យុគសម័យ - ទីក្រុង Hoi An ក្នុងរយៈពេលប៉ុន្មានឆ្នាំថ្មីៗនេះបានក្លាយជាគោលដៅដែលទាក់ទាញភ្ញៀវទេសចរក្នុងស្រុកនិងបរទេស។ ទោះបីជាផលប៉ះពាល់នៃការរីករាលដាលនៃ COVID-19 ក៏ដោយ ក៏វិស័យទេសចរណ៍នៅទីក្រុង Hoi An បានបង្ហាញសញ្ញានៃការ ងើបឡើងវិញ។
ជ្រុងមួយនៃទីក្រុងបុរាណ Hoi An ។ (រូបថត៖ វៀតណាម +)
ទីក្រុង Hoi An ត្រូវបានមនុស្សជាច្រើនស្គាល់ដូចជាតំបន់នៃម្ហូបដែលមានលក្ខណៈពិសេសប្លែក។ ជាពិសេសគឺនំប៉័ង Phuong។ ទោះបីជាហាងនំប៉័ងនេះ ក្នុងមួយថ្ងៃ ស្វាគមន៍ភ្ញៀវរាប់ពាន់នាក់។ វាមិនហួសហេតុពេកទេដែលនិយាយថាប្រសិនបើមិនទាន់បានញ៉ាំនំប៉័ង Phuongនៅឡើយទេ វាត្រូវបានគេចាត់ទុកថាគេមិនបានមកទីក្រុង Hoi An ទេ។
ឆ្នេរសមុទ្រ Cua Dai។ (រូបថត៖ េVN trip.vn)
កន្លែងគួរឱ្យចាប់អារម្មណ៍មួយទៀតគឺចំណាយរយៈពេលប្រហែល ១៥ នាទី ពីទីក្រុងបុរាណ Hoi An គឺ Cua Dai។ នេះគឺជាកន្លែងដែលទន្លេ Thu Bon ហូរចេញសមុទ្រ ដើម្បីបង្កើតរូបភាពធម្មជាតិដ៏អស្ចារ្យ។ នៅថ្ងៃដែលមានពន្លឺពីព្រះអាទិត្យ ឈរនៅលើស្ពាន មនុស្សជាច្រើនរីករាយនឹងពណ៌ខៀវដ៏អស្ចារ្យដែលមកពីទឹកទន្លេសមុទ្រឬមេឃ ...
សមុទ្រនៅកោះ Cu Lao Cham ។ (រូបថត៖ Internet)
មនុស្សជាច្រើនក៏ភ្លេចថា ទីក្រុងបុរាណ Hoi An ក៏ជាទីក្រុងឆ្នេរសមុទ្រផងដែរ។ មានកោះមួយដែលអ្នកទេសចរមិនអាចរលងទេ នោះគឺកោះCu Lao Cham ។ អ្នកទេសចរអាចធ្វើដំណើរទៅកាន់កោះនេះ ដោយទូកកាណូ ចាប់ធ្វើដំណើរពីកំពង់ផែ Cua Dai។
នៅកោះ Cu Lao Cham ភ្ញៀវទេសចនឹងចាប់ផ្តើម ដំណើរទស្សនាទៅកាន់ភូមិនេសាទដែលមានវត្ត Hai Tang - វត្ត ដែលមានអាយុកាលមួយរយឆ្នាំមក និងស្តាប់រឿងព្រេងអំពីអណ្តូងទឹកសាបដ៏ពិសិដ្ឋ។
ដោយអាកាសធាតុក្តៅ ការមុជទឹកសមុទ្រនឹងក្លាយជាសកម្មភាពដ៏គួរឱ្យទាក់ទាញ។ តំបន់សមុទ្រនៅជុំវិញកោះ Cu Lao Cham មានផ្កាថ្មរួមជាមួយសារាយជាច្រើនប្រភេទដែលបង្កើតប្រព័ន្ធអេកូឡូស៊ីចម្រុះ។ នេះគឺជាបរិយាកាសល្អបំផុតសម្រាប់ជលផលនិងគ្រឿងសមុទ្ររស់នៅនិងក៏ជាបរិស្ថានល្អសម្រាប់អ្នកទេសចរចូលចិត្ដនិងស្វែងយល់ពីធម្មជាតិ។
ក្រៅពីនេះទីក្រុង Hoi An មានតំបន់អភិរក្សធម្មជាតិព្រៃ។ បច្ចុប្បន្នតំបន់នេះកំពុងចិញ្ចឹមសត្វកម្រចំនួនប្រហែល ៥០ ប្រភេទ ដូចជាខ្លា Belgan សត្វតោ សត្វស្វា ... ដែលមានចំនួនជិត ៥០០ ក្បាល។ ប្រភេទសត្វនីមួយៗ ត្រូវបានជម្រាកនៅលើកោះដាច់ដោយឡែកមួយដោយទន្លេសិប្បនិម្មិត។ អ្នកទេសចរដែលមកលេងកំសាន្តនឹងចូលរួមក្នុង“ដំណើរតាមទូក” ដែលប្លែកពីគេ./.(បកប្រែដោយឌីណា)
មតិពីមិត្តអ្នកអាន