វៀតណាមបន្តចាត់វិធានការយ៉ាងម៉ឹងម៉ាត់និងខ្លាំងក្លាថែមទៀតក្នុងការការពារនិងប្រយុទ្ធប្រឆាំងនឹងជំងឺឆ្លងកូវីដ១៩

ឧបនាយករដ្ឋមន្ត្រីវៀតណាម លោក Vu Duc Dam អញ្ជើញថ្លែងមតិក្នុងកិច្ចប្រជុំ (រូបថត៖​ baotintuc)

អញ្ជើញជាអធិបតីកិច្ចប្រជុំគណៈកម្មាធិការជាតិគ្រប់គ្រងនិងប្រឆាំងជម្ងឺរាតត្បាតកូវីដ១៩នៅឯទីស្នាក់ការរដ្ឋាភិបាលនាព្រឹកថ្ងៃទី ១៦ ខែមីនា ឧបនាយករដ្ឋមន្ត្រីវៀតណាម លោក Vu Duc Dam ប្រធានគណៈកម្មាធិការដឹកនាំ បានអះអាងថាវៀតណាមបន្តទប់ស្កាត់យ៉ាងម៉ឺងម៉ាត់និងប្តូរផ្តាច់ ដើម្បីឆ្លើមតបនឹងការវិវត្តដ៏ស្មុគស្មាញនៃការរីករាលដាលនៃជំងឺកូវូដ១៩ នៅជំវិញពិភពលោកតែម្តង។

នៅក្នុងកិច្ចប្រជុំនេះ សមាជិកនៃគណៈកម្មាធិការជាតិដឹកនាំការការពារនិងប្រឆាំងជម្ងឺរាតត្បាត ក៏បានវាយតម្លៃថាសភាពការណ៍ដ៏ស្មុគស្មាញនៃការរីករាលដាលជំងឺកូវីដ១៩ នៅលើពិភពលោកនាពេលប្ចុច្បន្ន ដូច្នេះប្រទេសវៀតណាមត្រូវប្រកាន់ខ្ជាប់តាមវិធានការឃ្លាំមើលយ៉ាងដិតដល់សម្រាប់ជនបរទេស ដែលចូលមកប្រទេសវៀតណាម។

សមាជិកនៃគណៈកម្មាធិការក៏បានពិភាក្សាគ្នាអំពីវិធានការណ៍នានាក្នុងការសម្របសម្រួលឱ្យកាន់តែជិតស្និទ្ធរវាងកងកម្លាំងដែលមានសមត្ថកិច្ចក្នុងការរៀបចំ និងអនុវត្តយ៉ាងតឹងរឹងនូវការណែនាំរបស់នាយករដ្ឋមន្រ្តីវៀតណាមស្តីពីការរាយការណ៍សុខភាពដោយបង្ខំ និងការងារធ្វើដាក់ឲ្យនៅដាច់ដោយឡែកចំពោះប្រជាជនចូលប្រទេសវៀតណាម ពីតំបន់ផ្ទុះជម្ងឺរាតត្បាត ឬធ្លាប់ឆ្លងកាត់តំបន់មានជម្ងឺរាតត្បាតក្នុងរយៈពេល ១៤ ថ្ងៃឬមានរោគសញ្ញាគ្លីនិកនៃជំងឺរាតត្បាតនេះផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baotintuc.vn）

（បកប្រែដោយ ហេង វុធ្ធី）