នាព្រឹកថ្ងៃទី ៦ ខែតុលា នៅសាកលវិទ្យាល័យ Dong Nai ក្រសួងព័ត៌មាន និងសារគមនាគមន៍បានសហការជាមួយគណៈកម្មាធិការប្រជាជនខេត្ត Dong Nai វៀតណាម រៀបចំពិធីតាំងពិព័រណ៍ផែនទី និងឯកសារអំពី “ប្រជុំកោះ Hoang Sa និង Truong Sa របស់វៀតណាម- ភ័ស្តុតាងប្រវត្តិសាស្ត្រនិងគតិយុត្ដ”។
និស្សិតសាកលវិទ្យាល័យ Dong Nai អញ្ជើញចូលរួមពិធីតាំងពិព័រណ៌ (រូបថត៖ baodongnai. com.vn)
ការតាំងពិព័រណ៍នេះបានបង្ហាញនូវឯកសារសំខាន់ៗដូចជា គំនូរអំពី “ប្រវត្តិសាស្ត្រសង្ខេបរបស់វៀតណាម” ឯកសារនៃសម័យសក្ដិភូមិវៀតណាមអំពីប្រជុំកោះ Hoang Sa និង Truong Sa ហើយនិងផែនទីដែលទាក់ទងទៅនឹងអធិបតេយ្យភាពរបស់វៀតណាមចំពោះប្រជុំកោះ Hoang Sa និង Truong Sa នៅសម័យអាណានិគមបារាំង រួមទាំងឯកសារ រូបភាព និងវត្ថុតាងមួយចំនួនទាក់ទងនឹងការតស៊ូដើម្បីការពារអធិបតេយ្យភាពលើសមុទ្រ និងប្រជុំកោះក្នុងរយៈពេលកន្លងមក ព្រមទាំងបញ្ចាំងឌីជីថល 3D និងការប្រើប្រាស់បច្ចេកវិទ្យាព័ត៌មានលើថេប្លេតផងដែរ។
ការតាំងពិព័រណ៍នេះនឹងប្រព្រឹត្តទៅរហូតដល់ថ្ងៃទី ៨ ខែតុលា។ បន្ទាប់មក ឯកសារ រូបភាព និងវត្ថុតាងទាំងអស់នឹងត្រូវបានប្រគល់ជូនសាកលវិទ្យាល័យ Dong Nai ដើម្បីបម្រើការអប់រំ និងឃោសនាអំពីសមុទ្រ និងកោះដល់គ្រូបង្រៀន និងនិស្សិត./.
(ប្រភពព័ត៌មាន: kh.qdnd.vn)
មតិពីមិត្តអ្នកអាន