ដោយមានចម្ងាយជិត ៣០០ គីឡូម៉ែត្រពីទីក្រុងហាណូយទៅកាន់ភាគពាយព្យវៀតណាម តំបន់ Mu Cang Chai គឺជាទិសដៅទេសចរណ៍មួយដ៏គួរឲ្យចាប់ចិត្តសម្រាប់ភ្ញៀវទេសចរជាច្រើន ជាពិសេសគឺក្នុងរដូវស្រូវទុំជាមួយនឹងពិធីបុណ្យវាលស្រែកាំជណ្តើរ។
រូបថត៖ Sunny Tran
ពិធីបុណ្យវាលស្រែកាំជណ្តើរ Mu Cang Chai ជាសកម្មភាពមួយក្នុងចំណោមសកម្ម ភាពនៃសប្តាហ៍វប្បធម៌ - ទេសចរណ៍ Muong Lo ដែលបានប្រព្រឹត្តទៅចាប់ពីថ្ងៃទី ១៩ ដល់ថ្ងៃទី ២៥ ខែកញ្ញាឆ្នាំ ២០១៩។
ព្រឹត្តិការណ៍នេះបានចាត់ទុកថាជាពិធីបុណ្យធំមួយដែលត្រូវបានប្រារព្ធឡើងជារៀងរាល់ឆ្នាំនៅខេត្ត Yen Bai ។ ជារៀងរាល់ឱកាសបើកពិធីបុណ្យនេះ មានមនុស្សរាប់ពាន់នាក់បាននាំគ្នាមកទស្សនាក៏ដូចជានិងបង្កើតបរិយាកាសរស់រវើកនិងអ៊ូអរនៅទីនេះផងដែរ។
ភ្ញៀវទេសចរនិងកុមារនៅ Mu Cang Chai ( រូបថតៈ Doan Nguyen)
ពិធីបុណ្យនេះត្រូវបានរៀបចំឡើងដើម្បីផ្សព្វផ្សាយអំពីតម្លៃវប្បធម៌រូបីយនិងអរូបីយ ក៏ដូចជាអំពីផលិតផលទេសចរណ៍ពិសេសប្រចាំតំបន់របស់ខេត្ត Yen Bai ផងដែរ។ នេះបានចាត់ទុកថាជាសកម្មភាពមួយដើម្បីជំរុញការអភិវឌ្ឍន៍សេដ្ឋកិច្ចក្នុងតំបន់មូលដ្ឋាន។ ទន្ទឹមនឹងនេះនេះក៏ជាវិធីបង្កើតនិរន្តរភាពសម្រាប់សកម្មភាពទេសចរណ៍នៅតំបន់ពាយព្យវៀតណាម ដោយនាំមកនូវការសាកល្បងថ្មីដ៏គួរឱ្យចាប់អារម្មណ៍សម្រាប់ភ្ញៀវទេសចរខណៈដែលបានមកទស្សនាទេសភាពដ៏ មហាអស្ចារ្យនៃវាលស្រែកាំជណ្តើរនារដូវស្រូវទុំ។
ស្នាមញញឹមនៅរដូវស្រូវទុំ ( រូបថត៖ Phan Hai)
រូបថត៖ Sunny Tran
រូបថត៖ Bui Trung Hanh
រូបថត៖ Mai Nhung.
រូបថត៖ Sunny Trần
ជ្រលងភ្នំ Lim Mong (រូបថត៖ Don Tran)
ក្រៅពីការគយគន់ទេសភាពដ៏អស្ចារ្យទាំងនេះ ព្រមទាំងការស្វែងយល់អំពីជីវិតរស់ នៅរបស់ប្រជាជននោះ គឺនៅតែមានសកម្មភាពដែលរំពឹងទុកនៅក្នុងពិធិបុណ្យនេះគឺ Festival Parasailing (ជិះឆ័ត្រយោងលើអាកាស) ដោយក្រោមប្រធានបទ “ហោះហើរលើរដូវកាលស្រូវទុំ” ។ សកម្មភាពនេះតែងតែទាក់ទាញបានអ្នកអាកាសយានិកទាំងក្នុងប្រទេសនិងអន្តរជាតិចូលរួមយ៉ាងច្រើនកុះករ។ នេះក៏ត្រូវបានចាត់ទុកជាចំណុចលេចធ្លោដែលបង្កើតឡើងនូវភាពទាក់ទាញដ៏ពិសេសសម្រាប់ពិធីបុណ្យនៅ Mu Cang Chai ផងដែរ ។
រូបថត៖ Dang Thai Duong
ទួលភ្នំ Khau Pha ជាទីកន្លែងប្រព្រឹត្កទៅសកម្មភាពជិះឆ័ត្រយោងលើអាកាស ហើយទីនេះក៏ត្រូវបាន ស្គាល់ថាជាទួលភ្នំមួយក្នុងចំណោមទួលភ្នំចំនួន៤ "ដែលមានកំពូលខ្ពស់បំផុត" នៅវៀតណាម។ ពីកំពូលនេះ អាកាសយានិកនិងភ្ញៀវទេសចរអាចគយគន់ទេសភាពដ៏ស្រស់បំព្រងនៅជ្រលងភ្នំ Lim Hong ទាំងមូលក្នុងរដូវស្រូវទុំ។
រូបថត៖ Vu Nguyen
Festival ជិះឆ័ត្រយោងលើអាកាស Mu Cang Chai ត្រូវបានរៀបចំឡើងជាលើកដំបូងនាឆ្នាំ ២០១៣ ហើយពិធីនេះបានក្លាយទៅជាព្រឹត្តិការណ៍ប្រចាំឆ្នាំរបស់ក្លឹបជិះឆ័ត្រយោង VietWings HaNoi។ ក្រោយរយៈពេល ៦ ឆ្នាំ ព្រឹត្តិការណ៍ “ហោះហើរលើរដូវស្រូវទុំ” បានក្លាយជាសកម្មភាព ទេសចរណ៍ - វប្បធម៌ - កីឡាដ៏រស់រវើក ដែលមិនត្រឹមតែសម្រាប់ស្រុក Mu Cang Chai ប៉ុណ្ណោះទេ ប៉ុន្តែថែមទាំងសម្រាប់ខេត្ត Yen Bai ទៀតផង។
រដូវស្រូវទុំនិងពិធីបុណ្យដ៏គួរឱ្យចាប់អារម្មណ៍នេះមិនត្រឹមតែទាក់ទាញភ្ញៀវទេសចរប៉ុណ្ណោះទេប៉ុន្តែថែមទាំងទាក់ទាញអ្នកថតរូបមកពីគ្រប់ទិសទីនៅទូទាំងប្រទេវៀតណាមដើម្បីតែងរូបថតទៀតផង ។ រូបថត៖ Goc Anh 9194
(ប្រភព៖ vovwolrd.vn)
(ហេង វុធ្ធី)
មតិពីមិត្តអ្នកអាន