ពិធីបុណ្យសែនព្រះខែ ឆ្នាំ ២០២០ ជិតមកដល់ហើយ តើអ្នកស្គាល់កន្លែងស្អាតៗដែលមានភាពសប្បាយរីករាយនៅរដ្ឋធនី Ha Noi? បើមិនដូច្នោះទេ សូមអានអត្ថបទខាងក្រោយនេះដើម្បីជ្រើសរើសទីកន្លែងណាសមស្របនឹងអ្នកអ្នកនិងក្រុមគ្រួសារ ដើម្បីមកលេងកម្សាន្តនិងថតរូប។
ផ្លូវ Hang Ma
ផ្លូវ Hang Ma
និយាយអំពីពិធីបុណ្យសែនព្រះខែ នៅរដ្ឋធានី Ha Noi ផ្លូវ Hang Ma តែងតែត្រូវបានគេស្គាល់ថាជាទីកន្លែងមកដល់ដែលពេញនិយមបំផុតសម្រាប់ប្រជាជនគ្រប់វ័យ។ ប្រជនជN Ha Noi ជាច្រើនជំនាន់មកហើយតែងតែមានទម្លាប់ទៅលេងនៅផ្លូវ Hang Ma ដើម្បីដើរនិងទិញឥវ៉ាន់ក្នុងឱកាសពិធីបុណ្យសែនព្រះខែ។ ហើយផ្លូវ Hang Ma នតែងតែមានភាពមមាញឹកនិងរីករាយក្នុងពិធីបុណ្យសែនព្រះខែ។ ផ្លូវទាំងមូលត្រូវបានតុបតែងដោយពណ៌គ្រប់ប្រភេទ មានពន្លឺភ្លឺរលោងនិងមានសភាពអ៊ូអរតូបលក់ប្រដាប់ប្រដាលេងគ្រប់ប្រភេទសម្រាប់ក្មេង ដូចជា របាំងមុខ ចង្កៀងគោមរូបផ្កាយស្គរតូចៗ ... ឬប្រដាប់ប្រដាលេងដ៏ទំនើប។
ផ្លូវផ្ទាំងគំនូរលើជញ្ជាំង Phung Hung
ក្នុងរយៈពេលប៉ុន្មានឆ្នាំថ្មីៗនេះ ផ្លូវផ្ទាំងគំនូរលើជញ្ជាំង Phung Hung បានក្លាយទៅជាទីកន្លែងជួបប្រជុំថ្មីសម្រាប់យុវជននិងប្រជាជនរដ្ឋធានី Ha Noi ក្នុងឱកាសពិធីបុណ្យសែនព្រះខែជារៀងរាល់ឆ្នាំ។ មកដល់ផ្លូវផ្ទាំងគំនូរលើជញ្ជាំង Phung Hung ក្នុងឱកាសនៃពិធីបុណ្យសែនព្រះខែ ទន្ទឹមនឹងការគយគន់ផ្ទាំងគំនូរលើជញ្ជាំងដែលបញ្ហាញឡើងវិញនូវជីវិតនៅរដ្ឋធានី Ha Noi ក្នុងសម័យមុននិងធ្វើឱ្យភ្ញៀវទេសចរទទួលចំណាប់អារម្មណ៍នៃទីស្ថានបុរាណនិងស្ងប់ស្ងាត់ក្នុងតំបន់ផ្លូវបុរាណ។
ផ្លូវផ្ទាំងគំនូរលើជញ្ជាំង Phung Hung
នៅទីនេះភ្ញៀវមិនត្រឹមតែគយគន់ផ្ទាំងគំនូរឬថតរូបទុកជាអនុស្សាវរីយ៍តែប៉ុណ្ណោះទេ ថែមទាំងរីករាយនឹងទស្សនានូវការសម្តែងសិល្បៈ ដូចជា ការសម្តែងអាយ៉ងទឹក រាំរបាំម៉ុងសាយឬដើរទិញឥវ៉ាន់នៅតូបលក់វត្ថុអនុស្សាវរីយ៍ឬប្រដាប់ប្រដាលេងសម្រាប់ក្មេងលេងដែលធ្វើតាមបែបបុរាណ។
ផ្លូវដើរថ្មើរជើងបឹង Ho Guom
ផ្លូវដើរថ្មើរជើងបឹង Ho Guom
ផ្លូវដើរថ្មើរជើងបឹង Ho Guom គឺជាកន្លែងដែលទាក់ទាញយុវវ័យ ក្នុងពិធីបុណ្យសែនព្រះខែ ដោយមានល្បែងប្រជាប្រិយជាច្រើន ហើយកម្មវិធីសិល្បៈនិងរបាំត្រូវបានធ្វើឡើងនៅជុំវិញបឹង។ ក្រៅពីនេះ ភ្ញៀវក៏អាចគយគន់ទេសភាពតាមដងផ្លូវនិងចូលរួមក្នុងបណ្តាសកម្មភាពគួរឱ្យចាប់អារម្មណ៍ជាច្រើន ហើយពិសារការ៉ែម Trang Tien ឬ Thuy Ta ឆ្ងាញ់និងត្រជាក់។
Van Mieu Quoc Tu Giam
ក្នុងប៉ុន្មានថ្ងៃជិតដល់ពិធីបុណ្យសែនព្រះខែ ភ្ញៀវនិងប្រជាជននៅរដ្ឋធានី Ha Noi រំភើបនឹងទៅ Van Mieu Quoc Tu Giam ហើយចូលរួមក្នុងបណ្តាល្បែងប្រជាប្រិយ គួរឱ្យរំចាប់ចិត្តជាច្រើន ... ក្រៅពីនេះ Van Mieu Quoc Tu Giam ក៏រៀបចំកម្មវិធីមួយចំនួន ដូចជា៖ ធ្វើចង្កៀងគោមរូបផ្កាយ សូនរូបរាងតុក្តាពីម្សៅអង្ករ ធ្វើនំសែនព្រះខែ។
