យុគសម័យ - នារសៀលថ្ងៃទី ១០ ខែ មិថុនា នាយករដ្ឋមន្ត្រីវៀតណាម លោក Nguyen Xuan Phuc បានអញ្ជើញទទួលជួបពិភាក្សាជាមួយរដ្ឋមន្ត្រីការបរទេសនិងសហប្រតិបត្តិការ Timor-Leste លោក Dionisio Babo Soares ដែលកំពុងបំពេញទស្សនកិច្ចជាផ្លូវការនៅវៀតណាម។
នាយករដ្ឋមន្ត្រីវៀតណាមលោក Nguyen Xuan Phuc អញ្ជើញទទួលជួបជាមួយរដ្ឋមន្ត្រីការបរទេសនិងសហប្រតិបត្តិការ Timor-Leste លោក Dionisio Babo Soares (រូបថត: TTXVN)
ក្នុងជំនួបនេះ នាយករដ្ឋមន្ត្រីវៀតណាម លោក Nguyen Xuan Phuc បានសម្តែងក្តីសោមនស្សរីករាយដែលរដ្ឋមន្ត្រី លោក Dionisio Babo Soares បានអញ្ជើញមកបំពេញទស្សនកិច្ចនៅវៀតណាមជាថ្មីម្តងទៀត ព្រមទាំងជឿជាក់ថា ដំណើរទស្សនកិច្ចនេះនឹងទទួលបានជោគជ័យ រួមចំណែកដល់ការពង្រឹងចំណងមិត្តភាពនិងកិច្ចសហប្រតិបត្តិការរវាងវៀតណា មនិង Timor-Leste នាពេលខាងមុខផងដែរ។
ចំណែកឯរដ្ឋមន្ត្រីការបរទេសនិងសហប្រតិបត្តិការ Timor-Leste លោក Dionisio Babo Soares បានសម្តែងការសប្បាយរីករាយនិងបានថ្លែងអំណរគុណចំពោះការទទួលបដិសណ្ឋារកិច្ចដ៏រាក់ទាក់រួសរាយរបស់នាយករដ្ឋមន្ត្រីវៀតណាម លោក Nguyen Xuan Phuc។ រដ្ឋមន្ត្រីលោក Dionisio Babo Soares បានលើកឡើងថា ក្នុងរយៈពេលកន្លងមក ទំនាក់ទំនងរវាងប្រទេសទាំងពីរបានអភិវឌ្ឍន៍យ៉ាងល្អប្រសើរ ប៉ុន្តែកំណើនពាណិជ្ជកម្មទ្វេភាគីបានត្រឹមតែជាង ២ លានដុល្លារប៉ុណ្ណោះ ។ ហេតុដូច្នេះ ភាគីទាំងពីរកំពុងព្យាយាមពិភាក្សាពីវិធានការនានាដើម្បីជំរុញនិងលើកកម្ពស់ប្រសិទ្ធភាពនៃកិច្ចសហប្រ តិបត្តិការរវាងប្រទេសទាំងពីរ។ រដ្ឋមន្ត្រី លោក Dionisio Babo Soares បានសម្តែងនូវចំណាប់អារម្មណ៍និងអបអរសាទរចំពោះសមិទ្ធផលសេដ្ឋកិច្ចសង្គមដែលវៀតណាមទទួលបាន ជាពិសេសគឺវិស័យការទូតរបស់វៀតណាមដែលថ្មីៗនេះ វៀត ណាមបានជាប់ឆ្នោតជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខ ដោយទទួលបានសម្លេងឆ្នោតខ្ពស់បំផុត។
ទិដ្ឋភាពនៃពិធីទទួល ( រូបថត: TTXVN)
ក្នុងជំនួបនេះ នាយករដ្ឋមន្ត្រីវៀតណាម លោក Nguyen Xuan Phuc បានស្នើឱ្យវៀតណាមនិង Timor-Leste ជំរុញការផ្លាស់ប្តូរគណៈប្រតិភូជាន់ខ្ពស់ រួមជាមួយការបង្កើតយន្តការដើម្បីបង្កើនប្រសិទ្ធភាពនៃកិច្ចសហប្រតិបត្តិការទ្វេភាគីលើវិស័យវិនិយោគនិងពាណិជ្ជកម្ម។ លោកនាយករដ្ឋមន្ត្រីវៀតណាមក៏បានសម្តែងនូវគោលបំណងថា Timor-Leste នឹងបន្តបង្កលក្ខណៈងាយស្រួលសម្រាប់សហគមន៍ជនវៀតណាមនិងអង្គភាពអាជីវកម្មវៀតណាមសម្របខ្លួនជាមួយប្រទេសសាមី និងរួមចំណែកជាវិជ្ជមានដល់ការអភិវឌ្ឍន៍ របស់ប្រទេស Timor-Leste ក៏ដូចជាទំនាក់ទំនងរវាងប្រទេសទាំងពីរ វៀត ណាមនិង Timor-Leste ផងដែរ៕
（ដោយ ស្រីព្រេជ）
មតិពីមិត្តអ្នកអាន