យុគសម័យ - ពិធីបង្ហូតទង់ជាតិរបស់ក្រុមកីឡាទាំងបីប្រទេស វៀតណាម សិង្ហបុរីនិងអ៊ីរ៉ង់បានប្រារព្ធនាព្រឹកថ្ងៃទី១៦ខែសីហា នៅភូមិអត្តពលិក ASIAD នៅ Pemanyoran (ប្រទេសឥណ្ឌូនេស៊ី)។
ពិធីបង្ហូតទង់ជាតិរបស់ក្រុមកីឡាវៀតណាមនៅអាស៊ីហ្គេម ASIAD 2018 (រូបថតៈ zing.vn)
បន្ទាប់ពីការថ្លែងការអបអរសាទររបស់តំណាងគណៈចាត់តាំង ASIAD ឥណ្ឌូនេស៊ីមក គឺពីធីបង្ហូតទង់ជាតិរបស់ក្រុមកីឡាបីប្រទេស រួមមានវៀតណាម សិង្ហបុរីនិងអ៊ីរ៉ង់។
ថ្នាក់ដឹកនាំក្រុមកីឡាវៀតណាមរួមទាំងអត្តពលិកជាច្រើនបានចូលរួមក្នុងពិធីបង្ហូត
ទង់ជាតិវៀតណាមបានបង្ហូតក្នុងសម្លេងបទចម្រៀងជាតិ
យោងតាមអគ្គនាយកកីឡាគឺ ក្រុមកីឡាវៀតណាមចូលរួម ASIAD 2018 ដោយមានសមាជិក ៥៣២នាក់ ក្នុងនោះមានប្រធានមួយរូប អនុប្រធានពីររូប កម្មាភិបាលចំនួន២០រូប វេជ្ជបណ្ឌិត១២រូប។ គោលដៅរបស់ក្រុមកីឡាវៀតណាមនៅក្នុងមហោស្រពកីឡាលើកនេះនេះដណ្តើមឲ្យបានមេដាយយ៉ាងតិចបំផុត៣គ្រឿង។
ក្រុមកីឡាវៀតណាម (រូបថតៈ zing.vn)
រូបថតៈ zing.vn
*ក៏នៅប្រទេសឥណ្ឌូនេស៊ី នាថ្ងៃទី១៥ខែសីហា ភ្លើងគុបអាស៊ីហ្គេម ASIAD 2018បានមកដល់រដ្ឋធានី Jakarta បញ្ចប់ការធ្វើដំណើរអស់១៨ម៉ឺនគីឡូម៉ែត្រដែលអូសបន្លាយក្នុងរយៈពេលមួយខែ។
ភ្លើងគុបអាស៊ីហ្គេម ASIAD 2018 បានមកដល់ទីក្រុង Jakarta ប្រទេសឥណ្ឌូនេស៊ី (រូបថតៈ baoquocte.vn)
ពិធីបុណ្យមួយមានទ្រង់ទ្រាយធំ ដោយមានការចូលរួមរបស់ក្រុមភ្លេងល្បីឈ្មោះជាច្រើនដែលបានប្រព្រឹត្តឡើងនៅទីក្រុង Jakarta ដើម្បីអបអរសាទរក្រុមដង្ហែភ្លើងគុប។
ភ្លើងគុបត្រូវបានដង្ហែមកដល់ទីក្រុង Jakarta
អណ្តាតភ្លើងអាស៊ីហ្គេមបានបង្កាត់ពីវិមានគុបនៅរដ្ឋធានី New Delhi ប្រទេសឥណ្ឌា ដែលជាកន្លែងរៀបចំអាស៊ីហ្គេម ASIAD ដើមដំបូងកាលពីឆ្នាំ១៩៥១នោះ បានមកដល់ប្រទេសឥណ្ឌូនេស៊ីនាថ្ងៃទី៥ខែកក្កសា ហើយដំណើរការដង្ហែភ្លើងគុប ASIAD 2018 នៅឥណ្ឌូនេស៊ីកឺចាប់ផ្តើមពីថ្ងៃទី១៧ខែកក្កដា។
គណៈចាត់តាំង ASIAD 2018 (INASGOC) បានឲ្យដឹងថា ភ្លើងគុបនឹងបានបញ្ចូនដល់កីឡាដ្ឋាន Bung Karno ចំទៅនឹងពិធីប្រារព្ធអាស៊ីហ្គេមគឺថ្ងៃទី១៨ខែសីហាតែម្តង៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន