យុគសម័យ - នៅក្នុងកិជំនួបជាមួយអនុរដ្ឋមន្រ្តីក្រសួងការពារជាតិអាស៊ាន - កូរ៉េខាងត្បូង លោកឧត្តមសេនីយ៍ឯក Nguyen Chi Vinh អនុរដ្ឋមន្ត្រីការពារប្រទេសវៀតណាមបានអះអាងថា វៀតណាមគាំទ្រកូរ៉េខាងត្បូងក្នុងវិស័យកិច្ចសហប្រតិបត្តិការការពារជាតិជាមួយអាស៊ាន។ ជំនួបជាមួយអនុរដ្ឋមន្រ្តីក្រសួងការពារជាតិអាស៊ាន - កូរ៉េខាងត្បូង បានធ្វើឡើងនៅរសៀលថ្ងៃទី ៤ ខែកញ្ញានៅទីក្រុងសេអ៊ូលប្រទេសកូរ៉េខាងត្បូង។
តំណាងបណ្តាប្រទេសជាសមាជិកអាស៊ាន និងកូរ៉េខាងត្បូង (រូបថត៖ vietnamplus.vn)
ចូលរួមក្នុងជំនួបនេះ លោកឧត្តមសេនីយ៍ឯក Nguyen Chi Vinh បានអះអាងថាវៀតណាមគាំទ្រកូរ៉េខាងត្បូងលើវិស័យកិច្ចសហប្រតិបត្តិការការពារជាតិជាមួយអាស៊ាន។ ភាគីទាំងពីរបន្តពង្រីកកិច្ចសហប្រតិបត្តិការជាន់ខ្ពស់ដោយឥតឈប់ឈរនិងអាស្រ័យទៅលើមូលដ្ឋាននៃផលប្រយោជន៍ដូចគ្នា ព្រមទាំងរួមគ្នាដោះស្រាយបញ្ហាប្រឈមសន្តិសុខប្រពៃណីមិនមែនជាប្រពៃណី។ កូរ៉េខាងត្បូងមានបំណងចង់សហការយ៉ាងស៊ីជម្រៅថែមទៀតជាមួយអាស៊ានក្នុងក្របខ័ណ្ឌនៃយន្តការកិច្ចប្រជុំថ្នាក់រដ្ឋមន្ត្រីការពារជាតិនៃបណ្តាប្រទេសអាស៊ានបើកទូលាយ (ADMM+) លើវិស័យសន្តិសុខសមុទ្រនិងប្រឆាំងភេរវកម្មជាដើម។
លោកឧត្តមសេនីយ៍ឯក Nguyen Chi Vinh ក៏បានស្នើឲ្យកូរ៉េខាងត្បូងយកចិត្តទុកដាក់ថែមទៀតលើវិស័យសំខាន់ៗនៃយន្តការ ADMM + ដូចជាសន្តិសុខសមុទ្រនិងសកម្មភាពរក្សាសន្តិភាព៕
（ហេង វុធ្ធី）
（ប្រភពព័ត៌មាន: vietnamplus.vn）
មតិពីមិត្តអ្នកអាន