យុគសម័យ- ផ្កាជើងគោពណ៌សគឺជានិមិត្តរូបនៃតំបន់ភ្នំព្រៃពាយព្យ ប៉ុន្តែនាបច្ចុប្បន្ននេះប្រភេទផ្កានេះបានដាំនៅតំបន់់និងខេត្តជាច្រើន នៅទូទាំងប្រទេស។ ក្នុងនោះមានទីក្រុង Da Lat - ទីក្រុងរបស់ផ្កាគ្រប់ប្រភេទ។
ផ្កាជើងគោពណ៌សរបានរីកយ៉ាងស្រស់ស្អាត ក្បែរវិហារកាតូលិក Da Lat ( ឬគេហៅថាវិហារកាតូលិក Con Ga)។
ផ្កាជើងគោពណ៌សមិនត្រឹមតែរីកស្គុះស្គាយ នៅតំបន់ភ្នំព្រៃពាយព្យនោះតែប៉ុណ្ណោះទេ។ នាសព្វថ្ងៃនេះ ផ្កាប្រភេទនេះកំពុងក្លាយជាផ្នែកមួយនៃទីក្រុង Da Lat ៗ ដែលបង្ហាញសម្រស់ស្អាតក្បែរផ្លែអង្គាសីល ផ្កា mimosa ផ្កា Sakura ...។
ចាប់តាំងពីឆ្នាំ ២០០៧ ក្រុមហ៊ុនគ្រប់គ្រងសំណង់ទីក្រុង Da Lat បានយកកូនឈើផ្កាជើងគោពណ៌ស ពីតំបន់ភ្នំព្រៃពាយព្យទៅដាំនៅទីក្រុង Da Lat។ បន្ទាប់ពីរយៈពេលជិត ១៥ ឆ្នាំ ប្រភេទដើមឈើនេះបានធំឡើងនិងបានលូតលាស់នៅសង្ខាងផ្លូវ។
ទីក្រុង Da Lat នៅតែស្រស់ស្អាត រ៉ូមែនទិកនិងស្ងៀមស្ងាត់។ ប៉ុន្តែភ្ញៀវទស្សនាមានហេតុផលមួយ ដើម្បីមកទស្សនាទីក្រុង Da Lat នៅពេលរដូវផ្ការីក។ ផ្កាជើងគោពណ៌សដែលរីកស្គុះស្គាយដូចជាអោបចោតដ៏បត់បែន។ ទីក្រុងខ្ពង់រាបនេះដូចជាពាក់អាវថ្មីមួយប្រកបដោយស្អាតនិងរ៉ូមែនទិក។
ផ្កាជើងគោពណ៌ស នៅទីក្រុង Da Lat បានរីកពីរដូវផ្ការីកដល់ដើមរដូវក្តៅ។ ប៉ុន្តែផ្កាប្រភេទនេះស្រស់ស្អាតបំផុត ក្រោយបុណ្យចូលឆ្នាំថ្មីប្រពៃណី។ ពណ៌សបរិសុទ្ធនៃតំបន់ភ្នំព្រៃពាយព្យហាក់ដូចជាតុបតែងលម្អសម្រស់នៃទីក្រុងផ្កា។
ផ្កាជើងគោពណ៌សបានដាំនៅតាមតំបន់មួយចំនួន ដូចជា ផ្លូវ Quang Trung ផ្លូវTran Phu ស្ថានីយ៍រថភ្លើង Da Lat ផ្លូវបែកជាបួន Phan Chu Trinh វិហារកាតូលិក Con ga... ផ្កាជើងគោពណ៌សមានកម្ពស់ 10-12 ម៉ែត្រ និងជ្រុះស្លឹក នៅរដូវប្រាំង។ ពេលវេលាដែលផ្ការីកស្អាតបំផុតគឺក្រោយបុណ្យចូលឆ្នាំថ្មីប្រពៃណី។ រូបថត“check in ” នឹងធ្វើអោយភ្ញៀវទេសចរជាច្រើននាក់ដែលពេញចិត្ត។ ផ្លូវផ្កាជើងគោពណ៌សក្រោមពន្លឺភ្លើង ដែលស្អាតមិនចាញ់ទេសភាព ក្នុងភាពយន្តរ៉ូមែនទិករបស់កូរ៉េខាងត្បូង។
(បកប្រែដោយឌីណា)
មតិពីមិត្តអ្នកអាន