យុគសម័យ ៖ នៅថ្ងៃទី ១ ខែតុលា ស្ថានទូតអាមេរិកប្រចាំនៅវៀតណាមបានចែករំលែកវីដេអូឃ្លីបរបស់លោកឯកអគ្គរដ្ឋទូត Daniel J. Kritenbrink អំពីការធ្វើនំសែនព្រះខែពិសេសដោយរួមផ្សំរវាងគ្រឿងផ្សំប្រពៃណីវៀតណាមនិងគ្រឿងផ្សំអាមេរិក ដូចជា៖ ឈីស និងផ្លែប្លូប៊ឺរី ។
លោកឯកអគ្គរដ្ឋទូត Daniel J. Kritenbrink ធ្វើនំសែនព្រះខែដែលជាការួមផ្សំរវាងគ្រឿងផ្សំប្រពៃណីរវាងវៀតណាមនិងអាមេរិក ។
នៅក្នុងវីដេអូឃ្លីបនេះ លោកឯកអគ្គរដ្ឋទូតសហរដ្ឋអាមេរិកប្រចាំនៅប្រទេសវៀតណាម Daniel J. Kritenbrink បានចែករំលែកថា នេះជារដូវស្លឹកឈើជ្រុះលើកទី ៣ របស់លោកនៅរដ្ឋធានី Ha Noi ហើយសម្រាប់លោកនេះក៏ជាពេលវេលាគួរឱ្យស្អាតបំផុតដែរ។ ឆ្នាំ ២០២០ ក៏ជាឆ្នាំពិសេសដែលអបអរសាទរខួបលើកទី ២៥ នៃការធ្វើឱ្យប្រក្រតីនៃទំនាក់ទំនងអាមេរិក - វៀតណាម។
លោកឯកអគ្គរដ្ឋទូតសហរដ្ឋអាមេរិកបានមានប្រសាសន៍ថា“ ផ្លូវមានសភាពអ៊ូអរ រដូវស្លឹកឈើជ្រុះកំពុងឈានមកដល់ហើយ មនុស្សគ្រប់គ្នាកំពុងត្រៀមអ្វីៗ ដើម្បីអបអរសាទរពិធីបុណ្យសែនព្រះខែ” ។ ចូលរួមក្នុងបរិយាកាសនេះ លោកបានរកជាងឈើម្នាក់ នៅផ្លូវបុរាណនៃរដ្ឋធានី Ha Noi។ លោកឯកអគ្គរដ្ឋទូត Kritenbrink បាននិយាយថាជាងឈឺនេះបានប្រើឧបករណ៍ប្រពៃណី ដើម្បីបង្កើតពុម្ភធ្វើនំសែនព្រះខែពិសេសមួយដែល អបអរខួប២៥ ឆ្នាំនៃទំនាក់ទំនងការទូតរវាងវៀតណាមនិងអាមេរិក។
"ខ្ញុំសូមជូនពរឱ្យអ្នកមានពិធីបុណ្យសែនព្រះខែដ៏ល្អប្រសើរបំផុតជាមួយក្រុមគ្រួសារនិងមិត្តភក្តិរបស់អ្នក។ ឆ្នាំនេះគឺជាឆ្នាំពិសេសសម្រាប់ប្រជាជននៃប្រទេសយើងទាំងពីរ។ ខ្ញុំជឿជាក់ថា ទំនាក់ទំនងរវាងប្រទេសទាំងពីរនឹងបន្តកាន់តែរឹងមាំថែមទៀត នាពេលអនាគត។ ប្រទេសយើងទាំងពីជាដៃគូទុកចិត្តនិងរីកចម្រើនជាមួយគ្នា" លោកឯកអគ្គរដ្ឋទូតសហរដ្ឋអាមេរិកប្រចាំនៅប្រទេសវៀតណាមចែករំលែក ។
លោកឯកអគ្គរដ្ឋទូត Kritenbrink តែងតែចូលចិត្តនំព្រះខែដែលមានស្នូលប្រពៃណី។ ទោះជាយ៉ាងណាក៏ដោយ ឆ្នាំនេះលោកបានសំរេចចិត្តធ្វើនំសែនព្រះខែ ដែលមានការរួមផ្សំរវាងគ្រឿងផ្សំអាមេរិកនិងគ្រឿងផ្សំវៀតណាម។ លោកឯកអគ្គរដ្ឋទូតសហរដ្ឋអាមេរិកបាននិយាយថា ឈីសនិងផ្លែប៊្លូបឺរីត្រូវបានគេប្រើជាទូទៅនៅក្នុងការធ្វើនំ នៅអាមេរិក ហើយឥឡូវនេះគ្រឿងផ្សំទាំងនេះបានលក់នៅហាងលក់ម្ហូបអាហារជាច្រើន នៅទូទាំងប្រទេសវៀតណាម។
“ ខ្ញុំបានបញ្ចូលគ្រឿងផ្សំអាមេរិករួមផ្សំនឹង រូបមន្តធ្វើនំសែនព្រះខែដ៏ ប្រពៃណីរបស់វៀតណាម ដើម្បីធ្វើនំសែនព្រះខែតាមរបៀបរបស់ខ្លួនឯង។ នៅក្នុងនំទាំងនេះប្រពៃណីរបស់ប្រទេសយើងទាំងពីរត្រូវបានផ្សំជាមួយគ្នាំ ដើម្បីបង្កើតនំសែនព្រះខែថ្មីប្លែកនិងឈ្ងុយឆ្ងាញ់មួយប្រភេទ” ។ លោកឯកអគ្គរដ្ឋទូត Kritenbrink បានមានប្រសាសន៍./.
សូមអញ្ជើញអ្នកអានទស្សនាវីដេអូឃ្លីបនេះ ដោយការចុច link ខាងក្រោម៖
https://thoidai.com.vn/dai-su-daniel-j-kritenbrink-lam-banh-trung-thu-ket-hop-nguyen-lieu-truyen-thong-cua-viet-nam-va-my-119756.html
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន