យុគសម័យ - រដ្ឋមន្រ្តីក្រសួងទេសចរណ៍នៃប្រទេសចំនួន ១០ នៃសមាគម ប្រជាជាតិអាស៊ីអាគ្នេយ៍ (អាស៊ាន) បានចូលរួម ក្នុងកិច្ចប្រជុំពិសេសមួយ តាមរយៈ Video Conference កាលពីខែមេសាកន្លងមក។
ការស្តារឡើងវិញវិស័យទេសចរ នៅតំបន់អាស៊ាននឹងកាត់បន្ថយផលប៉ះពាល់ដែលបណ្តាលដោយជំងឺ Covid-19។ (រូបថត៖ Vietnamnet)
អ្នកតំណាងអញ្ជើញចូលរួមក្នុងកិច្ចប្រជុំពិសេស តាមរយៈ Video Conference ថ្នាក់រដ្ឋមន្រ្តីទេសចរណ៍អាស៊ានបានអនុម័តលើគោលការណ៍ “ សេចក្តីប្រកាសរួមរបស់រដ្ឋមន្រ្តីទេសចរណ៍អាស៊ានស្តីពីការពង្រឹងកិច្ចសហប្រតិបត្តិការ ដើម្បីស្តារវិស័យទេសចរឡើងវិញ” ។
តំបន់អាស៊ានបានយល់ព្រមប្តេជ្ញាអនុវត្តផែនការបង្ការ ដែលក្នុងនោះប្រទេសនីមួយៗនឹងចែករំលែកព័ត៌មាន តាមរយៈក្រុមទាក់ទងនឹងវិបត្តិទេសចរណ៍អាស៊ាន ព្រមទាំងកំពុងស្វែងរកកិច្ចសហប្រតិបត្តិការពីអង្គការអន្តរជាតិ ដើម្បីរួមគ្នានិងស្តារឡើងវិញវិស័យទេសចរបន្ទាប់ពីបញ្ចប់រោគរាតត្បាតសកល Covid-19 ។
ការស្តារឡើងវិញវិស័យទេសច បន្ទាប់ពីបញ្ចប់រោគរាតត្បាតសកល Covid-19 គឺចាំបាច់។ ជាមុនបង្អស់ វិស័យទេសចរណ៍អាចចាប់ផ្តើមស្តារឡើងវិញនៅក្នុងតំបន់។ ដូច្នេះសមាជិកមិនពិភាក្សាអំពីគោលនយោបាយផ្តល់ទិដ្ឋាការចូលដែលអនុញ្ញាតឱ្យពលរដ្ឋអាស៊ានឆ្លងដែនដោយសេរីរវាងបណ្តាប្រទេសអាស៊ាន។
ប្រព័ន្ធផ្សព្វផ្សាយថៃនៅថ្ងៃទី ៣០ ខែមេសា បានដកស្រង់សម្តីរបស់លោករដ្ឋមន្រ្តីក្រសួងទេសចរណ៍និងកីឡាថៃ Phiphat Ratchakitprakarn បាននិយាឲ្យដឹងថា នឹងមិនមានការចរចាណាមួយស្តីពីការលើកលែងទិដ្ឋាការឬការផ្តល់ទិដ្ឋាការដោយសេរី នាពេលអនាគតទេ ពីព្រោះប្រទេសជាសមាជិកអាស៊ាន ផ្តោតលើផែនការស្តារវិស័យទេសចរឡើងវិញដោយខ្លួនឯង។
យោងតាមលោក Phiphat គោលនយោបាយបង្កលក្ខណៈងាយស្រួលសម្រាប់ការផ្តល់ទិដ្ឋាការចូលនឹងត្រូវពិចារណាឡើងវិញ នៅពេលអាស៊ានអាចទប់ស្កាត់ការរីករាលដាលនៃជំងឺ Covid-19 ហើយរឹតត្បិតការធ្វើដំណើរនៅក្នុងប្រទេសនីមួយៗត្រូវបានលុបចោលដែលអនុញ្ញាតឱ្យសកម្មភាពទេសចរបានស្តារឡើងវិញ។
កាលពីឆ្នាំមុន ប្រទេសថៃបានអនុវត្តនូវការផ្តល់ទិដ្ឋាការចូលប្រទេសដោយសេរីសម្រាប់គោលដៅ (VOA) ចាប់ពីថ្ងៃទី ៣១ ខែធ្នូឆ្នាំ ២០១៩ ដល់ថ្ងៃទី ៣០ ខែមេសាឆ្នាំ ២០២០ សំដៅជំរុញវិស័យទេសចរ។ ទោះយ៉ាងណាការរីករាលដាលនៃរោគរាតត្បាត Covid-19 បានបង្ខំឱ្យប្រទេសថៃបញ្ឈប់ការផ្តល់ទិដ្ឋការ VOA សម្រាប់ ១៨ ប្រទេសរួមទាំងប្រទេសចិននិងលុបចោលការលើកលែងទិដ្ឋាការសម្រាប់ប្រទេសកូរ៉េខាងត្បូង អ៊ីតាលីនិង ហុងកុង (ចិន) ។
លើសពីនេះនាយកដ្ឋានអាកាសចរណ៍ស៊ីវិលថៃ (CCAT) បានហាមឃាត់ការហោះហើរទៅកាន់ប្រទេសថៃ រហូតដល់ថ្ងៃទី ៣១ ខែឧសភា ខណៈដែលបណ្តាប្រទេសអាស៊ីអាគ្នេយ៍ដូចជា សិង្ហបុរី វៀតណាមនិងឥណ្ឌូនេស៊ី ក៏បន្តផ្អាកនូវការផ្តល់ទិដ្ឋការសម្រាប់ភ្ញៀវទេសចរបរទេស រួមទាំងពលរដ្ឋអាស៊ានផងដែរ។
ប្រសិនបើវ៉ាក់សាំង Covid-19 មិនត្រូវបានបង្កើតឡើងនៅឆ្នាំនេះសមាជិកអាស៊ានទាំងអស់យល់ព្រមអនុវត្តស្តង់ដាររួមដែលសង្កត់ធ្ងន់លើការអនុវត្តវិធានការរក្សាគម្លាតសង្គម ក៏ដូចជាសុវត្ថិភាពនិងអនាម័យក្នុងសេវាកម្មធ្វើដំណើរ។
ប្រទេសនីមួយៗក្នុងតំបន់មានទស្សនៈពោរពេញទៅដោយក្តីសង្ឃឹមថា ទេសចរណ៍ក្នុងស្រុកនឹងចាប់ផ្តើមស្តារឡើងវិញ នៅខែកក្កដាខាងមុខ។ ការទាក់ទាញទីផ្សារអន្តរជាតិនឹងគឺជាភ្ញៀវទេសចរអាស៊ីអាគ្នេយ៍ មុនពេលពង្រីកទីផ្សារទៅកាន់ទ្វីបអាស៊ីទាំងអស់។ ។ ប្រសិនបើស្ថានភាពនៅអាស៊ី រួមទាំងចិនជប៉ុននិងកូរ៉េខាងត្បូងអាចនឹងមានភាពល្អប្រសើរឡើង នៅក្នុងត្រីមាសចុងក្រោយនៃឆ្នាំនេះវិស័យទេសចរណ៍នៅអាស៊ីនឹងជួយកាត់បន្ថយផលប៉ះពាល់នៃជំងឺរាតត្បាត Covid-19 នៅក្នុងតំបន់./.
（បកប្រែដោយឌីណា）
មតិពីមិត្តអ្នកអាន