យុគសម័យ៖ ជារៀងរាល់ឆ្នាំក្នុងឱកាសបុណ្យតេតប្រពៃណីវៀតណាម អាណិកជនវៀតណាមជាច្រើននាក់ មកពីគ្រប់ទិសទីជុំវិញពិភពលោកបានមកស្រុកកំណើត ដើម្បីអបអរបុណ្យតេត ជួបជុំជាមួយក្រុមគ្រួសារ និងអញ្ជើញចូលរួមកម្មវិធី ”និទាឃរដូវនៅស្រុកកំណើត” ។
ក្នុងបរិយាកាសកក់ក្តៅនិងស្មោះត្រង់ បងប្អូនអាណិកជនវៀតណាម បានមានមោទនភាពនិងការរំភើបចិត្តចំពោះសមិទ្ធផលសេដ្ឋកិច្ច - សង្គម ការពារជាតិនិងសន្តិសុខ កិច្ចការបរទេស ការកសាងធ្លុងមហាសាមគ្គីភាពជាតិដ៏អស្ចារ្យ ក្នុងរយៈពេលប៉ុន្មានឆ្នាំថ្មីៗនេះ។
ទន្ទឹមនឹងនេះបងប្អូនអាណិកជនវៀតណាម ក៏បានចែករំលែកនូវផែនការផ្ទាល់ខ្លួន ដើម្បីចូលរួមចំណែកក្នុងការកសាងមាតុភូមិ អះអាងនូវគោលនយោបាយមិនប្រែប្រួល និងបង្ហាញការយកចិត្តទុកដាក់របស់ថ្នាក់ដឹកនាំបក្សនិងរដ្ឋ ចំពោះសហគមន៍អាណិកជនវៀតណាម នៅបរទេស នាពេលបច្ចុប្បន្ន។
ពោរពេញទៅដោយការស្នេហាមាតុភូមិ
វិលត្រឡប់មកស្រុកកំណើតវិញ ក្នុងឱកាសបុណ្យតេតប្រពៃណីវៀតណាម ឆ្នាំ២០២០ លោក Nguyen Bang Lam អាណិកជនវៀតណាម បានកើតនិងធំដឹងក្តី នៅប្រទេសថៃ មិនអាចលាក់លៀមនូវការរំជួលចិត្តរបស់លោកបានឡើយ។ ក្នុងការចងចាំរបស់លោក Bang រាល់ពេលដែលលោកបានស្តាប់ឪពុកម្តាយនិងសាច់ញាតិនិយាយអំពីបុណ្យតេត លោកនៅតែរង់ចាំយ៉ាងអន្ទះអន្ទែង។
“ សំណើចរបស់កុមារ ការសួរសុខទុក្ខគ្នារបស់មនុស្សពេញវ័យ ការរៀបរាប់រឿងរ៉ាវជាមួយគ្នា កាលពីមួយឆ្នាំកន្លងទៅ។ ក្រុមគ្រួសារបានជួបជុំគ្នានិងពិសារអាហារមួយពេល។ បរិយាកាសបុណ្យតេតប្រពៃណីវៀតណាមមានភាពកក់ក្តៅណាស់ ដែលមិនមែនទីកន្លែងណាលើពិភពលោកក៏មានទេ។ យើងរស់នៅឆ្ងាយពីស្រុកកំណើត យើងបានឃ្លាតចេញពីស្រុកកំណើត។ ប៉ុន្តែយើងមិនអាចបំបែកព្រលឹងរបស់យើងចេញពីមាតុភូមិបានទេ។ ជាពិសេស ប្រជាជនវៀតណាមដែលមានប្រពៃណីស្នេហាជាតិ និងប្រទេស។ យើងតែងតែនឹកដល់បុព្វបុរស ជីដូនជីតានិងមាតុភូមិជាទីស្រឡាញ់របស់យើង” លោក បានចែករំលែក។
