យុគសម័យ - នៅថ្ងៃទី ១៧ ខែកញ្ញា ខណ្ឌ Hoan Kiemបានសំរេចជាផ្លូវការអំពី ការរៀបចំឡើងវិញតំបន់ដើរថ្មើរជើង Ho Gươm នៅពេលដែលជំងឺ COVID-19 កំពុងស្ថិតក្រោមការគ្រប់គ្រង។
រៀបចំឡើងវិញបណ្តាសកម្មភាពនៅតំបន់ដើរថ្មើរជើង Ho Gươm ចាប់ផ្តើមពីថ្ងៃទី ១៨ ខែកញ្ញា។ (រូបថត៖ VietNam plus)
ជាក់ស្ដែង៖ ពីវិថី Hang Dao - Hang Giay - ផ្សាររាត្រី Dong Xuan និងវិថីដើរថ្មើរជើងចំនួន ៦ ដែលស្ថិតក្នុងតំបន់អភិរក្សចំណាត់ថ្នាក់លេខ ១ - វិថីបុរាណ Ha Noi បានរៀបចំដំណើរការឡើងវិញ ចាប់ពីថ្ងៃទី ១៨ ខែកញ្ញាត និងបន្តប្រតិបត្តិការនៅ ៣ យប់នៃចុងសប្តាហ៍។ តំបន់ដើរថ្មើរជើង Ho Gươm និងតំបន់ជុំវិញចាប់ផ្តើមប្រតិបត្តិការ តាំងពីថ្ងៃទី ១៨ ខែកញ្ញា ហើយបន្តប្រតិបត្តិការ ចាប់ពីម៉ោង ១៩:០០ នាថ្ងៃសុក្ររហូតដល់ម៉ោង ២៤:០០ នាថ្ងៃអាទិត្យ។
យោងតាមលោក Dinh Hong Phong ប្រធានគណៈកម្មាធិការប្រជាជន ខណ្ឌ Hoan Kiem តំបន់ដើរថ្មើរជើងនៅភូមិសាស្ត្រខណ្ឌនេះត្រូវបានរៀបចំឡើងវិញជាធម្មតា ដោយធានានូវតម្រូវការសន្តិសុខ និងសណ្តាប់ធ្នាប់ សុវត្ថិភាពចរាចរណ៍ សណ្តាប់ធ្នាប់ទីក្រុងនៅក្នុង និង ក្រៅតំបន់ដើរថ្មើរជើងនៅក្នុងខណ្ឌ Hoan Kiem។
កម្លាំងមុខងាររបស់ទីក្រុង ខណ្ឌ Hoan Kiem ចុះត្រួតពិនិត្យនិងផាកពិន័យការរំលោភបំពាន ថែមទាំង ធានានូវតម្រូវការបង្ការនិងប្រយុទ្ធប្រឆាំងនឹងការរីករាលដាលនៃជំងឺ COVID-19 ស្របតាមបទបញ្ជារបស់រដ្ឋាភិបាលនិងគណៈកម្មាធិការប្រជាជនទីក្រុង Ha Noi ។ ដូច្នេះប្រជាជននៃរដ្ឋធានី Ha Noi និងអ្នកទេសចរអាច មកទស្សនានិងចូលរួមក្នុងសកម្មភាពលើងកម្សាន្តដែលនឹងបានរៀបចំក្នុងតំបន់ដើរថ្មើរជើង Ho Gươm ចាប់ពីថ្ងៃទី ១៨ ខែកញ្ញា /
(បកប្រែដោយឌីណា)
មតិពីមិត្តអ្នកអាន