ្នកអាន