យុគសម័យ - ជារៀងរាល់ឆ្នាំនៅពេលខែកក្កដាមកដល់ ភ្ញៀវទេសចរជាតិនិងបរទេសចង់ទេសចរខេត្ត Quang Tri ដោយរំពឹងថា នឹងមើលឃើញការផ្លាស់ប្តូរនិងការរស់ឡើងវិញប្រកបដោយអស្ចារ្យ។ ក្រៅពីកេរ្តិ៍ដំណែលល្បី ៗ វិស័យទេសចរណ៍ខេត្ត Quang Tri កំពុងឆ្ពោះទៅបង្កើតផលិតផលទេសចរណ៍ Festival សម្រាប់សន្តិភាពនិងទេសចរណ៍កោះCon Co។
លោក Gary Canant និងអតីតយុទ្ធជនខេត្ត Quang Tri អូជធូបនៅខាងមុខផ្នូរយុទ្ធជនពលី ស្ថិតនៅទីកន្លែងបញ្ចុះសពយុទ្ធជនពលី Truong Son ។ (រូបថត៖ nhandan.com.vn)
ការលើកតំកើងតម្លៃសន្តិភាព
មិនយូរប៉ុន្មាន យើងមានសំណាងបានជួបលោក Gary Canant ដែលជាអតីតយុទ្ធជនអាមេរិកម្នាក់ដែលបានប្រយុទ្ធនៅខេត្ត Quang Tri ក្នុងឆ្នាំ ១៩៦៨-១៩៦៩ ។ លោក Gary Canant បានវិលត្រឡប់មកខេត្ត Quang Tri វិញជាមួយភរិយានិងកូនប្រុស។ លោកមានការភ្ញាក់ផ្អើលយ៉ាងខ្លាំងចំពោះការផ្លាស់ប្តូរ នៅប្រទេសវៀតណាម។ លោកមកទីនេះនិងចង់ស្វែងយល់កាន់តែច្បាស់អំពីប្រទេសនិងប្រជាជនរបស់ខ្លួន។
លោក Gary Canant និងភរិយានិងកូន ៗ របស់គាត់អូជធូបនៅលើផ្នូរយុទ្ធជនពលីនីមួយៗ។ លោកបាននិយាយថា លើកនេះលោកទៅកាន់ប្រទេសវៀតណាមមិនមែនជាគោលបំណងនៃការអំពាវនាវពិភពលោកដែលកុំកើតឡើងសង្គ្រាមទេ។
ថ្មីៗ នេះលោកឯកអគ្គរដ្ឋទូតសហរដ្ឋអាមេរិក Daniel Kritenbrink ក៏បានមកនិងអូជធូបនៅទីបញ្ចុះសពយុទ្ធជនពលី Truong Son ។ នារសៀលថ្ងៃដដែលលោកបានទៅទស្សនាកេរ្តិ៍ដំណែលប្រវត្តិសាស្រ្តស្ពាន Hien Luong ដោយឆ្លងកាត់ទន្លេ Ben Hai - ខ្សែស្រប ១៧ ។
នៅពេលដឹងថា ខេត្ត Quang Tri នឹងរៀបចំមហោស្រពសន្តិភាពដែលជានិមិត្តរូបនៃទឹកដីសន្តិភាពរបស់ប្រទេសវៀតណាម លោកឯកអគ្គរដ្ឋទូត Daniel Kritenbrink មានប្រសាសន៍ថា នេះគឺជាគំនិតដ៏អស្ចារ្យមួយ លោកបានគាំទ្រយ៉ាងខ្លាំង ហើយសង្ឃឹមថានឹងក្លាយជាការពិត នាពេលខាងឆាប់ៗ។ ប្រសិនបើបានអញ្ជើញ លោកនឹងចូលរួមក្នុងពិធីនេះ។
