យុគសម័យ-នាថ្ងៃទី ៣១ ខែកក្កដា លោក Phan Ngoc Tho ប្រធានគណៈកម្មាធិការប្រជាជនខេត្ត Thua Thien Hue បានមានប្រសាសន៍ថា ខេត្តបានសម្រេចចិត្តពន្យារពេលការរៀបចំមហោស្រព Hue ឆ្នាំ ២០២០ និងមហោស្រពនេះដែលនឹងបានរៀបចំនៅឆ្នាំក្រោយ។
កម្មវិធីសម្តែងសិល្បៈមួយក្នុងក្របខ័ណ្ឌមហោស្រព Hue ឆ្នាំ ២០១៨ ។ (រូបថត៖ VOV)
បើតាមលោក Phan Ngoc Tho នេះជារឿងសោកស្តាយមួយប៉ុន្តែដោយសារស្ថានភាពស្មុគស្មាញនៃការរីករាលដាលនៃជំងឺ Covid-19 គណៈកម្មាធិការអចិន្ត្រៃយ៍ខេត្តបានសម្រេចចិត្តពន្យារពេលការរៀបចំមហោស្រពឆ្នាំ ២០២០ ដែលគ្រោងនឹងប្រព្រឹត្តទៅចាប់ពីថ្ងៃទី ២៦-៣១ ខែសីហា។
ថ្នាក់ដឹកនាំខេត្តបានចាត់តាំងមជ្ឈមណ្ឌលមហោស្រព Hue ផ្ញើលិខិតសុំទោសដល់អ្នកឧបត្ថម្ភ ស្ថានទូតនានាជាមួយក្រុមសិល្បៈ ក្រុមទេសចរណ៍និងអ្នកទេសចរ សូមរង់ចាំមហោស្រព Hue នៅឆ្នាំក្រោយ។
ក្រុមសិល្បៈកូរ៉េខាងត្បូងកំពុងសម្តែងបម្រើប្រជាជននិងភ្ញៀវទេសចរក្នុងមហោស្រពឆ្នាំ២០១៨។ (រូបថត៖ VOV)
កាលពីមុន ដោយសាររងការប៉ះពាល់ពីការរីករាលដាលនៃ Covid-19 គណៈកម្មាធិការរៀបចំមហោស្រព Hue បានផ្លាស់ប្តូរពេលវេលានៃការរៀបចំមហោស្រព Hue ចំនួនពីរដងហើយបានកំណត់ថា មហោស្រពក្នុងឆ្នាំនេះគឺជាពិធីបុណ្យមួយដែលលើកកម្ពស់វប្បធម៌វៀតណាម។ ដោយសារការវិវត្តនៃជំងឺនេះកាន់តែស្មុគស្មាញ ខេត្តត្រូវបានពន្យារពេលមកដល់ពេលណាដែលមានសុវត្ថភាពសម្រាប់ការរៀបចំមហោស្រព Hue ២០២០ ឡើងវិញ./.(បកប្រែដោយឌីណា)
មតិពីមិត្តអ្នកអាន