យុគសម័យ - វិទ្យាស្ថានបារាំងប្រចាំនៅប្រទេសវៀតណាម និងក្រុមហ៊ុន BHD សហ ការរួមគ្នាផលិតស៊េរីកម្មវិធីអំពីការឧទ្ទេសនាមនូវម្ហូប BON APPETIT ដែលស្វែងយល់ពី ភាពល្អប្រសើរបំផុតនៃមុខម្ហូបបារាំង ដើម្បីជូនទៅទស្សនិកជននូវមុខម្ហូបរសជាតិបារាំងពិសេស ដែលធ្វើដោយមេចុងភៅផ្កាយ ៥ Alain Nguyen។
លោក Alain Nguyen គឺជាមេចុងភៅមានទេពកោសល្យម្នាក់ដែលត្រូវបានបណ្តុះបណ្តាលនៅប្រទេសបារាំង។
កម្មវិធីនេះនឹងចាក់ផ្សាយនៅម៉ោង ៨ យប់ រៀងរាល់ថ្ងៃសៅរ៍ នៅកញ្ចក់ទូរទស្សអាហារអនឡាញ Mam Nha - Food Club នៅលើបណ្តាញហ្វេសប៊ុក យូធ្យូប TikTok ក៏ដូចជាបណ្តាញខ្សែភាពយន្ដតាមតម្រូវការដូចជា DANET, FPT Play, VTVCAB ON និងកម្មវិធី Onme ជាដើម។
លោក Alain Nguyen ឈ្មោះពិតគឺ Hieu គាត់កើត នៅឆ្នាំ ១៩៧២ នៅខេត្តTra Vinh។ លោក Alain Nguyen គឺជាមេចុងភៅមានទេពកោសល្យម្នាក់ដែលត្រូវបានបណ្តុះបណ្តាលនៅប្រទេសបារាំង ដោយមានបទពិសោធន៍ច្រើនក្នុងការធ្វើម្ហូបនៅភោជនីយដ្ឋាន និងសណ្ឋាគារលំដាប់ខ្ពស់ប្រណិតនៅ ទីក្រុងប៉ារីស ដូចជា Plaza Athenee ផ្កាយ ៣ Michelin ឬភោជនីយដ្ឋាន Hotel De Crillon Paris ជាដើ។ នៅឆ្នាំ ២០០៦ គាត់បានសម្រេចចិត្តវិលត្រឡប់ទៅប្រទេសវៀតណាមវិញ ហើយបានកាន់មុខតំណែងសំខាន់ៗជាច្រើននៅក្នុងភោជនីយដ្ឋាន និងរមណីយដ្ឋានលំដាប់ខ្ពស់ប្រណិត។ ជាពិសេសនៅឆ្នាំ ២០១៥ លោក Alain Nguyen បានបង្ហាញខ្លួននៅក្នុងកម្មវិធី Masterchef Vietnam ក្នុងនាមជាភ្ញៀវកិត្តិយក ហើយបន្ទាប់មកគាត់គឺជាមេប្រយោគសំខាន់នៃកម្មវិធី MasterChef Junior Vietnam ២០១៦ ។
លោក Alain Nguyen និងលោក Frederic Alliod បានផ្លាស់ប្តូរទស្សនៈគ្នាអំពីម្ហូបបារាំង។
នៅក្នុងកម្មវិធី លោក Alain Nguyen នឹងមិនដើរតួជាមេប្រយោគផ្តល់យោបល់នោះទេ ដែលគាត់នឹងក្លាយជាអ្នកធ្វើមុខម្ហូបតាមស្តង់ដារផ្កាយ ៥ តែវាតាមបែបសាមញ្ញៗដែលគ្រួសារណាក៏អាចធ្វើវាបានត្រឹមត្រូវនៅក្នុងផ្ទះបាយរបស់ខ្លួនដែរ
ចំណែកវិទ្យាស្ថានបារាំងដែលជាកន្លែងភ្ជាប់វប្បធម៌បារាំង និងវប្បធម៌វៀតណាម លោក Frederic - អនុព័ន្ធសោតទស្សន៍នៃវិទ្យាស្ថានបារាំងមានប្រសាសន៍ថា “ ទោះបីភូមិសាស្ត្រឆ្ងាយពីគ្នា ប៉ុន្តែមុខម្ហូបបារាំង និងវៀតណាមមានចំណុចតែមួយគឺសម្បូរបែប និងចម្រុះ។ ការចម្អិនអាហារគឺជាផ្នែកសំខាន់មួយនៃជីវិតរបស់យើង ហើយវាពិតជាអាចនាំមនុស្សមកជិតស្និទ្ធនឹងគ្នាបាន./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន