យុគសម័យ - ដោយប្រធានបទ “ខេត្ត Phu Yen -ទីមកដល់គួរឲ្យទាក់ទាញនិងស្និទ្ធស្នាល” ទិវាទេសចរណ៍ Phu Yen ឆ្នាំ២០១៨ បានប្រារព្ធយ៉ាងមហោឡារិក នាយប់ថ្ងៃទី៥កក្កដានៅទីក្រុង Tuy Hoa ខេត្ត Phu Yen។
ទិដ្ឋភាពនៃពិធីបើកទិវាបុណ្យទេសចរណ៍ខេត្ត Phu Yen ឆ្នាំ២០១៨ (រូបថតៈ baophuyen.com.vn)
ទិវាទេសចរណ៍ Phu Yen ឆ្នាំ២០១៨បានប្រារព្ធជាលើកដំបូងក្រោមរូបភាពផ្សាណាត់តាំងពិព័រណ៍ ដោយបានផ្សព្វផ្សាយផលិតផលទេសចរណ៍ ដែលមានសកម្មភាពដូចជា កម្មវិធីពន្លឿនផ្សព្វផ្សាយនូវគោលដៅទេសចរណ៍ ទិវាបុណ្យស្វែងរកការងារទេសចរណ៍ ជួបប្រាស្រ័យវប្បធម៌ ម្ហូបអាហារ ក៏ដូចជាតាំងពិព័រណ៍រូបថតសិល្បៈទេសចរណ៍ កម្មវិធីសិល្បៈជារៀងរាល់រាត្រីជាដើម។
លោក Ho Van Tien នាយកមន្ទីរវប្បធម៌ កីឡានិងទេសចរណ៍បានអះអាងថា៖ ទិវាបុណ្យទេសចរណ៍ Phu Yen ឆ្នាំ២០១៨ ជាវេទិកាដើម្បីតំបន់នានា ផ្សព្វផ្សាយនូវពាណិជ្ជសញ្ញា ជម្រុញកិច្ចសហប្រតិបត្តិការធ្វើអាជីវកម្ម អភិវឌ្ឍន៍ទីផ្សារ លើកកម្ពស់គុណភាពផលិតផល សមត្ថភាពផ្គត់ផ្គង់ផលិតផល ដែលរួមចំណែកសកម្មក្នុងការជម្រុញឲ្យផ្នែកទេសចរណ៍អភិវឌ្ឍន៍ប្រកបដោយចីរភាព។
នេះក៏ជាសកម្មភាពរំលឹកខួបលើកទី៥៨នៃទិបាបង្កើតផ្នែកទេសចរណ៍វៀតណាម (ថ្ងៃទី៩កក្កដា១៩៦០-ថ្ងៃទី៩កក្កដាឆ្នាំ២០១៨)៕
(យោងតាម baophuyen.com.vn ប្រែសម្រួលដោយ មិញ ហ្វាង)
មតិពីមិត្តអ្នកអាន