យុគសម័យ - ស្ថានទូតវៀតណាមប្រចាំនៅអេហ្ស៊ីបបានរៀបចំការតាំងពិព័រណ៍រូបថតអំពីលោកប្រធានហូជីមិញជាមួយបដិវត្តន៍វៀតណាមនិងសកម្មភាពអន្ដរជាតិ។
ឯកអគ្គរដ្ឋទូត Tran Thanh Cong អញ្ជើញថ្លែងក្នុងពិធី (រូបថតៈ VOV)
នាទី ១៦ ខែឧសភា ស្ថានទូតវៀតណាមប្រចាំនៅអេហ្ស៊ីប បានរៀបចំយ៉ាងអធឹកអធមនូវកម្មវិធីរំលឹកខួបអនុស្សាវរីយ៍លើកទី ១២៩ នៃ ទិវាកំណើតរបស់ប្រធានហូជីមិញ (១៩ ឧសភា ១៨៩០ - ១៩ ឧសភា ២០១៩) ជាមួយសកម្មភាព មិទ្ទីង ការតាំងពិពណ៌រូបថត សៀវភៅស្តីពីស្ថានភាពអាជីពរបស់លោក។
នៅទីស្នាក់ការស្ថានទូតវៀតណាមប្រចាំនៅអេហ្ស៊ីប បងប្អូនវៀតណាមនិងភ្ញៀវអន្តរជាតិជាច្រើនបានចូលរួមសកម្មភាពដ៏សែនសំខាន់នេះ ដើម្បីអបអរសាទរខួបលើកទី១២៩ នៃទិវាកំណើតរបស់លោកប្រធានហូជីមិញ។
ភ្ញៀវអន្តរជាតិចាប់អារម្មណ៍យ៉ាងខ្លាំងចំពោះរូបថតដែលបានតាំងបង្ហាញក្នុងពិព័រណ៍ (រូបថតៈ VOV)
អញ្ជើញថ្លែងមតិក្នុងពិធី ឯកអគ្គរដ្ឋទូតវៀតណាមប្រចាំនៅអេហ្ស៊ីប លោក Tran Thanh Cong បានអះអាងថា នេះគឺជាឱកាសដ៏មានអត្ថន័យសម្រាប់មិត្តភក្តិអន្តរជាតិនិងសហគមន៍ជនវៀតណាមនៅអេហ្ស៊ីប បានរស់នៅក្នុងអនុស្សាវរីយ៍អំពីលោកប្រធានហូជីមិញ។ លោកឯកអគ្គរដ្ឋទូតក៏បានសង្កត់ធ្ងន់លើតួនាទីរបស់លោកប្រធានហូជីមិញក្នុងការបង្កើតមូលដ្ឋានគ្រឹះសម្រាប់ការអភិវឌ្ឍទំនាក់ទំនងវៀតណាមនិងអេហ្ស៊ីបផងដែរ។
ក្នុងឱកាសនេះ ស្ថានទូតវៀតណាមប្រចាំនៅអេហ្ស៊ីបបានរៀបចំការតាំងពិព័រណ៍រូបថតស្តីពីលោកប្រធានហូជីមិញជាមួយបដិវត្តន៍វៀតណាមនិងសកម្មភាពអន្ដរជាតិ។ គណៈប្រតិភូចូលរួមបានចាប់អារម្មណ៍យ៉ាងខ្លាំងចំពោះរូបថតរបស់ប្រ ធានហូជីមិញ នៅពេលដែលលោកអញ្ជើញបំពេញទស្សនកិច្ចនៅប្រទេសអេហ្ស៊ីប។
ក្នុងឱកាសនោះ ប្រតិភូទាំងអស់បានទស្សនាឡើងវិញនូវខ្សែភាពយន្តឯកសារប្រវត្ដិសាស្ដ្រស្តីពីជីវិតនិងអាជីពរបស់លោកប្រធានហូជីមិញ ទស្សនាកន្លែងតាំងបង្ហាញសៀវភៅនិងឯកសារអំពីលោកប្រធានហូជីមិញផងដែរ៕
(យោងតាម vov.vn ប្រែសម្រួលដោយមិញ អាញ់)
មតិពីមិត្តអ្នកអាន