យុគសម័យ - រូបថតទង់ជាតិវៀតណាមត្រូវបានព្យួរពេញអគារលំនៅឋាន បានចែករំលែកយ៉ាងច្រើនលើក នៅលើបណ្តាញសង្គម ក្នុងប៉ុន្មានថ្ងៃនេះត្រូវបានថតដោយលោក Prabu Mohan ជនជាតិឥណ្ឌាម្នាក់ រស់នៅរដ្ឋធានី HaNoi។
រូបថតនេះបានទាក់ទាញចំណាប់អារម្មណ៍របស់ Prabu Mohan ជនជាតិឥណ្ឌាម្នាក់ រស់នៅរដ្ឋធានី Ha Noi។ នៅក្នុងរូបថត លោកបានថតទង់ជាតិវៀតណាមព្យួរពេញអគារលំនៅឋានមួយ។ ប្រជាជនព្យួរទង់ជាតិ សំដៅលើកទឹកចិត្តអ្នកប្រយុទ្ធប្រឆាំងនឹង Covid-19 ។
ក្នុងរយៈពេលប៉ុន្មានថ្ងៃនេះ បណ្តាញសង្គមបានចែករំលែកនូវរូបថតទង់ជាតិវៀតណាមដែលព្យួរពេញអគាលំនៅឋាន ថែមទាំងរូបថតនេះទទួលការសរសើរយ៉ាងច្រើន។ នៅក្នុងបរិបទនៃការរីករាលដាលនៃជំងឺ Covid-19 មានភាពស្មុគស្មាញលើពិភពលោក ប្រជាជនបានរួមសុខរួមទុក្ខជាមួយរដ្ឋាភិបាល ក្នុងការប្រយុទ្ធប្រឆាំងនឹងជំងឺនេះ។ ដូច្នេះ រូបថតនេះកាន់តែមានតម្លៃនិងអត្ថន័យជាង។ មនុស្សជាច្រើនបានឃើញរូបថតនោះភ្លាមៗ គិតដល់អត្ថន័យនៃការលើកកម្ពស់ស្មារតីរបស់ប្រជាជនទាំងមូល ការរួបរួមគ្នា ដើម្បីយកឈ្នះជំងឺរាតត្បាត និងឆ្ពោះទៅរកជីវិតវិលត្រឡប់មករកភាពធម្មតាវិញ។
ជាពិសេស នេះត្រូវបានថតដោយជនជាតិឥណ្ឌាម្នាក់ រស់នៅរដ្ឋធានី Ha Noi -លោក Prabu Mohan ។ ជាដំបូង លោក Mohan បានចែករំលែករូបថតទង់ជាតិព្យួរពេញអគារលំនៅឋានមួយ នៅជិតកន្លែងដែលលោកកំពុងរស់នៅ ស្ថិតលើផ្លូវ Tam Trinh ខណ្ឌ Hoang Mai លើវេទិការសម្រាប់ជនបរទេស នៅថ្ងៃទី ១៩ ខែមេសា។
លោកបាននិយាយថា“ វិធីមួយក្នុងចំណោមបណ្តាវិធីដែលបង្ហាញការគាំទ្ររបស់អ្នកក្នុងគ្រាលំបាក” ។
ទិដ្ឋភាពផ្លូវ Ta Hien ក្នុងអំឡុងពេលអនុវត្តវិធានការរក្សាគន្លាតសង្គម នៅរដ្ឋធានី Ha Noi។
រហូតមកដល់ពេលនេះ រូបថតនេះបានថតពេលវេលា ដែលទង់ជាតិវៀតណាមរាប់រយត្រូវបានព្យួរយ៉ាងឱឡារិក នៅលើយ៉រនៃអគារលំនៅឋាន ដែលទទួលបានការចូលចិត្តរាប់ពាន់ហើយល្បឿននៃការចែករំលែកមិនបានមានសញ្ញាឈប់ឡើយ។
លោក Parbu Mohan បានមានប្រសាសន៍ថា លោកបានថតរូបថតនេះ នៅពេលដែលលោកចេញទៅទិញរបស់ចាំបាច់មួយចំនួន។
នៅតាមផ្លូវ លោកបានមើលឃើញទិដ្ឋភាពពិតជាស្រស់ស្អាតណាស់ដែលលោកចង់ថតរូបទិដ្ឋភាពនេះ ទោះបីជាលោកនៅតែមិនយល់ពីសកម្មភាពនេះក៏ដោយ។
ទោះយ៉ាងណាក៏ដោយ លោកដឹងថា សកម្មភាពព្យួរទង់ជាតិវៀតណាម មានសារៈសំខាន់ណាស់។ ពីព្រោះការរស់នៅក្នុងប្រទេសវៀតណាមជិត ៩ ឆ្នាំ ហើយ លោកបានឃើញទង់ជាតិព្យួរពេញមេឃ ក្នុងឱកាសនៃពិធីបុណ្យធំ ឬនៅពេលដែលប្រជាជនវៀតណាមគាំទ្រចំពោះភាពជោគជ័យនៃក្រុមបាល់ទាត់វៀតណាម./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន