យុគសម័យ - ស្ថិតនៅចម្ងាយប្រហែល ៣៥០ គីឡូម៉ែត្រពីចំណុចកណ្តាលទីក្រុង Ho Chi Minh ទោះបីមិនល្បីឈ្មោះដូចជាកោះ Phu Quoc, Nam Du ឬ Ba Lua ក៏ដោយ ក៏ប្រជុំកោះHai Tac មានភាពទាក់ទាញខ្លាំងមែនទែនដែលមិនត្រឹមតែមកពីឈ្មោះរបស់វាប៉ុណ្ណោះទេថែមទាំងក៏មកពីទេសភាពដ៏ស្រស់ស្អាតទៀតផង។
កោះHai Tac នៅខេត្ត Kien Giang ត្រូវបានចាត់ទុកថាជាគោលដៅដ៏ចំឡែកមួយពីឈ្មោះរបស់វា។ តាមពិតនេះជាឈ្មោះប្រជុំកោះមួយដែលមានកោះចំនួន ១៦ ហើយធំជាងគេគឺកោះ Hon Tre (Hon Doc) ដែលស្ថិតនៅក្នុងឃុំ Tien Hai ស្រុក Ha Tien ។ កន្លែងនេះនៅចម្ងាយជិត ២៨ គីឡូម៉ែត្រ ពីឆ្នេរ Ha Tien និង ៤០ គីឡូម៉ែត្រពីកោះ Phu Quoc
ពីឈ្មោះរបស់ប្រជុំកោះ Hai Tac អ្នកទេសចរអាចយល់ដឹងខ្លះអំពីអតីតិកាលនៃកោះនេះ។ ដោយសារតែមានទីតាំងស្ថិតនៅក្នុងតំបន់ឈូងសមុទ្រសមុទ្រ Ha Tien - Rach Gia ឆ្ពោះទៅកាន់ឈូងសមុទ្រថៃដែលជាផ្លូវពាណិជ្ជកម្មដ៏សំខាន់មួយពីប្រទេសចិនទៅបណ្តាប្រទេសនៅភាគខាងលិច ដូចនេះនៅសតវត្សរ៍មុនៗ ប្រជុំកោះនេះគឺជាកន្លែងដ៏ល្អសម្រាប់ចោរសមុទ្រលាក់ខ្លួន វាយឆ្មក់ និងវាយប្រហារនាវាដែលឆ្លងកាត់។ រហូតមកដល់ដើមសតវត្សរ៍ទី ២០ ការចោរសមុទ្រនៅតែកើតឡើង នៅតំបន់នេះដែរ។
មិនត្រឹមតែជាកន្លែងនាំឲ្យមានភាពភ័យរន្ទត់ចំពោះនាវាជាច្រើននោះទេ កោះ Hai Tac ត្រូវបានគេនិយាយថា ជាកន្លែងលាក់កំណប់ទៀតផង។ អ្នកខ្លះនិយាយថានោះគ្រាន់តែជាពាក្យចចាមអារាម តែក៏មានអ្នកខ្លះនិយាយថាវាជាការពិត។ ប៉ុន្តែប្រសិនបើអ្នកត្រលប់ទៅទសវត្សទី ៨០ នៃសតវត្សរ៍មុនវិញ ធ្លាម់មានជនបរទេសម្នាក់បានលុកលុយកោះនេះដោយមានបំណងស្វែងរកកំណប់។ រឿងរ៉ាវនៃផែនទីមួយដែលមានអាយុកាល ៣០០ ឆ្នាំដែលបង្ហាញផ្លូវទៅរកកំណប់ដែលលាក់ទុកនៅលើកោះ រួមទាំងចំនួនកាក់បុរាណដ៏ច្រើនដែលរកឃើញនៅទីនេះ បានធ្វើឱ្យកោះ Hai Tac កាន់តែពិសេសថែមទៀត។
សព្វថ្ងៃនេះក្រៅពីគំនិតចង់ដឹងពីឈ្មោះរបស់កោះ មនុស្សជាច្រើនក៏នាំគ្នាមកកោះ Hai Tac ដើម្បីស្វែងយល់ពីទេសភាពស្រស់ស្អាតនៅកោះនេះទៀតផង។
នៅលើកោះនេះមានឆ្នេរខ្សាច់ពណ៌សស្រស់ស្អាតលាតសន្ធឹងរាប់រយម៉ែត្រអ្នកអាចហែលទឹកលេងកីឡានៅលើឆ្នេរខ្សាច ជួលវ៉ែនតាមើលផ្កាថ្ម ឬទៅចាប់ក្តាមនិងខ្យង។ លើសពីនេះកោះនេះក៏មានស្រះទឹកសាបដែលជាប្រភពទឹកសាបបម្រុងទុកសម្រាប់កោះទាំងមូល ដូច្នេះវាពិតជាសំខាន់ណាស់។ កន្លែងមួយទៀតដែលអ្នកមិនអាចរំលងចោលបាននៅពេលមកដល់កោះ Hai Tac គឺជាបង្គោលអធិបតេយ្យភាពជាតិដែលលើបង្គោលនេះមានកត់ឈ្មោះកោះទាំង ១៦ នៃប្រជុំកោះ Hai Tac។
តំបន់កោះភាគច្រើនត្រូវបានគ្របដណ្ដប់ដោយឈើព្រៃ។ នៅទីនេះក្រៅពីការការស្វែងរក និងស្តាប់អ្នកស្រុកប្រាប់រឿងរ៉ាវអំពីដើមកំណើតនិងឈ្មោះដើមនៃប្រជុំកោះ Hai Tac អ្នកនឹងមានឱកាសទស្សនាទេសភាពធម្មជាតិដ៏ស្រស់ស្អាត់។ សកម្មភាពមួយដែលមិនអាចរំលងចោល ខណៈពេលស្នាក់នៅលើកោះគឺទៅស្ទូចមឹកត្រីនាពេលយប់និងមុជទឹក ចាប់ក្រញ៉ាំ ក្តាម ខ្យង ...
ពេលវេលាដ៏ល្អបំផុតក្នុងការធ្វើដំណើរទៅកាន់កោះ Hai Tac គឺចាប់ពីខែធ្នូដល់ខែមេសា នៅពេលនេះសមុទ្រមានសភាពស្ងប់ស្ងាត់
ភ្ញៀវនឹងពិសារគ្រឿសមុទ្រស្រស់នៅពេលមកទស្សនាកោះ Hai Tac
តំបន់សមុទ្រនានានៅខេត្ត Kien Giang មិនរងឥទ្ធិពលដោយផ្ទាល់ពីព្យុះនោះទេ ប៉ុន្តែមានភ្លៀងច្រើនដែលបណ្តាលមកពីព្យុះរដូវភ្លៀងជាធម្មតាចាប់ផ្តើមពីខែមេសាដល់ខែវិច្ឆិកាជារៀងរាល់ឆ្នាំ។ មុនពេលធ្វើដំណើរអ្នកគួរតែតាមដានការព្យាករណ៍អាកាសធាតុ។ មធ្យោបាយតែមួយគត់ដើម្បីទៅដល់កោះ Hai Tac គឺត្រូវទិញសំបុត្រនាវានៅកំពង់ផែ Ha Tien./.
(ប្រភពព័ត៌មាន: thoidai.com.vn)
មតិពីមិត្តអ្នកអាន