ខេត្ត Quang Tri ធ្លាប់ជាពីរតំបន់ដែលបានចែកភាគខាងត្បូង - ខាងជើងក្នុងរយៈពេលជាង ២០ ឆ្នាំនៃសង្គ្រាម ដើម្បីដណ្តើមឯករាជ្យ។ តំបន់នេះបានបង្ហញាសេចក្តីប្រាថ្នានៃឯកភាពជាតិរបស់វៀតណាម។ ប្រជាជននៅទីនេះអត់ធ្មត់និងស្រឡាញ់សន្តិភាព ដូច្នេះខេត្ត Quang Tri តែងតែត្រូវបានគេប្រដូចទៅនឹងតំបន់ សន្តិភាព។ ខេត្ត Quang Tri ធ្លាប់ជាសមរភូមិដ៏កាចសាហាវបំផុត នៅក្នុងប្រទេសវៀតណាម ហើយឥឡូវនេះខេត្តបានក្លាយជាគោលដៅទេសចររបស់ប្រជាជាតិវៀតណាម។
និស្សិតខេត្ត Quang Tri សម្តែងលិល្បៈនៅកេរ្តិ៍ដំណែលប្រវត្តិសាស្ត្រស្ពាន Hien Luong។ (រូបថត៖ nhandan.com.vn)
នាពេលថ្មីៗនេះផ្អែកលើសំណើរបស់ខេត្ត Quang Tri ដែលបានជម្រាបជូន រដ្ឋាភិបាលបានយល់ព្រមអនុញ្ញាតឱ្យខេត្ត Quang Tri រៀបចំមហោស្រពសម្រាប់សន្តិភាព។ តាមគ្រោងការណ៍នេះ មហោស្រពនេះនឹងត្រូវបានប្រារព្ធធ្វើឡើងនៅក្នុងខែកក្កដា ជារៀងរាល់ឆ្នាំនិងជាលក្ខណៈជាតិនិងអន្តរជាតិ។ ព្រឹត្តិការណ៍នេះ គឺស្ថិតនៅក្នុងបញ្ជីនៃព្រឹត្តិការណ៍វប្បធម៌សំខាន់ៗ របស់ប្រទេស ដើម្បីលើកតំកើងតម្លៃសន្តិភាព អំពាវនាវឱ្យប្រជាជនចូលរួម រួមគ្នាប្រយុទ្ធការពារនិងកសាងជីវិតសន្តិភាព វិបុលភាពនិងនិរន្តរភាពសម្រាប់មាតុភូមិនិងមនុស្សជាតិ។
មហោស្រពនេះក៏រំលឹកនិងកោតសរសើរចំពោះវីរជនដែលបានពលីជីវិតដោយអង់អាចក្លាហានសម្រាប់មាតុភូមិ។ រំលឹកនឹកដល់ ជនរងគ្រោះនៃសង្គ្រាម ការខាតបង់ដែលបណ្តាលមកពីសង្គ្រាម។ ការរៀបចំមហោស្រពនេះមានគោលបំណងកសាងខេត្ត Quang Tri ក្លាយទៅជាតំបន់វប្បធម៌សម្រាប់សន្តិភាពដែលជានិមិត្តរូបនៃភាពរឹងមាំខ្លាំងក្លា នឹងជាកន្លែងប្រជុំសម្រាប់មិត្តភក្តិពីគ្រប់ទិសទី។
លើសពីនេះទៀត មហោស្រពនេះមានគោលបំណងផ្សព្វផ្សាយ ឧទ្ទេសនាម ដើម្បីចូលរួម លើកស្ទួយជំហរនិងរូបភាពរបស់ប្រទេសប្រជាជនវៀតណាមនិងទឹកដីនិងប្រជាជនខេត្ត Quang Tri ទាក់ទាញភ្ញៀវទេសចរណ៍ក្នុងស្រុក និងអន្តរជាតិ; រួមចំណែកជំរុញការអភិវឌ្ឍសេដ្ឋកិច្ច - សង្គមខេត្ត Quang Tri ។
មហោស្រពសម្រាប់សន្តិភាពបានឧទ្ទេសនាមនូវកន្លែងលេចធ្លោដូចជា៖ កេរ្តិ៍ដំណែលប្រវត្តិសាស្ត្រត្រើយទាំងសង្ខាង “Hien Luong - Ben Hai” កំពែងបុរាណ Quang Tri ទ្វារសមុទ្រ Cua Viet ភូមិ Vay Ta Con ... ខេត្ត Quang Tri ក៏កំពុងមមាញឹក និងអនុវត្តការងារថ្មី ដើម្បីបង្កើតផលិតផលទេសចរណ៍ទាក់ទាញបំផុតសម្រាប់ភ្ញៀវទេសចរ។
