យុគសម័យ៖កេរ្តិ៍ដំណែលប្រវត្តិសាស្ត្រភ្នំ Non Nuoc គឺជាភ្នំមួយស្ថិតនៅប្រសព្វនៃទន្លេ Day និងទន្លេ Van ។ ភ្នំ Non Nuoc ជាភ្នំមួយក្នុងចំណោមភ្នំតិចតួចបំផុតនៅប្រទេសវៀតណាមដែលត្រូវបានគេដាក់ឈ្មោះថា “ភ្នំកំណាព្យ” ដែលចាត់ទុកជាសៀវភៅថ្មមួយដែលផ្ទុកកំណាព្យរាប់រយកំណាត់របស់អ្នកត្បាញល្បីៗ ដូចជា Truong Han Sieu, Le Thanh Tong, Le Hien Tong, Thieu Tri, Tu Duc, Pham Su Manh, Tan Da ....
កេរ្តិ៍ដំណែលប្រវត្តិសាស្ត្រភ្នំ Non Nuoc នៅទីក្រុង Ninh Binh (រូបថត៖ កាសែត dautuchungkhoan)
នៅលើកំពូលភ្នំមានរូបសំណាកវីរៈបុរសឈ្មោះ Luong Van Tuy ដែលជាយុវជនកុម្មុយនិស្តដ៏អង់អាចក្លាហានហ៊ានឆ្លង់កាត់រាល់ឧបសគ្គទាំងគ្រាប់បែក គ្រាប់មីនដើម្បីដាក់ទង់បក្សកុម្មុយនីស្តដែលមានរូបកណ្ដៀវនិងញញួរនៅលើកំពូលភ្នំ។
នៅជើងភ្នំគឺវត្ត Non Nuoc - ជាវត្តបុរាណមួយដែលមានអាយុកាលរាប់រយឆ្នាំ វត្តនេះត្រូវបានកសាងឡើងក្នុងរាជវង្ស Ly ក្រោមរជ្ជកាលស្តេច Ly Nhan Tong និងទីធ្វើសក្ករៈបូជាវីរៈបុរស Truong Han Sieu។
កំណាព្យបានឆ្លាក់លើភ្នំ ដូច្នេះគេហៅថា "ភ្នំកំណាព្យពិសេស" នៅប្រទេសវៀតណាម
នៅឆ្នាំ១៩៦២ ក្រសួងវប្បធម៌ និងព័ត៌មាន (សព្វថ្ងៃជាក្រសួងវប្បធម៌ កីឡា និងទេសចរណ៍) បានចំណាត់ថ្នាក់ភ្នំ Non Nuoc ជារមណីយដ្ឋានថ្នាក់ជាតិ ។ ហើយសព្វថ្ងៃជាកេរ្ត៍តំណែលប្រវត្តិសាស្រ្តថ្នាក់ជាតិពិសេស៕
（ប្រែសម្រួលដោយឌីណា）
មតិពីមិត្តអ្នកអាន