យុគសម័យ - នាថ្ងៃទី ៧ ខែឧសភា យោងតាមព័ត៌មានពីក្រសួងវប្បធម៌ កីឡានិងទេសចរណ៍ បានឱ្យដឹងថា៖ កម្មវិធីសិល្បៈពិសេសដែលមានប្រធានបទ “រះឡើងមនុស្សច្រៀងនិទាឃរដូវ” នឹងប្រព្រឹត្តទៅនៅយប់ថ្ងៃទី ១៧ ខែឧសភា នៅរោងល្ខោនធំហាណូយ និងត្រូវបានផ្សាយផ្ទាល់តាមប៉ុស្តិ៍ទូរទស្សន៍ VTV1 នៃស្ថានីយទូរទស្សន៍វៀតណាម។
រោងល្ខោនធំហាណូយជាទីតាំងដែលមជ្ឈដ្ឋានសិល្បករវៀតណាមតែងតែចង់បានមកសំដែង
នេះជាកម្មវិធីរៀបចំដោយក្រសួងវប្បធម៌ កីឡានិងទេសចរណ៍សហការជាមួយនាយកដ្ឋានឃោសនាកណ្តាលនិងស្ថានីយ៍ទូរទស្សន៍វៀតណាមក្នុងឱកាសខួបកំណើតគម្រប់ ១៣០ ឆ្នាំរបស់លោកប្រធានហូជីមិញ (១៩ ឧសភាឆ្នាំ ១៨៩០ - ១៩ ឧសភាឆ្នាំ ២០២០) ។កម្មវិធី “ច្រៀងជាមួយមនុស្សនៅនិទាឃរដូវ” គឺជាកម្មវិធីនៃសកម្មភាពវប្បធម៌និងសិល្បៈជាបន្តបន្ទាប់ដើម្បីផ្សព្វផ្សាយនិងអប់រំប្រជាជនគ្រប់ជាន់ថ្នាក់ឱ្យបានយល់ច្បាស់អំពីការលះបង់ដ៏ធំធេងរបស់លោកប្រធានហូជីមិញចំពោះអាជីពបដិវត្តវៀតណាម; បង្ហាញការគោរពនិងការដឹងគុណគ្មានទីបញ្ចប់ចំពោះលោក; ចូលរួមវិភាគទាននិងអនុវត្តការសិក្សាប្រកបដោយប្រសិទ្ធភាពនិងអនុវត្តតាមមនោគមវិជ្ជា សីលធម៌និងរាងរបៀបធ្វើរបស់លោកប្រធានហូជីមិញ។
កម្មវិធីនេះត្រូវបានចែកចេញជា ៣ ផ្នែកគឺ “លោកប្រធានហូជីមិញដ៏មហិមា” “ផ្កាដ៏ស្រស់ស្អាតក្នុងសួនផ្ការលោកហូជីមិញ” និង “ប្រទានជូនលោកប្រធានហូជីមិញនូវបទចម្រៀងនិទាឃរដូវ”៕
(បកប្រែដោយសាមេត)
(ប្រភពព័ត៌មាន: tuyengiao.vn)
មតិពីមិត្តអ្នកអាន