Van Mieu Quoc Tu Giam
ឧទ្យានទឹក Ho Tay
ឧទ្យានទឹក Ho Tay
ក្នុងរយៈពេលប៉ុន្មានថ្ងៃនេះ ឧទ្យានទឹក Ho Tay ត្រូវបានតុបតែងលម្អដោយអំពូលភ្លើងដែលមានពណ៌ស្រស់ឆើតឆាយនិងទាក់ទាញចំណាប់អារម្មណ៍ដែលព្យួរនៅទូទាំងឧទ្យាន។ ជាពិសេសមានថាសដាក់តាំងផ្លែឈើ ៥ មុខ ជាឆ្ងាញ់ រួមផ្សំនឹងនំត្រូវបានរៀបចំនិងតុបតែងយ៉ាងស្រស់ស្អាត។ ឧទ្យានទឹក Ho Tay គឺជាទិសដៅមួយដែលមិនត្រូវខកខានពេលលេងពិធីបុណ្យសែនព្រះខែ។
សារមន្ទីរប្រជាជាតិ
សារមន្ទីរប្រជាជាតិគឺជាកន្លែងលេងកម្សាន្តដ៏ទាក់ទាញសម្រាប់កុមារក្នុងឱកាសពិធីបុណ្យសែនព្រះខែ ជារៀងរាល់ឆ្នាំសារមន្ទីរនេះមានសកម្មភាពគួរឱ្យរំភើបជាច្រើន ដើម្បីស្វាគមន៍ពិធីបុណ្យសែនព្រះខែ។ មកនៅនោះ ភ្ញៀវមិនត្រឹមតែចូលរួមក្នុងការសូនរូបរាងផ្លែឈើពីដី ធ្វើចង្កៀងគោមនិងរៀបចំថាសផ្លែឈើ ៥ មុខប៉ុណ្ណោះទេ ប៉ុន្តែភ្ញៀវក៏អាចស្វែងយល់បន្ថែមអំពីវប្បធម៌ប្លែកនិងប្រពៃណីនៃពិធីបុណ្យសែនព្រះខែផងដែរ។
សារមន្ទីរប្រជាជាតិ
មជ្ឈមណ្ឌលពាណិជ្ជកម្ម Royal City
កន្លែងពេញនិយមមួយផ្សេងទៀតសម្រាប់ឱកាសបុណ្យសែនព្រះខែរបស់កុមារនៅរដ្ឋធានីHa Noi រីករាយនឹងគយគន់ទេសភាពនិងថតរូប លេងនិងការដើរទិញឥវ៉ាន់គឺជាមជ្ឈមណ្ឌលពាណិជ្ជកម្ម Royal City ។ នៅទីនោះមានល្បែងគួរឱ្យទាក់ទាញជាច្រើនការដើរនិងទិញឥវ៉ាន់ ទៅមើលកុនឬចូលរួមក្នុងកម្មវិធីរាំតោ ល្បែងទន្សាយរកការ៉ុត ធ្វើនំម៉ាជី ធ្វើចង្កៀងគោមឱ្យរីករាយ ...
មជ្ឈមណ្ឌលពាណិជ្ជកម្ម Royal City
មជ្ឈមណ្ឌលពាណិជ្ជកម្ម Times City
មជ្ឈមណ្ឌលពាណិជ្ជកម្ម Times City
ដូចជាមជ្ឈមណ្ឌលពាណិជ្ជកម្ម Royal City មជ្ឈមណ្ឌលពាណិជ្ជកម្ម Times City ក៏ជាកន្លែងប្រារព្ធពិធីបុណ្យសែនព្រះខែដែលយុវជនជាច្រើនចូលចិត្តនៅរដ្ឋធានី Ha Noiដោយមានសកម្មភាពសប្បាយរីករាយគួរឱ្យរំភើបជាច្រើន។
ផ្សារទំនើប AEON Mall Long Bien
ផ្សារទំនើប AEON Mall Long Bien ត្រូវបានគេចាត់ទុកថាជាកន្លែងមួយនៃកន្លែងលេងកម្សាន្តសប្បាយរីករាយបំផុតនៅរដ្ឋធានី Ha Noi សម្រាប់កុមារ។ សូមអញ្ជើញមកនៅទីនេះ ភ្ញៀវនឹងត្រូវបានស្របខ្លួនក្នុងបរិយាកាសបុណ្យសែនព្រះខែជាមួយនឹងទីស្ថានតុបតែងដ៏អស្ចារ្យ។ ការតុបតែងលំអនៅផ្សារទំនើប ផ្សារទំនើប AEON Mall Long Bien តែងតែទាក់ទាញយុវវ័យឱ្យមកនិងថតរូប ក្នុងពិធីបុណ្យសែនព្រះខែនិមួយៗ។
ផ្សារទំនើប AEON Mall Long Bien
ជាពិសេស នៅទីនេះតែងតែរៀបចំព្រឹត្តិការណ៍ស្វាគមន៍ពិធីបុណ្យសែនព្រះខែ រៀបចំល្បែងប្រជាប្រិយពិសេស ដូចជាការ ការសូនរូបរាងតុក្កតាពីម្សៅ ធ្វើចង្កៀងគោម ឬលេងល្បែងប្រជាប្រិយនិងទទួលពានរង្វាន់។ អ្នកទាំងអាចមកទស្សនានិងដើរទិញឥវ៉ាន់ឬចូលរួមល្បែងប្រជប្រិយនិងនាំយកអំណោយគួរឱ្យរំភើប./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន