យុគសម័យ - នារសៀលថ្ងៃទី ១៨ ខែកក្កដា មន្ទីរទេសចរណ៍និងសមាគមទេសចរណ៍ទីក្រុងហូជីមិញបានសហការដើម្បីរៀបចំកម្មវិធីសហប្រតិបត្តិការ “ការតភ្ជាប់ - កម្លាំងទេសចរណ៍វៀតណាម”។ ព្រឹត្តិការណ៍នេះមានអត្ថន័យជាពិសេសក្នុងការផ្សារភ្ជាប់រវាងសមាគមទេសចរណ៍ក្នុងស្រុកជាមួយទីភ្នាក់ងារគ្រប់គ្រងរដ្ឋនិងសហគមន៍សហគ្រាសដែលកំពុងប្រតិបត្តិការនៅក្នុងវិស័យនេះ។
តំណាងសមាគមទេសចរណ៍ខេត្តនិងទីក្រុងធ្វើជាអធិបតីនៃកម្មវិធីនេះ
លោកស្រី Nguyen Thi Khanh អនុប្រធានសមាគមទេសចរណ៍ទីក្រុងហូជីមិញបានមានប្រសាសន៍ថា៖ កម្មវិធីសហប្រតិបត្តិការ “ការតភ្ជាប់ - កម្លាំងទេសចរណ៍វៀតណាម” នឹងភ្ជាប់សហគ្រាសនៅក្នុងវិស័យទេសចរណ៍នៃតំបន់ទាំង ៣ របស់វៀតណាមគឺ ភាគខាងជើង - ភាគកណ្តាល - ភាគខាងត្បូង ដោយមានគោលបំណងពង្រាយកិច្ចសហប្រតិបត្តិការគ្រប់ជ្រុងជ្រោយនិងជំរុញតម្រូវការទេសចរណ៍រវាងមូលដ្ឋាន។ លើសពីនេះទៅទៀត សមាគមដែលបានចុះហត្ថលេខានឹងចូលរួមចំណែកក្នុងការអភិវឌ្ឍនូវផែនការសកម្មភាពជាក់លាក់ជាច្រើន រួមជាមួយកិច្ចសហការរបស់រដ្ឋបាលមូលដ្ឋានក្នុងការជំរុញការអភិវឌ្ឍប្រកបដោយចីរភាពនៃវិស័យទេសចរណ៍វៀតណាម ជាពិសេសនៅក្នុងទីផ្សារក្នុងស្រុក។
ប្រតិភូមានចាប់អារម្មណ៍ដល់ផលិតផលទេសចរណ៍នៅភាគកណ្តាល
តាមរយៈការចុះហត្ថលេខានេះ សមាគមទេសចរណ៍ក្នុងស្រុកនឹងបង្កើនទំនាក់ទំនងដើម្បីអភិវឌ្ឍវិស័យទេសចរណ៍និងបង្កើតផលិតផលទាក់ទាញសម្រាប់ខេត្តនិងទីក្រុង៕(បកប្រែដោយសាមេត)
(ប្រភពព័ត៌មាន: baotintuc.vn)
មតិពីមិត្តអ្នកអាន