រីករាយជាមួយសកម្មភាពនានានៃទិវាមហាសាគរពិភពលោកនិងសប្តាហ៍សមុទ្រកោះវៀតណាមឆ្នាំ ២០២០

កម្លាំងរបស់សមាជិកសម្ព័ន្ធយុវជន កងទ័ពនិងប្រជាជននៅស្រុក Gio Linh ( ខេត្ត Quang tri)) ប្រមូលសំរាមនៅឆ្នេរសមុទ្រ Cua Viet ( រូបថត៖ vnanet)

ដោយសារផលប៉ះពាល់នៃការរីករាលដាលនៃជំងឺរាតត្បាតកូវីដ១៩ មានសកម្មភាពនានាបានគាំទ្រ នឹងទិវាមហាសាគរពិភពលោកនិងសប្តាហ៍សមុទ្រកោះវៀតណាមឆ្នាំ ២០២០ ត្រូវបានរៀបចំឡើង ក្រោមរូបភាពជាច្រើនដូចជា៖ សិក្ខាសាលាតាមកញ្ចក់ទូរទស្សន៍ សិក្ខាសាលាតាមអ៊ិនធរណេត ព្យួរបដានៅតាមមូលដ្ឋាន ផ្សព្វផ្សាយឃោសនានៅលើប្រព័ន្ធផ្សព្វផ្សាយព័ត៌មានសាធារណៈជាដើម។

“ ផ្លាស់ប្តូរដើម្បីអភិវឌ្ឍសេដ្ឋកិច្ចសមុទ្រវៀតពានប្រកបដោយចីរភាព” គឺជាខ្លឹមសារជាក់ស្តែង ដើម្បីគាំទ្រដល់ប្រធានបទនៃទិវាមហាសាគរភពលោកឆ្នាំ ២០២០ ដែលបានដាក់ចេញដោយអង្គការសហ ប្រជាជាតិក្នុងគោលបំណងបន្តការងារសាងសង់និងអនុវត្តផែនការរបស់ក្រសួង ស្ថាប័ននិងមូលដ្ឋាននានា ក្នុងការធ្វើឲ្យជាក់ស្តែងនូវខ្លឹមសារនៃការអនុវត្តយុទ្ធសាស្ត្រអភិវឌ្ឍន៍ប្រកបដោយនិរន្តរភាពលើវិស័យសេដ្ឋកិច្ចសមុទ្រវៀតណាមដល់ឆ្នាំ ២០៣០ និងទិសដៅដល់ឆ្នាំ ២០៤៥ផងដែរ។

នេះក៏ជាឱកាសមួយ ដើម្បីណែនាំវិធីសាស្ត្រ គំនិត ផលិតផលថ្មី ដំណោះស្រាយ ដែលអាចធ្វើបាន ច្បាស់លាស់នូវការផ្លាស់ប្តូរ ថ្មី ក្នុងវិស័យដែលទាក់ទងនឹងមហាសាគរដូចជាបច្ចេកវិទ្យា ប្រព័ន្ធហេដ្ឋារចនាសម្ព័ន្ធ ការគ្រប់គ្រងធនធាន ផលិតផលវិទ្យាសាស្ត្រនិងបច្ចេកវិទ្យាថ្មីផងដែរ។ ទន្ទឹមនឹងនេះដែរត្រូវបន្តផ្សព្វផ្សាយនិងឃោសនាអំពី គោលមាគ៌ា គោលនយោបាយ និងច្បាប់របស់រដ្ឋទាក់ទងនឹងសមុទ្រនិងកោះរបស់វៀតណាមដែល ច្បាមជាប់នឹងការអនុវត្តភារកិច្ចនយោបាយរបស់ស្ថាប័ន អង្គភាពនានាព្រមទាំង ទាក់ទាញធនធាន វិនិយោគ បង្កើនសក្តានុពលសេដ្ឋកិច្ចជាតិ ការពារសិទ្ធិនិងផលប្រយោជន៍ស្របច្បាប់ និងត្រឹមត្រូវ របស់វៀតណាមនៅសមុទ្រខាងកើតផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baotintuc.vn）

（បកប្រែដោយ ហេង វុធ្ធី）