យុគសម័យ - វគ្គផ្តាច់ព្រ័ត្រនៃកម្មវិធីប្រកួតបវរកញ្ញា Miss Grand International 2018 បញ្ចប់នៅថ្ងៃទី ២៥ ខែតុលានៅប្រទេសមីយ៉ានម៉ា។ បវរកញ្ញា ដែលគ្រងមកុដឯកសម្រាប់ឆ្នាំនេះ គឺកញ្ញា Clara Sosa មកពីប្រទេសប៉ារ៉ាហ្កាយ (Paraguay)។
Slara ទទួលមកុដពីបវរកញ្ញា Miss Grand International ឆ្នាំ ២០១៧
បវរកញ្ញាកម្ពុជា កញ្ញា ឌី ស្រីកា មិនបានទទួលបានចំណាត់ថ្នាក់ ក្នុងការប្រកួតណាមួយនោះឡើយ។ ជាមួយគ្នានេះការប្រកួតបវរកញ្ញប្រជាប្រិយ (Miss Popular) ចំណាត់លេខ១ បានទៅលើបវរកញ្ញវៀតណាម ខណៈដែលបវរកញ្ញាមកពីប្រទេសថៃ ជាប់ចំណាត់ថ្នាក់លេខ១ ការប្រកួតមកុដពេលរាត្រីល្អបំផុត (The Best Evening Grown)។
រូបភាព ៖ popular.com
គួរជម្រាបថា កម្មវិធីប្រកួតសម្រស់លំដាប់ថ្នាក់ពិភពលោក ឬហៅថា «Miss Grand International» គឺជាកម្មវិធីមួយ ដែលបង្កើតឡើងក្នុងគោលបំណង «បញ្ចប់សង្រ្គាម និងអំពើហិង្សា» ដែលមានជាង៩០ប្រទេស នៅលើពិភពលោក ចូលរួមជារៀងរាល់ឆ្នាំចាប់តាំងពីឆ្នាំ២០១៣មក។ សម្រាប់ឆ្នាំ២០១៨នេះ ការប្រកួតចាប់ផ្តើមពីថ្ងៃទី១៦ ខែតុលា រហូតដល់ថ្ងៃទី២៥ ខែតុលា៕
មតិពីមិត្តអ្នកអាន