នារសៀលថ្ងៃទី ១២ ខែមករា នៅរមណីយដ្ឋាន Flamingo Cat Ba Beach Resort (ទីរួមស្រុក Cat Ba ទីក្រុង Hai Phong) សមាគមភ្នាក់ងារខាងការធ្វើដំណើរវៀតណាមសហការជាមួយមន្ទីរទេសចរណ៍ទីក្រុង Hai Phong និងគណៈកម្មាធិការប្រជាជនស្រុក Cat Hai បានរៀបចំវេទិកា “ផ្នែកធ្វើដំណើរកំសាន្តវៀតណាមឆ្នាំ ២០២១ - ដំណោះស្រាយសម្រាប់ការស្តារឡើងវិញ និងអភិវឌ្ឍន៍”។
វេទិកា “ផ្នែកដំណើរកំសាន្តវៀតណាមឆ្នាំ ២០២១ - ដំណោះស្រាយសម្រាប់ការស្តារឡើងវិញ និងអភិវឌ្ឍន៍” (រូបថត៖ sggp.org.vn)
ផ្នែកធ្វើដំណើរកំសាន្តមានតួនាទីសំខាន់ណាស់នៅក្នុងវិស័យទេសចរណ៍ និងជាក្បាលម៉ាស៊ីនជំរុញការអភិវឌ្ឍសេវាកម្មទេសចរណ៍។ នៅក្នុងការលំបាករួមនៃវិស័យទេសចរណ៍ ផ្នែកធ្វើដំណើរកំសាន្តទទួលរងប៉ះពាល់ច្រើនបំផុត។ វេទិកា “ផ្នែកធ្វើដំណើរកំសាន្តវៀតណាមឆ្នាំ ២០២១ - ដំណោះស្រាយសម្រាប់ការស្តារឡើងវិញ និងអភិវឌ្ឍន៍” ត្រូវបានរៀបចំឡើងសំដៅស្វែងរកដំណោះស្រាយសម្រាប់ស្តារសកម្មភាពធ្វើដំណើរកំសាន្ត បង្កើតកំលាំងចលករសំរាប់ការស្តារសេវាកម្មទេសចរណ៍ឡើងវិញ ដើម្បីនាំវិស័យទេសចរណ៍វៀតណាមទៅជាវិស័យសេដ្ឋកិច្ចសំខាន់ រួមចំណែកផ្លាស់ប្តូរទេសចរណ៍វៀតណាមក្លាយទៅជាវិស័យសេដ្ឋកិច្ចឌីជីថល./.
(ប្រភពព័ត៌មាន: kh.qdnd.vn)
មតិពីមិត្តអ្នកអាន