យុគសម័យ - ក្នុងឱកាសអបអរសាទរខួបលើកទី ៤៥ នៃការរំដោះភាគខាងត្បូងនៃប្រទេសវៀតណាមនិងការបង្រួបបង្រួមប្រទេស (ថ្ងៃទី ៣០ ខែមេសាឆ្នាំ ១៩៧៥ - ថ្ងៃទី ៣០ ខែមេសាឆ្នាំ ២០២០) ក្រុមហ៊ុន Vietravel បានសហការជាមួយមន្ទីរទេសចរណ៍ទីក្រុង Ho Chi Minh រៀបចំកម្មវិធី “ឈានចូលទីក្រុង Sai Gon “។
ការធ្វើដំណើរទេសចរនិងស្វែងយល់ពិសេសនេះ បានរៀបចំដោយរថយន្តបុរាណ។ (រូបថត៖ NLD)
ដំណើរ“ឈានចូលទីក្រុង Sai Gon” នាំយើងត្រលប់ទៅអនុស្សាវរីយ៍ចាស់ដោយការមកទេសចរទីកន្លែងនិងកេរ្តិ៍ដំណែលប្រវត្តិសាស្ត្រជាច្រើន ដែលបានចូលរួមចំណែកយ៉ាងធំធេងដល់ជ័យជំនះដ៏អស្ចារ្យ នៅខែមេសាឆ្នាំ ១៩៧៥ ។ ការធ្វើដំណើរទេសចរនិងស្វែងយល់ពិសេសនេះ បានរៀបចំដោយរថយន្តបុរាណ។ ភ្ញៀវនឹងចេញដំណើរនៅម៉ោង ៧ និង ៣០ នាទី និងបញ្ចប់នៅម៉ោង ១១ ៣០នាទី នៅវិមានឯករាជ្យ។ កាលពី ៤៥ ឆ្នាំមុនត្រូវវេលាម៉ោង ១១ និង ៣០ នាទីថ្ងៃទី ៣០ ខែមេសា បានក្លាយពេលវេលាដ៏សំខាន់មួយ ក្នុងប្រវត្តិសាស្ត្រ នៅពេលដែលទង់ជាតិគណៈកម្មធិការរណសិរ្សរំដោះជាតិវៀតណាមខាងត្បូងបានដោត នៅលើដំបូលវិមានឯករាជ្យ ដែលបញ្ចប់សង្គ្រាមអូសបន្លាយជាង ២០ ឆ្នាំ ប្រទេសជាតិបានបង្រួបបង្រួមទាំងស្រុង។
ភ្ញៀវចូលរួមក្នុងដំណើរទស្សនពិសេសនេះ នឹងស្វែងរកកន្លែងសម្ងាត់ ដើម្បីយល់ដឹងកាន់តែច្បាស់លាស់អំពីភាពក្លាហាននិងភាពវាងវៃរបស់ទាហាន នា ៤៥ ឆ្នាំមុន។
ហាងកាហ្វេ Do Phu ហាងលក់បាយ Dai Han។ (រូបថត៖ NLD)
ភ្ញៀវក៏អាចរកឃើញរណ្តៅសម្ងាត់ក្រោមដី។ (រូបថត៖ NLD)
ជាដំបូងបង្អស់ ភ្ញៀវបានទៅទស្សនាហាងកាហ្វេ Do Phu ហាងលក់បាយ Dai Hanដែលធ្លាប់ជាទីកន្លែងទាក់ទងនិងផ្លាស់ប្តូរ រៀបចំកិច្ចប្រជុំសំខាន់ៗ និងទុកលុយ - មាស - ដុល្លារ - ថ្នាំ ... ដើម្បីផ្គត់ផ្គង់ដល់ទាហារក្នុងទីក្រុងនិង តំបន់មានសង្គ្រាម។ នៅទីនេះក្រៅពីពិសារបាយនិងកាហ្វេ ភ្ញៀវក៏អាចរកឃើញរណ្តៅសម្ងាត់ក្រោមដី និងប្រអប់សំបុត្រសម្ងាត់ ស្ថិតនៅក្នុងទីស្ថានដែលពោរពេញទៅដោយអារម្មណ៍រំលឹកនឹកដល់ទីក្រុង Sai Gon ចាស់។
ទស្សនាសារមន្ទីរឆ្លាត ក្រុមភ្ញៀវទាំងមូលបានឡើងជណ្តើរយន្តធ្វើពីឈើបុរាណ ក៏ដូចជាបានឃើញវត្ថុបុរាណជាង ១០០ ដែលប្រើដោយទាហានក្នុងដំណើរការប្រតិបត្តិការសម្ងាត់ កាលពីអតីតកាល។ វត្ថុប្រើប្រាស់ដូចជា តុ កៅអី ទូ ... នៅក្នុងផ្ទះនៅតែរក្សាស្ថានភាពដើមនិងរៀបចំស្ទើរតែដូចមុន។ ជាពិសេស សារមន្ទីរកំម៉ង់ដូ Sai Gon - ផ្ទះដែលមានបន្ទប់ក្រោមដីផ្ទុកអាវុធ ត្រូបាន លោក Tran Van Lai នៅពេលនោះលោកយកឈ្មោះ Mai Hong Que - អ្នកម៉ៅការមហាសេដ្ឋីដែលបានទទួលបន្ទុកខាងតុបតែងខាងក្នុងវិមានឯករាជ្យ ដោយលោកបានប្រើលុយផ្ទាល់ខ្លួន ដើម្បីទិញភារកិច្ចតុបតែងនេះ។ លោកបានធ្វើតាមការបញ្ជារបស់ថ្នាក់ដឹកនាំ។ ហេតុដូច្នេះ លោកនិងភរិយាបានជីករណ្តៅក្រោមដីដោយសម្ងាត់ ដែលបានសាងសង់ប្រឆាំងនឹងការដួលរលំ ចំនួន ៣ បន្ទប់ ដែលផ្ទុកអាវុធសម្រាប់យុទ្ធសាស្រ្តនៅក្នុងទីក្រុង Sai Gon ធានានូវការវាយប្រហារនៅវិមានឯករាជ្យនិងគោលដៅមួយចំនួន។ ដើម្បីបំបាំងភ្នែកសត្រូវ កន្លែងនេះជាមូលដ្ឋានសម្រាប់ផលិតសាឡុង វាំងនន ... ដើម្បីផ្គត់ផ្គង់ដល់វិមាន។
ភ្ញៀវមកទស្សនាមន្ទីរឆ្លាត។ (រូបថត៖NLD)
ការធ្វើដំណើរបានបញ្ចប់នៅម៉ោង ១១ និង ៣០ នាទី ភ្ញៀវនឹងបានឈប់នៅវិមានឯករាជ្យនិងបានអុជធូប នៅឯសិសាចារឹករំលឹកយុទ្ធជនកំម៉ង់ដូ Sai Gon (ស្ថិតនៅក្លោងទ្វារខាងក្រោយនៃសាលបង្រួបបង្រួម) ./.
(បកប្រែដោយឌីណា)
មតិពីមិត្តអ្នកអាន