យុគសម័យ - ក្រៅពីសកម្មភាពនិពន្ធនិងតាំងបង្ហាញស្នាដៃនានា គណៈប្រតិភូវៀតណាមក៏បានចូលរួមជួបប្រាស្រ័យនិងផ្លាស់ប្តូរបទពិសោធន៍ខាងជំនាញវិជ្ជាជីវៈជាមួយសិល្បករក្នុងស្រុកនិងសហការីអន្តរជាតិផងដែរ។
ក្រុមសិល្បករវៀតណាមរួមជាមួយក្រុមសិល្បករអន្តរជាតិ (រូបថត៖ vietnamplus.vn)
គណៈប្រតិភូវៀតណាម រួមមានសិល្បករ ៣ រូបមកពីសមាគមវិចិត្រសិល្បៈវៀតណាមនិងសមាគមវិចិត្រសិល្បៈទីក្រុងហូជីមិញ បានចូលរួមក្នុងមហោស្រពសិល្បៈអន្តរជាតិ Yogyakarta និងពិព័រណ៍សិល្បៈអន្តរជាតិ Borobudur ក្រោមប្រធានបទ“ ចំណងមិត្តភាព” ដែលបានធ្វើឡើងចាប់ពីថ្ងៃទី ៩ ដល់ ថ្ងៃទី ១៨ ខែកញ្ញានៅខេត្ត Java ភាគ កណ្តាលប្រទេសឥណ្ឌូនេស៊ី។ ព្រឹត្តិការណ៍នេះបានប្រមូលផ្តុំសិល្បករចំនួន ៣៥ នាក់មកពី ១៧ ប្រទេសនិងតំបន់រួមមាន បង់ក្លាដែស ឥណ្ឌា ម៉ាឡេស៊ី នេប៉ាល់ ហូឡង់ ហ្វីលីពីន ជប៉ុនកូរ៉េខាងត្បូង ប៉ូឡូញ ឥណ្ឌូនេស៊ី រូម៉ានី តៃវ៉ាន់ (ចិន) ថៃ ទួរគី អាមេរិក កាណាដា និងវៀតណាម។ ក្រៅពីសកម្មភាពនិពន្ធនិងបង្ហាញស្នាដៃនានាគណៈប្រតិភូវៀតណាមក៏បានចូលរួមជួបប្រាស្រ័យនិងផ្លាស់ប្តូរបទពិសោធន៍ខាងជំនាញវិជ្ជាជីវៈជាមួយសិល្បករក្នុងស្រុកនិងសហការីអន្តរជាតិផងដែរ។
សិល្បករទាំងឡាយដែលចូលរួមមហោស្រពនេះ (រូបថត៖ vietnamplus.vn)
គួរបញ្ជាក់ថាព្រឹត្តិការណ៍នេះក៏រួមចំណែកលើកកម្ពស់ការផ្លាស់ប្តូរវប្បធម៌រវាងប្រទេសនានាព្រមទាំងជួយផ្សព្វផ្សាយរូបភាព Borobudur ដែលជាគោលដៅទេសចរណ៍ដ៏ល្បីល្បាញរបស់ឥណ្ឌូនេស៊ីដល់មិត្តអន្តរជាតិផងដែរ៕
（ហេង វុធ្ធី）
មតិពីមិត្តអ្នកអាន