នាថ្ងៃទី៣ ខែសីហា ពិធីបើកការប្រកួតកីឡាយោធាអន្ដរជាតិឆ្នាំ២០១៩ (Army Games 2019) បានប្រព្រឹត្តទៅជាផ្លូវការនៅទីលានយោធា Patriot នៅខាងក្រៅរដ្ឋធានីម៉ូស្គូ សហព័ន្ធរុស្ស៊ី។
ទង់ជាតិវៀតណាម និងបណ្តាប្រទេសត្រូវបានបង្ហូតឡើងនៅពិធីបើក Army Games 2019 (រូបថត៖ kh.qdnd.vn)
ពិធីបើកការប្រកួតកីឡាយោធាអន្ដរជាតិឆ្នាំ២០១៩ ត្រូវបានរៀបចំឡើងយ៉ាងឧឡារិកជាមួយសារអបអរសាទរពីប្រធានាធិបតីរុស្ស៊ី លោក V. Putin ដោយមានខ្លឹមសារថា “ការប្រកួតកីឡារួមវិភាគទានក្នុងការជំរុញទំនាក់ទំនងសហប្រតិបត្តិការអន្តរជាតិ និងជំរុញទំនាក់ទំនងភាពជាដៃគូដោយឈរលើស្មារតីកសាង ដើម្បីផលប្រយោជន៍រួម ដែលធានាសន្តិសុខនៅបណ្តាប្រទេសនៅអាស៊ី-អឺរ៉ុប និងនៅលើពិភពលោក។ ព្រឹត្តិការណ៍នេះក៏ជាឱកាសមួយសម្រាប់បណ្តាប្រទេសរួមគ្នាទប់ទល់នឹងបញ្ហាប្រឈមនានាដែលគំរាមកំហែងដល់ស្ថិរភាពនៅលើពិភពលោក”។
ក្នុងសេចក្តីប្រកាសបើកការប្រកួតកីឡាជាផ្លូវការ រដ្ឋមន្ត្រីក្រសួងការពារជាតិរុស្ស៊ី លោក Sergey Shoigu បានជឿជាក់ថា បណ្តាប្រទេសនឹងប្រកួតដោយបញ្ជាក់ពីអំណាចនៃស្មារតី និងការប្តេជ្ញាចិត្ត។
ក្រុមសារជាតិគីមី កងទ័ពប្រជាជនវៀតណាមធ្វើព្យុហយាត្រានៅពិធីបើក Army Games 2019 (រូបថត៖ kh.qdnd.vn)
ក្នុងស្មារតីនោះ គណៈប្រតិភូកងទ័ពប្រជាជនវៀតណាម ដោយមានក្រុមចំនួន ៧ ដែលចូលរួមវិញ្ញាសាយោធា និងក្រុមមួយចូលរួមវិញ្ញាសាសិល្បៈ បាននាំយកទៅការប្រកួតកីឡា Army Games នូវការប្តេជ្ញាចិត្តប្រកួតប្រជែងដើម្បីទទួលឲ្យបានស្នាដៃល្អបំផុត រួមចំណែកបញ្ជាក់ពីកម្លាំងនៃកងទ័ពប្រជាជនវៀតណាម និងស្មារតីផ្លាស់ប្តូរ កិច្ចសហប្រតិបត្តិការមិត្តភាពជាមួយបណ្តាប្រទេសនៅលើពិភពលោក។
នាថ្ងៃដដែល ពិធីបើកការប្រកួតកីឡាយោធាអន្ដរជាតិឆ្នាំ២០១៩ បានប្រព្រឹត្តទៅនៅមូលដ្ឋាន Korla នៃយោធភូមិភាគ Xinjiang ប្រទេសចិន។
ក្រុមសារជាតិគីមីកងទ័ពប្រជាជនវៀតណាម ដឹកនាំដោយលោកវរសេនីយ៍ឯក Ngo Van Dinh អនុប្រធានសេនាធិការកងឯកភាពទ័ពជំនាញសារជាតិគីមី រួមជាមួយក្រុមចំនួន ២៤ ទៀតមកពីប្រទេស១១ បានចូលរួមពីធីប្រកួតនេះ៕
（ប្រភព៖ kh.qdnd.vn សរុបដោយ ហេង វុធ្ធី）
មតិពីមិត្តអ្នកអាន