យុគសម័យ - កម្មវិធីប្រកួតសម្រស់ Miss Earth 2018 បានប្រកួតវគ្គផ្តាច់ព្រ័ត្រនារាត្រីថ្ងៃទី ០៣ ខែវិច្ឆិកា ឆ្នាំ ២០១៨ នៅ Mall of Asia Arena នៃប្រទេសហ្វីលីពីនដោយមានការចូលរួមពីស្រីស្រស់ស្អាតចំនួន ៩០ នាក់ មកពីបណ្តាប្រទេសនិងតំបន់ជុំវិញពិភពលោក។
បវរកញ្ញាវៀតណាម ត្រូវបានបំពាក់មកុដបវរកញ្ញាផែនដី ឆ្នាំ ២០១៨ ដោយបវរកញ្ញាឆ្នាំចាស់ដែលជាម្ចាស់ផ្ទះហ្វ៊ីលីពីន ជាមួយនឹងការអបអរសាទរយ៉ាងច្រើនពីមហាជនផងដែរ (រូបថត៖ Missosology)
បន្ទាប់ពីបានឆ្លើយដោយប្រើភាសាអង់គ្លេសយ៉ាងស្ទាត់ជំនាញនិងពោរពេញទៅដោយភាពជឿជាក់ ម្ចាស់ជ័យលាភីរាជិនីគ្រងមកុដឯក បានទៅតំណាងវៀតណាម Nguyen Phuong Khanh ។ លើសពីនេះទៀត Phuong Khanh ក៏បានឈ្នះមេដាយមាស "Evening Dress" និង "Ethnic Costume" មេដាយប្រាក់ "Bikini" ។
បវរកញ្ញាវៀតណាមជាមួយបវរកញ្ញារង (រូបថតៈ Missosology)
នេះគឺជាលើកដំបូងហើយដែលប្រទេសវៀតណាមមានតំណាងគ្រងមកុដឯកក្នុងការប្រកួតប្រជែងផ្នែកសម្ផស្សកំពូលរបស់ពិភពលោកដូចជា Miss Earth នេះតែម្តង។
រូបថតៈ Missosology
រូបថតៈ Missosology
ខណៈបវរកញ្ញាវៀតណាមបានគ្រងមកុដ Miss Earth ប្រចាំ ២០១៨ នោះ បវរកញ្ញាតំណាងប្រទេស ៣ ផ្សេងទៀតក៏ត្រូវបានរកឃើញ និង ក្លាយជាម្ចាស់ជ័យលាភីរងគ្រងមកុដផ្សេងៗគ្នាផងដែរ ដោយបវរកញ្ញាមកពីប្រទេស Austria គឺជាជ័យលាភីរងទី ១ គ្រងមកុដ Miss Air, បវរកញ្ញាមកពីប្រទេស Colombia គឺជាជ័យលាភីរងទី ២ គ្រងមកុដ Miss Water, បវរកញ្ញាមកពីប្រទេស Mexico គឺជាម្ចាស់ជ័យលាភីរងទី ៣ គ្រងមកុដ Miss Fire ៕
(សរុបព័ត៌មាន ដោយ មិញ ហុង)
មតិពីមិត្តអ្នកអាន