រីឯលោកស្រី Hoang Thi Kim Cuc វិញ ជាអាណិកជនវៀតណាមម្នាក់ រស់នៅប្រទេសថៃ បានរីករាយយ៉ាងក្រៃលែង ចំពោះសមិទ្ធិផលលេចធ្លោក្នុងវិស័យកីឡា ក្នុងរយៈពេលប៉ុន្មានឆ្នាំកន្លងមកនេះ។ លោកស្រី Cuc បាននិយាយថា“ គ្មានអារម្មណ៍ណាដែលខ្លាំងជាង ដែលយើងបានឃើញទង់ជាតិវៀតណាមបានលើកកម្ពស់ នៅក្នុងព្រឹត្តិការណ៍ប្រកួតកីឡា ក្នុងតំបន់និងអន្តរជាតិ។ ជាពិសេសគឺកកីឡាបាល់ទាត់។ ក្នុងរយៈពេលប៉ុន្មានឆ្នាំមកនេះ បាល់ទាត់វៀតណាមមានការរីកចម្រើនយ៉ាងខ្លាំង ដែលធ្វើឲ្យមិនត្រឹមតែយុវជនប៉ុណ្ណោះទេ ថែមទាំងមនុស្សចាស់ ក្មេងៗ ស្ត្រី ... សុទ្ធតែជក់ចិត្ត តាមដាន ហើយគាំទ្រយ៉ាងពេញទំហឹង ផងដែរ” ។
ឆ្នាំ ២០២០ ជាពេលវេលាដែលវៀតណាមទទួលយកតួនាទីជាប្រធានអាស៊ាននៅឆ្នាំ ២០២០ និងសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ លោកស្រី Kim Cuc ក៏មានបំណងចង់ វៀតណាមនឹងបំពេញកាតព្វកិច្ចអន្តរជាតិ និងរួមចំណែកលើកកម្ពស់បរិស្ថានសន្តិភាព ស្ថេរភាពនិងការអភិវឌ្ឍន៍ក្នុងតំបន់; ការអភិវឌ្ឍសេដ្ឋកិច្ចប្រកបដោយចីរភាព បង្កើនទីតាំងរបស់ប្រទេសវៀតណាមលើឆាកអន្តរជាតិ។
គណៈកម្មការរៀបចំកម្មវិធីនិទាឃរដូវនៅស្រុកកំណើត ឆ្នាំ២០២០ និងប្រតិភូអាណិកជនវៀតណាមអនុវត្តពិធីលែងត្រី នៅប្រាសាទ Do។ (រូបថត៖ Vietnamplus)
មានបំណងចង់កសាងស្រុកកំណើតកាន់តែរឹងមាំនិងរុងរឿង
ក្រៅពីគំនិតនិងការស្នេហាជាតិ មាតុភូមិ បងប្អូនអាណិកជនមានបំណងប្រាថ្នាចង់កសាងប្រទេសវៀតណាមឱ្យកាន់តែរីកចម្រើននិងរឹងមាំ ដើម្បីសូមគូនឹងគ្នាបណ្តាមហាអំណាចលើពិភពលោក។
លោកស្រី Nguyen Thanh Huong ប្រធានប្រព័ន្ធលក់រាយផ្ទះអាលឺម៉ង់នៅវៀតណាមបានមានប្រសាសន៍ថា ប្រជាជនវៀតណាមរស់នៅគ្រប់ទីកន្លែងចង់ចូលរួមចំណែកក្នុងបុព្វហេតុកសាងស្រុកកំណើតដ៏រុងរឿងនិងស្រស់ស្អាត។
