យុគសម័យ - បន្ទាប់ពីការបំផុសចលនាចំនួន ២ លើក ទីក្រុង Can Tho ទទួលបានគំនូរជាង ៥០ ផ្ទាំងរបស់កុមារាកុមរីដែលបានផ្ញើមកកាន់កម្មវិធីប្រកួតប្រឡងគូរគំនូរក្រោមប្រធានបទ“រួមដៃគ្នាគាំទ្រការបង្កានិងប្រយុទ្ធប្រឆាំងនឹងជម្ងឺ Covid-19”។
បន្ទាប់ពីការបំផុសចលនាប្រកួតប្រឡងគូរគំនូរចំនួន ២ លើក ក្រោមប្រធានបទ“ គាំទ្រការបង្ការនិង ប្រយុទ្ធប្រឆាំងនឹជម្ងឺរាតត្បាត Covid-19” មានគំនូរគួរឲ្យចាប់អារម្មណ័ជាង ៥០ ផ្ទាំងរបស់សិស្សានុសិស្សនៃអនុវិទ្យាល័យ Doan Thi Diem ខ័ណ្ឌ Ninh Kieu ទីក្រុង Can Tho បានពាំនាំនូវសារសាមគ្គីភាព ដែលនឹងបង្កើតកម្លាំងខ្លាំងក្លាក្នុងការប្រយុទ្ធប្រឆាំងនឹងជំងឺឆ្លងនេះនាពេលឆាប់ៗនេះ។
គំនូរមានប្រធានបទជាច្រើន ដូចជាពិភពលោកទាំងមូលរួមដៃគ្នាបង្កានិងប្រយុទ្ធប្រឆាំងនឹងជំងឺ Covid-19; វិធីការបង្ការនិងប្រយុទ្ធប្រឆាំងនឹងជម្ងឺ Covid-19 ប្រកបដោយប្រសិទ្ធភាព និងការលើកទឹកចិត្តក្រុមគ្រូពេទនៅ“ខ្សែរជួរមុខ”នៃការប្រយុទ្ធប្រឆាំងនឹងជំងឺឆ្លងCovid-19 ជាដើម។
ស្នាដៃទាំងនេះក៏ត្រូវបានជ្រើសរើសអោយចូលរួមការប្រកួតគំនូរដែលរៀបចំដោយក្រុមប្រឹក្សាក្រុមកណ្តាល។
ផ្ទាំងគំនូរដែលមានអត្ថន័យជាច្រើនត្រូវបានបោះពុម្ពនិងដាក់តាំងបង្ហាញនៅបរិវេណអនុវិទ្យាល័យ Doan Thi Diem។
តាមរយៈគំនូរទាំងនេះ សិស្សមានគោលបំណងផ្សព្វផ្សាយសារអំពីការប្តេជ្ញាចិត្តនិងការប្រជាន់យ៉ាងខ្ជាប់ខ្ជួននូវការការពារខ្លួនឯងនៅចំពោះមុខការរីករាលដាលនៃជំងឺឆ្លង
គំនូរ“ ប្រជាជនទាំងអស់នៅទីក្រុង Can Tho ប្តេជ្ញាចិត្តការពារសុខភាពនិងបង្ការប្រយុទ្ធប្រឆាំងនឹងជំងឺ Covid-19” របស់កុមារី Huynh Nguyen Thao Yen បានបញ្ចប់ក្រោយរយៈពេលមួយសប្តាហ៍
សិស្ស Dao Nguyen Kim Xuan ថ្នាក់ទី ៧P1 ដែលមានគំនូរ “ប្តេជ្ញាចិត្តផ្សំឲ្យបានវ៉ាក់សាំងប្រឆាំងនឹងវីរុសកូរ៉ូណា” ដោយបង្ហាញយ៉ាងច្បាស់អំពីបំណងប្រាថ្នារបស់ពិភពលោកនឹងទទួលបាននូវសន្តិភាពនាពេលឆាប់ៗនេះ។
គំនូរមានអត្ថន័យអំពី“ ការលះបង់ដ៏ស្ងៀមស្ងាត់របស់យុទ្ធជនពាក់អាវពណ៌ស” ត្រូវបានគូរដោយសិស្សនៃអនុវិទ្យាល័យ Doan Thi Diem
គំនូរដ៏លេចធ្លោក្នុងការប្រកួតប្រឡងគូរគំនូរដែលមានប្រធានបទ“ ការការពារសុខភាពនិងបង្ការប្រយុទ្ធប្រឆាំងនឹងជំងឺ Covid-19”
គំនូររបស់កុមារាកុមារីនៃអនុវិទ្យាល័យ Doan Thi Diem បានរួមចំណែកក្នុងការលើកទឹកចិត្តដល់មនុស្សទាំងអស់គ្នាឱ្យចូលរួមប្រយុទ្ធប្រឆាំងនឹងជំងឺរាតត្បាត Covid-19
(បកប្រែដោយ ហេងវុធ្ធី)
មតិពីមិត្តអ្នកអាន