យុគសម័យ - ក្រុមជម្រើសជាតិវៀតណាមបានឡើងទៅកាន់វគ្គផ្តាច់ព្រ័ត្រជួបជម្រើសជាតិម៉ាឡេស៊ីក្នុងព្រឹត្តិការណ៍ AFF Suzuki Cup 2018 បន្ទាប់ពីយកឈ្នះជម្រើសជាតិហ្វីលីពីននៅជើងទី២ដោយលទ្ធផល ២-១ ហើយទាំងពីរជើងឈ្នះ ៤-២។
Quang Hai ទទួលបានការកោតសរសើរយ៉ាងខ្លាំង (រូបថតៈ www.24h.com.vn)
ក្រុមកីឡាបាល់ទាត់ជម្រើសជាតិវៀតណាមបានឈានទៅដណ្តើមពានរង្វាន់ AFF Suzuki Cup 2018 ជាមួយម៉ាឡេស៊ី បន្ទាប់ពីយកឈ្នះហ្វីលីពីន ២-១ នាជំនួបជើងទី២ វគ្គពាក់កណ្តាលផ្តាច់ព្រ័ត្រនៅយប់ថ្ងៃទី៦ ខែធ្នូនេះ ក្នុងកីឡដ្ឋាន My Dinh នៃទីក្រុងហាណូយ។ សរុបលទ្ធផលទទាំងពីរជើង វៀតណាឈ្នះហ្វីលីពីន ៤-២។
រូបថតៈ dantri.com.vn
លេងជើងទី២នៅ វៀតណាម សម្រាប់ការប្រកួតនៅវគ្គទី១ មិនមានគ្រាប់បាល់បំប៉ោងសំណាញ់ទីគ្នាទេដោយក្រុមភ្ញៀវហ្វីលីពីនបានព្យាយាមសម្រុកខ្លាំង ខណៈវៀតណាមមិនសម្រុកខ្លាំងទេគឺព្យាយាមការពារច្រើនជាង។
រូបថតៈ dantri.com
នៅវគ្គទី២ ហ្វីលីពីននៅតែព្យាយាមវាយសម្រុក ប៉ុន្តែមិនអាចទម្លាយរបាំងការពារដ៏ល្អរបស់វៀតណាមឡើយ។ ការប្រកួតនេះត្រូវគេសង្កេតឃើញថា នៅចុងវគ្គទី២ វៀតណាមបានព្យាយាមវាយសម្រុកខ្លាំងហើយធ្វើបានសម្រេច២គ្រាប់ក្នុងរយៈពេលចន្លោះ៥នាទីប៉ុណ្ណោះ ។ នៅនាទីទី៨៣ Quang Hai បានស៊ុតគ្រាប់បាល់នាំមុខ ១-០ ហើយនៅនាទីទី៨៧ កីឡាករឆ្នើមរបស់វៀតណាម Cong Phuong ស៊ុតសម្រេចគ្រាប់ទី២ ប៉ុន្តែហ្វីលីពីនបានតាមពីក្រោយ ២-១ នៅនាទី៨៩ដោយកីឡាករឆ្នើម Young Husband។
អ្នកគាំទ្រជាជនបរទេសសប្បាយរីករាយជាមួយជ័យជម្នះរបស់ក្រុមជម្រើសជាតិវៀតណាម (រូបថតៈ VOV)
អ្នកគាំទ្រវៀតណាម៖ វៀតណាមខិតមកជិតនឹងពានជើងឯក (រូបថតៈ VOV)
អ្នកគាំទ្រពេញចិត្តចំពោះជ័យជម្នះរបស់ក្រុមជម្រើសជាតិវៀតណាម(រូបថតៈ VOV)
សរុបទាំងពីរជើង វៀតណាមឈ្នះហ្វីលីពីន ៤-២ បន្ទាប់ពីជើងទី១នៅទឹកដីហ្វីលីពីន វៀតណាមបានយកឈ្នះ ២-១ ដែរ។ ដូច្នេះក្រុមវៀតណាមជាអ្នកឡើងទៅកាន់វគ្គផ្ដាច់ព្រ័ត្រជួបក្រុមម៉ាឡេស៊ីនាថ្ងៃទី១១ ខែធ្នូ នៅទឹកម៉ាឡាស៊ី ក្នុងជើងទី១ និងជើងទី២ប្រកួតនៅទឹកវៀតណាម ថ្ងៃទី១៥ ខែធ្នូ នេះ។
រូបថតៈ Tran Huan
សូមគូសបញ្ជាក់ថា ការប្រកួតវគ្គផ្តាច់ព្រ័ត្រ AFF Suzuki Cup ឆ្នាំ២០១៨ នេះ នឹងត្រូវធ្វើឡើងចំនួន២ជើងដូចវគ្គពាក់កណ្តាលផ្តាច់ព្រ័ត្រដែរ។ ម៉ាឡេស៊ីនឹងធ្វើជាម្ចាស់ផ្ទះមុន នៅថ្ងៃទី១១ ខែធ្នូ ហើយត្រឡប់ទៅដីវៀតណាមវិញសម្រាប់ជំនួបលើកទី២ នៅថ្ងៃទី ១៥ ខែធ្នូ ឆ្នាំ២០១៨៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន