យុគសម័យ - លោក Dang Tan Hung ប្រធានសមាគមទេសចរណ៍ទីក្រុង Can Tho បានសង្កត់ធ្ងន់ក្នុងពិធីបំផុសកម្មវិធី «ជំរុញតម្រូវការទេសចរណ៍និងណែនាំផលិតផលទេសចរណ៍ថ្មីៗ» ដែលរៀបចំឡើងដោយមន្ទីរវប្បធម៌កីឡានិងទេសចរណ៍ទីក្រុង Can Tho កាលពីថ្ងៃទី ២១ ខែឧសភាកន្លងមក។
ទីក្រុង Can Tho (រូបថត៖ Zing.vn)
ទោះបីជាជាវិស័យមួយដែលរងផលប៉ះពាល់យ៉ាងធ្ងន់ធ្ងរពីការរីករាលដាលនៃជម្ងឺកូវីដ១៩ ក៏ដោយ ប៉ុន្តែវិស័យទេសចរណ៍គឺជាវិស័យដែលមានលទ្ធភាពក្នុងការ ងើបឡើងវិញឡើងវិញយ៉ាងឆាប់រហ័ស ដើម្បីរួមចំណែកក្នុងការជម្រុញវិស័យផ្សេងៗទៀតរួមស្តារឡើងវិញនិងអភិវឌ្ឍបានយ៉ាងល្អផងដែរ។
ដើម្បីធ្វើឲ្យជាក់ស្តែងនូវរឿងនេះ ចាំបាច់ត្រូវអនុវត្តឲ្យបានព្រមៗគ្នានូវកម្មវិធីជំរុញតម្រូវការទេសចរណ៍ជាបណ្តើរៗជាមួយសារថា "គោលដៅទេសចរណ៍ប្រកប ដោយសុវត្ថិភាព" ។ លោក Dang Tan Hung ប្រធានសមាគមទេសចរណ៍ទីក្រុង Can Tho បានសង្កត់ធ្ងន់ក្នុងពិធីបំផុសកម្មវិធី «ជំរុញតម្រូវការទេសចរណ៍និងណែនាំផលិតផលទេសចរណ៍ថ្មីៗ» ដែលរៀបចំឡើងដោយមន្ទីរវប្បធម៌កីឡានិងទេសចរណ៍ទីក្រុង Can Tho កាលពីថ្ងៃទី ២១ ខែឧសភាកន្លងមក។
យោងតាមលោក Dang Tan Hung បានឲ្យដឹងថា ដើម្បីឱ្យកម្មវិធីជំរុញតម្រូវការទេសចរណ៍កាន់តែល្អប្រសើរឡើងក្រោយពីជំងឺ កូវីដ១៩ ប្រកបដោយប្រសិទ្ធិភាពនោះអង្គភាពអាជីវកម្មទេសចរណ៍គប្បីបង្កើតផលិតផលទេសចរណ៍ថ្មីដើម្បីជំរុញតម្រូវការរបស់អតិថិជន រួមទាំងមានតំលៃសមរម្យនិងមានប្រូម៉ូសិនសម្រាប់សេវាកម្មទេសចរណ៍បម្រើភ្ញៀវទេសចរដែលចូលរួមកម្មវិធីដោយ ឈរលើគោលការណ៍៖ ធានាសុវត្ថិភាពសម្រាប់អ្នកដំណើរ និងមានការការបញ្ចុះតម្លៃ ប៉ុន្តែមិនកាត់បន្ថយគុណភាពសេវាកម្ម និងនៅតែរក្សាតម្លៃ ប៉ុន្តែបង្កើនសេវាកម្មបន្ថែមទៀតសម្រាប់អ្នកដំណើរជាដើមផងដែរ៕
ទីក្រុង Can Tho (រូបថត៖ Zing.vn)
ទន្ទឹមនឹងនេះអង្គភាពអាជីវកម្មត្រូវចាត់វិធានការនានាដើម្បីធានាសុវត្ថិភាពក្នុងការបង្ការជំងឺឆ្លងសម្រាប់ភ្ញៀវទេសចរ ដូចជាការកំចាត់មេរោនៅក្នុងបន្ទប់ស្នាក់នៅ និងឧបករណ៍; រៀបចំទឹកលាងដៃកំចាត់មេរោគនិងម៉ាសការពារ; កំណត់ការរក្សាចម្ងាយសុវត្ថិភាពរវាងភ្ញៀវទេសចរនិមួយ ហើយជៀសវាងជាដាច់ខាតពីការ ធ្វេសប្រហែស និងអត្តនោម័តចំពោះការបង្ការនិងប្រឆាំងនឹងជំងឺរាតត្បាតផងដែរ ៕
（បកប្រែដោយ ហេងវុធ្ធី）
（ប្រភពព័ត៌មាន: ncov.vnanet.vn）
មតិពីមិត្តអ្នកអាន