នាពេលថ្មីៗនេះគោលនយោបាយរបស់បក្សនិងរដ្ឋសម្រាប់អាណិកជនបានផ្លាស់ប្តូរជាច្រើន បង្កលក្ខណៈងាយស្រួល សម្រាប់បងប្អូនអាណិកជនចូលរួមកសាងស្រុកកំណើត។ ក្នុងឱកាសនេះអ្នកយកព័ត៌មានបានជួបអាណិកជនជាច្រើននាក់ នៅពេលដែលគេអញ្ជើញអុជធូបនៅប្រាសាទ Do ទីរួមស្រុក Tu Son និងអញ្ជើញចូលរួមក្នុងជំនួប នៅខេត្ត Bac Ninh ។
លោកស្រី Nguyen Thi Phuong មានស្រុកកំណើត នៅទីក្រុង Hai Phong ដែលបានរស់នៅអស់រយៈពេលជាច្រើនឆ្នាំ នៅប្រទេសអាលឺម៉ង់បាននិយាយថា ទោះបីលោកស្រីរស់នៅឆ្ងាយពីស្រុកកំណើតក៏ដោយ។ ប៉ុន្តែលោកស្រីតែងតែនឹកដល់ និងឆ្ពោះទៅរកប្រភពដើមរបស់ខ្លួន។
ថ្មីៗនេះលោកស្រីតែងតែត្រឡប់មកប្រទេសវៀតណាមវិញ ប៉ុន្តែឆ្នាំនេះអញ្ជើញចូលរួមកម្មវិធី“ និទាឃរដូវ នៅស្រុកកំណើត ឆ្នាំ២០២០” ដែលជាព្រឹត្តិការន៍មានអត្ថន័យណាស់ ហើយចូលរួមចំណែកក្នុងការតភ្ជាប់អាណិកជនវៀតណាម នៅគ្រប់ទិសទីជុំវិញពិភពលោក។
លោកស្រី Phuong មានបំណងប្រាថ្នាចង់ រដ្ឋនឹងរៀបចំបណ្តាសកម្មភាពប្រកបដោយអត្ថន័យជាច្រើន សម្រាប់អាណិកជន ដើម្បីស្វែងយល់នូវប្រពៃណីវប្បធម៌ជាតិ។
រីឯលោក Nguyen Ngoc Hoan វិញជាប្រធានសមាគមសហគ្រាសវៀតណាម ប្រចាំនៅប្រទេសកូរ៉េខាងត្បូងបានចែករំលែកថា អញ្ជើញចូលរួមកម្មវិធី“ និទាឃរដូវនៅស្រុកកំណើត ឆ្នាំ២០២០” លោកនិងគណៈប្រតិភូបានអុជធូប នៅឯប្រាសាទ Do និងអនុវត្តពិធីលែងត្រី ដែលជាសកម្មភាពដ៏ប្រពៃណី ហើយតែប្រព្រឹត្តទៅក្នុងប្រទេសវៀតណាមប៉ុណ្ណោះ។ តាមរយៈនេះ លោកបានរំលឹកដល់អនុស្សាវរីយ៍ នៅកុមាភាព។
បន្ទាប់ពីមកទស្សនាប្រាសាទ Do លោកក៏បានយល់ដឹងបន្ថែមអំពីប្រវត្តិនៃការបង្កើតនិងការអភិវឌ្ឍរាជកាល Ly ក៏ដូចជាការចូលរួមចំណែកដ៏អស្ចារ្យរបស់រាជកាលនេះក្នុងដំណើរការនៃការអភិវឌ្ឍជាតិ។ ដោយហេតុនេះ លោកកាន់តែមានមោទនភាពចំពោះស្រុកកំណើតនិងមាតុភូមិ។
ក្រៅពីនេះ កម្មវិធី “និទាឃរដូវ នៅស្រុកកំណើត ឆ្នាំ ២០២០” ក៏ជាឱកាសជួយអាណិកជនវៀតណាមជាច្រើននាក់ មានឱកាសស្វែងយល់នូវឱកាសវិនិយោគក្នុងប្រទេសវៀតណាម ផងដែរ៕
(បកប្រែដោយឌីណា)
មតិពីមិត្តអ្នកអាន