ប្រទេសវៀតណាមបានក្លាយជា “គោលដៅឈានមុខគេនៅអាស៊ី” ក្នុងរយៈពេលពីរឆ្នាំបន្តបន្ទាប់ ហើយជាលើកដំបូងគឺ “គោលដៅម្ហូបអាហារលេខ១ នៅអាស៊ីប៉ាស៊ីហ្វិក”។
លោក Nguyen Trung Khanh ប្រធានអគ្គនាយកដ្ឋានទេសចរណ៍វៀតណាមទទួលបានពានរង្វាន់ ក្រោមប្រធានបទ"គោលដៅម្ហូបអាហារឈានមុខគេនៅអាស៊ី" (រូបថត៖ vnexpress.net)
នាល្ងាច ថ្ងៃទី១២ ខែតុលា ពានរង្វាន់ទេសចរណ៍ពិភពលោក (WTA) ឆ្នាំ ២០១៩ ត្រូវបានរៀបចំឡើងនៅកោះ Phu Quoc ដើម្បីលើកតម្កើងបណ្តាតំណាងមកពីតំបន់អាស៊ីប៉ាស៊ីហ្វិក។ នៅឆ្នាំនេះ វិស័យទេសចរណ៍វៀតណាមបានទទួលរង្វាន់ចំនួន ៤ រួមមានគោលដៅទេសចរណ៍ ម្ហូបអាហារ វប្បធម៌ និងទីក្រុងវប្បធម៌ (ទីក្រុងបុរាណ Hoi An)។
លោក Nguyen Trung Khanh ប្រធានអគ្គនាយកដ្ឋានទេសចរណ៍វៀតណាម បានមានប្រសាសន៍ថា ពានរង្វាន់នេះពិតជាមានមោទនភាពណាស់សម្រាប់អ្នកធ្វើអាជីវកម្មលើវិស័យទេសចរណ៍។ ពានរង្វាន់នេះ បានបញ្ជាក់ពីឋានៈទេសចរណ៍របស់ប្រទេសវៀតណាមក្នុងតំបន់និងលើពិភពលោក។ នេះក៍ជាឱកាសមាសសម្រាប់វិស័យទេសចរណ៍វៀតណាម ជំរុញការផ្សព្វផ្សាយក្នុងរយៈពេលខាងមុខផងដែរ៕
(ប្រភព៖ kh.qdnd.vn)
（ហេង វុធ្ធី）
មតិពីមិត្តអ្នកអាន