យុគសម័យ - យោងតាមព័ត៌មានពីគណៈកម្មការគ្រប់គ្រងកេរ្តិ៍ដំណែលHoa Lo បានឲ្យដឹងថា ទីកន្លែងនេះបានឈប់ទទួលភ្ញៀវ ចាប់ពីម៉ោង ៣ រសៀល ថ្ងៃទី ៩ ខែមីនា ដើម្បីសម្អាតនិងបាញ់ថ្នាំសម្លាប់មេរោក បន្ទាប់ពីបានកំណត់យ៉ាងច្បាស់លាស់អំពី ការដែលភ្ញៀវទេសចរបរទេសអង់គ្លេសពីរនាក់ដែលផ្ទុក Covid-19 ធ្លាប់បានមកទស្សនានៅទីនេះ។
កេរ្តិ៍ដំណែល Hoa Lo។ (រូបថត៖ An ninh Thu do)
គណៈកម្មការគ្រប់គ្រងកេរ្តិ៍ដំណែល Hoa Lo បាននិយាយឲ្យដឹងថា កេរ្តិ៍ដំណែលនេះនឹងផ្អាកការទទួលស្វាគមន៍ភ្ញៀវទេសចរ ចាប់ពីរសៀលថ្ងៃទី ៩ ខែមីនា។ ពីព្រោះគណៈ កម្មការគ្រប់គ្រងកេរ្តិ៍ដំណែល Hoa Lo បានទទួលដំណឹងអំពីការដែលភ្ញៀវទេសចរជនជាតិអង់គ្លេសពីរនាក់ធ្លាប់បានមកទស្សនាកេរ្តិ៍ដំណែល Hoa Lo។ ឥឡូវនេះ ភ្ញៀវពីរនាក់នោះកំពុងដាក់ឲ្យដាច់ដោយឡែក ដោយទាក់ទងនឹងជំងឺ Covid-19 ។
នាសព្វថ្ងៃនេះ មន្ត្រីបីនាក់នៃកេរ្តិ៍ដំណែល Hoa Lo (អ្នកលក់សំបុត្រម្នាក់ អ្នកត្រួតពិនិត្យសំបុត្រពីរនាក់) មិនទាក់ទងយ៉ាងជិតស្និទ្ធនឹងភ្ញៀងអង់គ្លេសពីរនាក់នោះទេ។ ប៉ុន្តែ គណៈកម្មការគ្រប់គ្រងកេរ្តិ៍ដំណែល Hoa Lo បានស្នើគេ ដាក់ឲ្យដាច់ដោយឡែកនៅផ្ទះ។ លើសពីនេះ កេរ្តិ៍ដំណែល Hoa Lo បានបិទទ្វារជាបណ្តោះអាសន្និ និងបាញ់ថ្នាំសម្លាប់មេរោគ។
ជួបពិភាក្សាការងារជាមួយ លោក Le Xuan Kieu នាយកមជ្ឈមណ្ឌលវប្បធម៍និងវិទ្យាសាស្ត្រ Van Mieu Quoc Tu Giam បាននិយាយថា ចាប់ផ្តើមពីថ្ងៃទី ១០ ខែមីនាកេរ្តិ៍ដំណែលប្រវត្តិសាស្ត្រ Van Mieu Quoc Tu Giam នឹង បិទទ្វារជាបណ្តោះអាសន្និ សម្អាតនិងបាញ់ថ្នាំសម្លាប់មេរោគ។
ដើម្បីធានាសុវត្ថិភាពសម្រាប់ភ្ញៀវទេសចរ ចាប់ពីថ្ងៃទី ១០ ខែ មីនា ប្រាសាទ Ngoc Son ក៏នឹងផ្អាកការទទួលស្វាគមន៍ភ្ញៀវធ្វើអនាម័យកន្លែងទាំងមូលនៃក្នុងប្រាសានេះ។ (រូបថត៖ An ninh Thu do)
យោងតាមលោក Nguyen Doan Van ប្រធាន គណៈកម្មាធិការគ្រប់គ្រងកេរ្តិ៍ដំណែល Ha Noi ទីក្រុងនឹងបិទទ្វារជាបណ្តោះអាសន្ន សម្អាត បាញ់ថ្នាំសម្លាប់មេរោគ នៅបណ្តាកេរ្តិ៍ដំណែល ដូចជា ៤៨ ផ្លូវ Hang Ngang ៥D ផ្លូវ Ham Long 90 ផ្លូវ Tho Nhuom ស្តូបស្តេច Ly Thai To ប្រាសាទលោកយាយ Kieu ផ្ទះអនុស្សាវរីយ៍លោកប្រធាន Ho Chi Minh នៅ Van Phuc Ha Dong។
ការផ្អាកទទួលភ្ញៀវ និងសម្អាត ដើម្បីប្រឆាំងនឹងការរីករាលដាលជំងឺ Covid-19 ដែលត្រូវបានគេចាត់ទុកថាជាវិធានការណ៍មួយ ដែលធានាសុវត្ថិភាពដល់ភ្ញៀវទេសចរ។ នៅក្នុងអំឡុងពេលនេះការបណ្តុះបណ្តាលអំពីអនាម័យប្រឆាំងនឹងការឆ្លងជំងឺ Covid -19 សម្រាប់បុគ្គលិក បន្ត្រីនៅកេរ្តិ៍ដំណែលទាំងឡាយដែលពោលខាងលើ ក៏បានអនុវត្ត ផងដែរ ./.
（បកប្រែដោយឌីណា）
មតិពីមិត្តអ្នកអាន