នាពេលថ្មីៗ នេះ ក្រសួងអប់រំនិងបណ្តុះបណ្តាល និងស្ថានទូតអង់គ្លេសប្រចាំនៅវៀតណាមបានសហការរៀបចំសិក្ខាសាលា“ កិច្ចសហប្រតិបត្តិការអង់គ្លេស - វៀតណាមលើការបង្រៀនភាសាអង់គ្លេសនៅប្រទេសវៀតណាម” ។
លោកអនុរដ្ឋមន្រ្តីក្រសួងអប់រំនិងបណ្តុះបណ្តាល Nguyen Van Phuc។
លោកអនុរដ្ឋមន្រ្តីក្រសួងអប់រំនិងបណ្តុះបណ្តាល Nguyen Van Phuc មានប្រសាសន៍ថា សិក្ខាសាលានេះមានគោលបំណងពិភាក្សាអំពី អាទិភាព តម្រូវការ និងបញ្ហាប្រឈ មក៏ដូចជា ចែករំលែកនូវបទពិសោធន៍និងពិភាក្សាអំពីដំណោះស្រាយ ដើម្បីបង្កើនសមត្ថភាពបង្រៀនភាសាអង់គ្លេសនៅប្រទេសវៀតណាម។ លោកអនុរដ្ឋមន្ត្រី Nguyen Van Phuc បានសម្តែងគោលបំណងថាតាមរយៈការពង្រឹងកិច្ចសហប្រតិបត្តិការរវាងចក្រភពអង់គ្លេសនិងវៀតណាមក្នុងការបង្រៀនភាសាអង់គ្លេស ប្រទេសវៀតណាមអាចរៀនពីនិន្នាការអប់រំថ្មី គំរូនៃការបង្រៀននិងរៀនភាសាបរទេស ដ៏ទំនើបនិងមានប្រសិទ្ធភាព ការអនុវត្តល្អបំផុតក្នុងការបង្រៀនភាសាអង់គ្លេស។
ចាប់តាំងពីពេលនោះមក ការបង្កើតឱកាសជាច្រើនក្នុងការរៀនសូត្រភាសាអង់គ្លេសសម្រាប់និស្សិតវៀតណាមដោយមានកម្មវិធីរៀនសូត្រ ពិនិត្យ បង្រៀននិងវាយតម្លៃ ចូលរួមចំណែកក្នុងការលើកកម្ពស់ជំនាញភាសាអង់គ្លេស ដើម្បីក្លាយជាពលរដ្ឋពិភពលោក បង្កើនសមត្ថភាពផ្ទាល់ខ្លួននិងរក្សាអាជីពប្រកបដោយចីរភាព។
លោកអនុរដ្ឋមន្ត្រីរូបនេះក៏ជឿជាក់ថា ជាមួយនឹងបទពិសោធន៍និងគុណភាពនៃជំនាញដែលត្រូវបានពិភពលោកទទួលស្គាល់ចក្រភពអង់គ្លេសនឹងមានយុទ្ធសាស្ត្រនិងផែនការ ដើម្បីផ្តល់ដំណោះស្រាយអប់រំសមស្រប រួមចំណែកក្នុងការលើកកម្ពស់សមត្ថភាពបង្រៀនភាសាអង់គ្លេសនៅប្រទេសវៀតណាម។
លោកឯកអគ្គរាជទូតអង់គ្លេសប្រចាំនៅវៀតណាម Gareth Ward។
នៅក្នុងសិក្ខាសាលានោះ លោកឯកអគ្គរាជទូតអង់គ្លេសប្រចាំនៅវៀតណាម Gareth Ward បានមានប្រសាសន៍ថា ឆ្នាំ ២០២០ ដែលជាឆ្នាំសំខាន់ក្នុងឱកាសអបអរសាទរខួប ១០ ឆ្នាំនៃភាពជាដៃគូយុទ្ធសាស្ត្ររវាងចក្រភពអង់គ្លេសនិងវៀតណាម ដែលក្នុងនោះការអប់រំតែងតែជាវិស័យសំខាន់។
“ខ្ញុំមានការស្ងើចសរសើរយ៉ាងខ្លាំងចំពោះការប្តេជ្ញាចិត្តរបស់ប្រតិភូមកពីប្រទេសវៀតណាមនិងចក្រភពអង់គ្លេសក្នុងការរួមដៃគ្នាក្នុងការស្តារសេដ្ឋកិច្ចឡើងវិញ តាមរយៈការបង្កើនសមត្ថភាពក្នុងវិស័យអប់រំ ប្រឆាំងនឹងបញ្ហាដែលកើតមានជាសកល ក្នុងនោះមានការរីករាលដាលនៃជំងឺ Covid-19 ។ លោក Gareth Ward បានសង្កត់ធ្ងន់ថា៖
នាយិការប្រចាំប្រទេសនៃក្រុមប្រឹក្សាអង់គ្លេសលោកស្រី Donna McGowan បាននិយាយថាអង្គភាពបានសហការជាមួយស្ថាប័នបង្រៀនភាសាអង់គ្លេសនៃចក្រភពអង់គ្លេស ដើម្បីគាំទ្រកម្មវិធីថ្មី ដើម្បីបង្កើតនិងលើកកំពស់ស្តង់ដារនូវ ការបង្រៀនភាសាអង់គ្លេស ការរៀននិងវាយតម្លៃ។ សកម្មភាពទាំងនេះមិនត្រឹមតែរួមចំណែកដល់ភាពរុងរឿងរបស់ប្រទេសទាំងពីរប៉ុណ្ណោះទេ ប៉ុន្តែវាក៏ជាឧបករណ៍សម្រាប់យុវជនដើម្បីទទួលបានឱកាសនិងការតភ្ជាប់ជាសកលផងដែរ។
នាថ្ងៃទី៣ ខែតុលាឆ្នាំ ២០១៩ រាជរដ្ឋាភិបាលអង់គ្លេសនិងរដ្ឋាភិបាលវៀតណាមបានចុះហត្ថលេខាលើអនុស្សរណៈនៃការយោគយល់គ្នាអំពីកិច្ចសហប្រតិបត្តិការយុទ្ធសាស្ត្រក្នុងវិស័យអប់រំដែលក្នុងនោះ រួមមាន៖ អប់រំថ្នាក់ ឧត្តមសិក្សាការបង្រៀនភាសាអង់គ្លេស បច្ចេកវិទ្យាអប់រំ ការអប់រំសម្រាប់មតេយ្យសិក្សានិងអនុវិទ្យាល័យនិងវិទ្យាល័យអន្តរជាតិ./.
（បកប្រែដោយឌីណា）
（ប្រភពព័ត៌មាន: ៖thoidai.com.vn）
មតិពីមិត្តអ្នកអាន