យុគសម័យ - អាចនិយាយបានថា តាំងពីកុមារភាពមក លោកបណ្ឌិតគណិតវិទ្យា Nguyen Huy Viet ត្រូវបានចិញ្ចឹមបីបាច់និងមានសេចក្តីស្រឡាញ់ជានិច្ចចំពោះរឿង កំណាព្យ Kieu រួមជាមួយការកោតសរសើរនិងមោទនភាពរបស់ប្រជាជនម្នាក់ដែលបានបង្កើត នៅឯស្រុកកំណើតរបស់មហាកវី Nguyen Du។
លោកបណ្ឌិតគណិតវិទ្យា Nguyen Huy Viet មានស្រុកកំណើតនៅខេត្ត Nghe An បច្ចុប្បន្ននេះលោកកំពុងរស់នៅសាធារណរដ្ឋឆែកដែលគឺជាបុគ្គលឆ្នើមម្នាក់ដែលបានឈ្នះរង្វាន់ពិសេសក្នុងការប្រលងចាំនិងអានរឿងកំណាព្យ Kieu ក្នុងឱកាសអបអរសាទរខួប ២៥៥ នៃថ្ងៃកំណើតរបស់មហាកវី Nguyen Du (១៧៦៥-២០២០) និងរំលឹកខួប ២០០ ឆ្នាំនៃថ្ងៃដែលលោកមហាកវីរូបនេះ ទទួលមរណភាព (១៨២០-២០២០) ដែលទើបតែបានប្រារព្ធឡើង នៅថ្ងៃទី ២៥ ខែកញ្ញា នៅខេត្ត Ha Tinh។
ជាពិសេសជាងនេះទៅទៀតនោះ លោកគឺជាបេក្ខជនម្នាក់គត់មកពីបរទេស ដើម្បីចូលរួមក្នុងការប្រលង ហើយរួមជាមួយបេក្ខជនជាច្រើនទៀត ក្នុងនោះរួមមាន សាស្រ្តាចារ្យ កវី គ្រូបង្រៀន និងអ្នកដែលចូលចិត្តរឿងកំណាព្យ Kieu ។ ប៉ុន្តែដោយសារផលប៉ះពាល់នៃការរីករាលដាលនៃជំងឺ Covid-19 លោកមិនអាចវិលត្រឡប់ទៅប្រទេសវៀតណាម ដើម្បីទទួលបានពានរង្វាន់នេះទេ។ បានគេដឹងថា លោកបណ្ឌិតគណិតវិទ្យា Nguyen Huy Viet មានអាយុជាង ៧០ ឆ្នាំដែលមានបំណងចង់ផ្សព្វផ្សាយរឿងកំណាព្យ Kieu ក្នុងសហគមន៍ជនជាតិវៀតណាមនៅឯបរទេស ពីព្រោះសម្រាប់លោកការចងចាំអំពីឃ្លាកំណាព្យនិមួយៗនៃរឿងកំណាព្យ Kieu ដែលម្ដាយរបស់លោកច្រៀងបំពេរកូន ហើយលោកមិនបំភ្លេចបានទេ។
លោកបណ្ឌិតគណិតវិទ្យា Nguyen Huy Viet (អាវខៀវ) គឺជាបេក្ខជនជនជាតិ វៀតណាមតែម្នាក់គត់ មកពីបរទេសដែលវិលត្រឡប់ទៅប្រទេសវៀតណាមវិញ ដើម្បីចូលរួកក្នុងការប្រលង។
លោកបណ្ឌិតគណិតវិទ្យា Nguyen Huy Viet បានចែករំលែកថា“ តាំងពីកុមារភាព ឪពុកខ្ញុំបានអានរឿង Kieu នៅរាល់យប់ ដូច្នេះខ្ញុំបានចងចាំប្រយោគជាច្រើននៃរឿងកំណាព្យនេះ ទោះបីជាខ្ញុំមិនយល់ច្បាស់នូវអត្ថន័យក៏ដោយ ប៉ុន្តែខ្ញុំស្រឡាញ់រឿង Kieu ខ្លាំងណាស់ ដោយសារខ្ញុំបានឃើញពាក្យពេជ្រ សំនៀងនៃរឿងកំណាព្យនេះប្រកបដោយពិរោះ។ នៅពេលឪពុកខ្ញុំនៅរស់គាត់ចូលចិត្តរឿងកំណាព្យ Kieu ខ្លាំងណាស់ ដូច្នេះគាត់បានចងចាំជាង ៩៥%នៃរឿងនេះ រីឯខ្ញុំវិញ ខ្ញុំក៏ចងចាំជាងពាក់កណ្តាលរឿងកំណាព្យ Kieu នៅពេលនោះ”។
ទោះបីលោក Nguyen Huy Viet មានជំនាញខាងគណិតវិទ្យាក៏ដោយ (លោកធ្លាប់ជានិស្សិតគណិតវិទ្យា នៅសាកលវិទ្យាល័យ Ha Noi បានទទួលរង្វាន់ក្នុងការប្រឡងគណិតវិទ្យាលើកទី ៣ នៅខាងជើង នៅឆ្នាំ ១៩៦៨ ហើយ ធ្វើការនៅវិទ្យាស្ថានគណិតវិទ្យាវៀតណាមនិងការពារនិក្ខេបបទបណ្ឌិតគណិតវិទ្យារបស់លោក នៅសហព័ន្ធរុស្ស៊ី) ប៉ុន្តែលោកបណ្ឌិត Nguyen Huy Viet តែងតែអាននិងសិក្សាជាប្រចាំអំពីរឿងកំណាព្យ Kieu។
លោក Huy Viet បានសារភាពថា “រឿងកំណាព្យ Kieu” របស់មហាកវី Nguyen Du ឆ្លងកាត់អស់រយៈពេលរាប់រយឆ្នាំដែលត្រូវបានទទួលដូចជាស្នាដៃអស្ចារ្យររបស់ប្រជាជាតិ។ ចំពោះលោក Huy Viet សេចក្តីស្រឡាញ់របស់លោកចំពោះ“ រឿងកំណាព្យ Kieu បានក្លាយជាស្ពានមួយ ដើម្បីនាំជនបរទេសវៀតណាមគ្រប់រូបដូចជាលោកអាចត្រឡប់ទៅស្រុកកំណើតវិញ./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន