យុគសម័យ - មហោស្រព Hangeul ឆ្នាំ ២០២០ ត្រូវបានធ្វើឡើង នៅសកលវិទ្យាល័យវិទ្យាសាស្ត្រសង្គមនិងមនុស្សសាស្ត្រ។ នេះជាមហោស្រពប្រចាំឆ្នាំដែលប្រារព្ធធ្វើឡើង ដើម្បីអបអរសាទរថ្ងៃច្នៃប្រឌិតអក្សរកូរ៉េខាងត្បូង (Hangeul) ។
មហោស្រព Hangeul ឆ្នាំ ២០២០។
មហោស្រពឆ្នាំនេះបានមានការចូលរួមពីអង្គភាពជិត ២០ រួមមានសាកលវិទ្យាល័យ មហាវិទ្យាល័យ ស្ថាប័នរដ្ឋាភិបាលនិងក្រុមហ៊ុនឧបត្ថម្ភពីប្រទេសកូរ៉េខាងត្បូង។ ថ្លែងក្នុងឱកាសនោះ លោកបណ្ឌិត Le Hoang Dung សាកលវិទ្យាធិការរងនៃសាកលវិទ្យាល័យវិទ្យាសាស្ត្រសង្គមនិងមនុស្សសាស្ត្របានសម្តែងថា មហោស្រព Hangeul ឆ្នាំនេះពិតជាកន្លែងលេងដ៏មានផលប្រយោជន៍សម្រាប់ការផ្លាស់ប្តូររវាងនិស្សិតវៀតណមានិងនិស្សិតកូរ៉េខាងត្បូង "ខ្ញុំជឿជាក់ថាមហោស្រពអក្សរកូរ៉េខាងត្បូងនឹងក្លាយជាឱកាសដ៏ល្អក្នុងការភ្ជាប់ការបណ្តុះបណ្តាលភាសាកូរ៉េខាងត្បូង និងទំនាក់ទំនងរវាងប្រទេសកូរ៉េខាងត្បូងនឹងបណ្តាតំបន់ស្ថិតនៅភាគខាងត្បូងនៃវៀតណាម តភ្ជាប់សាលារៀននៅវៀតណាមនិងសហគ្រាសកូរ៉េខាងត្បូង” ។
លោក Lim Jae Hun អគ្គកុងស៊ុលកូរ៉េខាងត្បូងប្រចាំ នៅទីក្រុងHo Chi Minh បានចែករំលែកថា នៅភាគខាងត្បូងនិងទីក្រុង Ho Chi Minh មានសាកល វិទ្យាល័យចំនួន ១៤ ដែលបង្កើតដេប៉ាតេម៉ងភាសាកូរ៉េខាងត្បូង មជ្ឈមណ្ឌលភាសាកូរ៉េខាងត្បូង និងមជ្ឈមណ្ឌល Sejong ចំនួន ៨ ដែលមាននិស្សិតនិងសិក្ខាកាមជាង ១៣.០០០ នាក់កំពុងសិក្សាភាសាកូរ៉េខាងត្បូង។ ចាប់តាំងពីការបង្កើតទំនាក់ទំនងការទូត កាលពីឆ្នាំ ១៩៩២ រហូតមកដល់ពេលនេះទំនាក់ទំនងរវាងប្រទេសទាំងពីរមានការរីកចម្រើនយ៉ាងខ្លាំងមិនត្រឹមតែក្នុងវិស័យនយោបាយនិងសេដ្ឋកិច្ចប៉ុណ្ណោះទេ ប៉ុន្តែថែមទាំងលើវិស័យអប់រំ វប្បធម៌និងការផ្លាស់ប្តូរធនធានមនុស្សទៀតផង។
ក្នុងក្របខ័ណ្ឌនៃមហោស្រព Hangeul មានការសម្តែងសិល្បៈនិងការប្រកួតប្រឡងជាច្រើន។
កន្លែងរៀបចំមហោស្រពទាំងមូលត្រូវបានតុបតែងដោយរូបភាពដែលមានលក្ខណៈវប្បធម៌កូរ៉េខាងត្បូងដែលរៀបចំដោយនិស្សិត។ ក្រៅពីនេះមានសកម្មភាពស្វែងយល់គួរឱ្យទាក់ទាញជាច្រើនជាមួយនឹងរង្វាន់ដ៏មានតម្លៃពីអង្គការឧបត្ថម្ភ។
លើសពីនេះទៀត មហោស្រពនេះក៏ផ្តល់នូវឱកាសដើម្បីស្វែងយល់ពីម្ហូបសាកល្បងពាក់សម្លៀកបំពាក់ប្រពៃណី Hanbok និងចូលរួមលេងល្បែងប្រជាប្រិយគួរឱ្យចាប់អារម្មណ៍ផងដែរ ... ដោយហេតុនេះ និស្សិត សិស្សអាចរៀននិងបង្កើនចំណេះដឹងអំពី ភាសាកូរ៉េខាងត្បូងវប្បធម៌និងប្រជាជនកូរ៉េខាងត្បូង ជួបមិត្តភក្តិដែលមានចំណង់ចំណូលចិត្តដូចគ្នា ដើម្បីជួយអភិវឌ្ឍបំណិនទាក់ទងក្នុងសង្គម./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន