Trending now

វៀតណាមត្រៀមជាស្រេចសម្រាប់មហាពិធីបុណ្យវិសាខបូជានៃអង្គការសហប្រជាជាតិឆ្នាំ ២០១៩ - Vesak 2019

09:27 | 19/04/2019 (ប្រែសម្រូលដោយស្រីពេជ្រ)

យុគសម័យ - នារសៀលថ្ងៃទី ១៨ ខែមេសា នៅវត្ត Quan Su មជ្ឈិមសមាគមពុទ្ធសាសនាវៀតណាម បានរៀបចំសន្និសីទសារព័ត៌មាន ស្តីពីការងារត្រៀមរៀបចំសម្រាប់មហាពិធីបុណ្យវិសាខបូជានៃអង្គការសហប្រជាជាតិ - Vesak 2019 នៅវៀតណាម។

ព្រះតេជគុណ Thich Duc Thien អនុប្រធានក្រុមប្រឹក្សាភិបាលនិងជាអគ្គលេខាធិការនៃ Vesak 2019 វៀតណាម អញ្ជើញឆ្លើយសំណួររបស់អ្នកយកព័ត៌មាន (រូបថតៈ TTXVN)

នៅក្នុងសន្និសីទកាសែតនេះ ព្រះតេជគុណ Thich Duc Thien អនុប្រធានក្រុមប្រឹក្សាភិបាលសមាគមព្រះពុទ្ធសាសនាវៀតណាម​និងជាអគ្គលេខាធិការនៃ Vesak 2019 វៀតណាម បានបញ្ជាក់ថា កិច្ចការត្រោមរៀបចំសម្រាប់មហាពិធីវិសាខបូជា ២០១៩ បានរួចជាស្រេចហើយ។

ព្រះតេជគុណ Thich Gia Quang អនុប្រធានក្រុមប្រឹក្សាភិបាលនៃសមាគមព្រះពុទ្ធសាសនាវៀតណាម អញ្ជើញឆ្លើយសំណួររបស់អ្នកយកព័ត៌មាន (រូបថតៈ TTXVN)

មហាពិធីបុណ្យ Vesak 2019 នឹងបានប្រារព្ធឡើងចាប់ពីថ្ងៃទី ១២ ដល់ថ្ងៃទី ១៤ ខែឧសភា នៅមជ្ឈមណ្ឌលវប្បធម៌ព្រះពុទ្ធសាសនា Tam Chuc (ទីរួមស្រុក Ba Sao ស្រុក Kim Bang ខេត្ត Ha Nam - ភាគខាងជើងវៀតណាម)។ រហូតមកដល់បច្ចុប្បន្ន ប្រតិភូអន្ដរជាតិជាង ១.៤០០ នាក់ (មកពីប្រទេសនិងតំបន់ដែនដីចំនួន ១០៥) បានចុះឈ្មោះចូលរួម ក្នុងនោះមានប្រមុខរដ្ឋជាច្រើនរូប។ គណៈចាត់តាំងបានទទួលបទបង្ហាញជាង ៥០០ អត្ថបទ ពីអ្នកប្រាជ្ញទាំងជាតិនិងអន្តរជាតិ ដែលចូលរួមចំណែកសម្រាប់ប្រធានបទចំនួន ៥ នៅឯសិក្ខាសាលា។

ទិដ្ឋភាពនៃសន្និសិទកាសែត

មហាពិធីបុណ្យ Vesak 2019 គឺជាព្រឹត្តិការណ៍កិច្ចការបរទេសដ៏សំខាន់មួយ ដែលរួមចំណែកលើកកំពស់តួនាទីរបស់ពុទ្ធសាសនាវៀតណាមក្នុងសមាហរណកម្មអន្តរជាតិ និងបញ្ជាក់ពីប្រពៃណីប្រវត្តិសាស្ត្រ តម្លៃមនុស្សធម៌នៃសាសនាព្រះពុទ្ធ - សាសនាសន្តិភាពនិងមិត្តភាព ក៏ដូចជាកិច្ចសហការគ្នាដើម្បីការអភិវឌ្ឍន៍ដែលរួមដំណើរជាមួយប្រវត្តិសាស្រ្តរបស់ប្រទេសជាតិ។

នេះក៏ជាឱកាសមួយដើម្បីបញ្ជាក់ពីការខិតខំប្រឹងប្រែងនិងសមិទ្ធិផលរបស់វៀតណាមក្នុងការធានាសេរីភាពខាងជំនឿសាសនា។ ទន្ទឹមជាមួយគ្នានោះ គឺបង្ហាញរូបភាពទឹកដីនិងមនុស្សវៀតណាម វប្បធម៌ប្រពៃណីនិងប្រវត្តិសាស្រ្តក៏ដូចជាវប្បធម៌ពុទ្ធសាសនាវៀតណាមទៅកាន់មិត្តភក្តិអន្តរជាតិ៕



(ប្រែសម្រូលដោយស្រីពេជ្រ)

(ប្រែសម្រូលដោយស្រីពេជ្រ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់