ត្រូវមានវិធីថ្មីជាងនេះ
ប៉ុន្មានថ្ងៃក្នុងខែកក្កដា អ្នកទេសចរដែលមមាញឹកចូលមកនិងទេសចរកេរ្តិ៍ដំណែលប្រវត្តិសាស្រ្តជាតិ ជាពិសេសគឺត្រើយទាំងសង្ខាង “Hien Luong - Ben Hai” ដោយមើលឃើញពីការផ្លាស់ប្តូរនៅតំបន់នេះ។
ខេត្ត Quang Tri មានបំណង់ប្រាថ្នាមិនត្រឹមតែក្លាយជាមជ្ឈមណ្ឌលទេសចរណ៍សន្តិភាពប៉ុណ្ណោះទេ ថែមទាំងជានិមិត្តរូបនៃសេចក្តីប្រាថ្នាសម្រាប់សន្តិភាពបង្រួបបង្រួមនិងសាមគ្គីភាពរបស់ប្រទេសទាំងមូលផងដែរ។ សង្គ្រាមបានកើតឡើងនៅខេត្ត Quang Tri និងបង្កើតកេរ្តិ៍ដំណែលល្បី ៗ ជាច្រើនដូចជាឧម្មង្គ Vinh Moc កំពែងបុរាណ Quang Tri អាកាសយានដ្ឋាន Ta Con ... ឥឡូវមាន មហោស្រពសម្រាប់សន្តិភាព រួមជាមួយទេសចរណ៍កោះCon Co។ សង្ឃឹមថានឹងនាំមកនូវអ្វីដែលគួរឱ្យចាប់អារម្មណ៍ជាច្រើនសម្រាប់អ្នកទស្សនា។
ភ្ញៀវអន្តរជាតិមកទេសចរខេត្ត Quang Tri តាមសមុទ្រ។ (រូបថត៖ nhandan.com.vn)
ដើម្បីជំរុញការអភិវឌ្ឍទេសចរណ៍ ក្រុមប្រឹក្សាប្រជាជនខេត្ត Quang Tri បានចេញសេចក្តីសម្រេចចិត្តលេខ ៣៥ / ២០១៧ / NQ-HDND អនុម័តគម្រោង“ ផែនការមេអភិវឌ្ឍន៍ទេសចរណ៍នៅខេត្ត Quang Tri ដល់ឆ្នាំ ២០២៥ តំរង់ទិសដៅដល់ឆ្នាំ ២០៣០” ។
ដូច្នោះគោលដៅអភិវឌ្ឍន៍រួមគឺជំរុញការអភិវឌ្ឍទេសចរណ៍ឆ្ពោះទៅឆ្នាំ ២០២៥ ទេសចរណ៍នឹងក្លាយជាវិស័យសេដ្ឋកិច្ចដ៏សំខាន់។ ចូលរួមវិភាគទានជាវិជ្ជមានដល់ដំណើរការនៃការរៀបចំរចនាសម្ព័ន្ធសេដ្ឋកិច្ចរបស់ខេត្តដែលបង្កើតការផ្លាស់ប្តូរយ៉ាងខ្លាំងក្នុងការអភិវឌ្ឍន៍សម្រាប់រយៈពេលបន្ទាប់។ ទន្ទឹមនឹងនេះការកសាងគោលដៅទេសចរណ៍ខេត្ត Quang Tri “ ការចងចាំនៅសម័យសង្គ្រាម - បំណងប្រាថ្នាសន្តិភាព”; “ ច្រកចេញចូលនៃច្រករបៀងសេដ្ឋកិច្ចខាងកើត - ខាងលិច” ភ្ជាប់នឹង“ ផ្លូវបេតិកភ័ណ្ឌ” ទេសចរណ៍“ ផ្លូវដូចក្នុងរឿងព្រេងដ៏អស្ចារ្យ” …នៃតំបន់./.
(បកប្រែដោយឌីណា)
មតិពីមិត្តអ្នកអាន