យុគសម័យ - នាថ្ងៃទី ១៣ ខែធ្នូឆ្នាំ ២០១៩ តាមម៉ោងវៀតណាម ក្នុងសម័យប្រជុំកិច្ចប្រជុំគណៈកម្មាធិការអន្តររដ្ឋាភិបាលនៃអនុសញ្ញាឆ្នាំ២០០៣ស្តីពីការការពារបេតិកភណ្ឌវប្បធម៌អរូបីយលើកទី ១៤ របស់អង្គការអប់រំវិទ្យាសាស្ត្រនិងវប្បធម៌នៃអង្គការសហប្រជាជាតិ (យូណេស្កូ ) បានប្រព្រឹត្តទៅនៅទីក្រុងបូហ្គូតា ប្រទេសកូឡុំប៊ី។
ចម្រៀងThen របស់វៀតណាមត្រូវបានលើកតម្កើងជាបេតិកភ័ណ្ឌវប្បធម៌អរូបីតំណាងមនុស្សជាតិ (vnanet.vn)
ក្នុងឱកាសនេះបេតិកភណ្ឌចម្រៀង Then របស់ជនជាតិភាគតិច Tay Nung និងThai នៅវៀតណាមត្រូវបានដាក់បញ្ចូលទៅក្នុងងបញ្ជីបេតិកភណ្ឌវប្បធម៌អរូបីតំណាងមនុស្សជាតិជាផ្លូវការដោយអង្គការយូណេស្កូផងដែរ។
បេតិកភណ្ឌនៃការអនុវត្តពិធី Then របស់ជនជាតិ Tay - Nung និង Thai នៅ វៀតណាមត្រូវបានអង្គការយូណេស្កូដាក់បណ្ចូលឈ្មោះក្នុងបញ្ជីបេតិកភ័ណ្ឌវប្បធម៌អរូបីតំណាងឲ្យមនុស្សជាតិនៅឯសម័យប្រជុំគណៈកម្មាធិការអន្តររដ្ឋាភិបាលរបស់យូណេស្កូកាលពីថ្ងៃទី ១២ ខែធ្នូនៅ Bogota ប្រទេសកូឡុំប៊ី។
គណៈប្រតិភូវៀតណាមនៅឯកិច្ចប្រជុំគណៈកម្មាធិការអន្តររដ្ឋាភិបាលអនុសញ្ញាឆ្នាំ ២០០៣ ស្តីពីការការពារបេតិកភណ្ឌវប្បធម៌អរូបីលើកទី ១៤ របស់អង្គការ UNESCO នៅបូហ្គូតា (កូឡុំប៊ី) (vnanet.vn)
ការអនុវត្តពិធី Then បានបង្ហាញពីចំណងសាមគ្គីភាពរវាងជនជាតិភាគតិច ព្រមទាំងសំដែងការគោរពទស្សនៈអំពីពិភពលោករបស់ជនជាតិភាគតិចតាមគោលដៅរបស់អង្គការយូណេស្កូ ក៏ដូចជាជួយលើកកម្ពស់ការយល់ដឹងអំពីសារៈសំខាន់នៃបេតិកភ័ណ្ឌរបស់សហគមន៍ជនជាតិភាគតិច ដែលមិនត្រឹមតែនៅប្រទេសវៀតណាមប៉ុណ្ណោះទេ ប៉ុន្តែថែមទាំងនៅក្នុងប្រទេសជាច្រើននៅលើពិភពលោកផងដែរ៕
បកប្រែដោយហេង វុធ្ធី
(ប្រភពព័ត៌មាន: baotintuc.vn)
មតិពីមិត្តអ្នកអាន