យុគសម័យ - គណៈកម្មាធិការប្រជាជនខេត្ត Quang Binh ទើបនឹងសម្រេចចិត្តធ្វើអាជីវកម្មសាកពិសោធន៍នូវទួរទេសចរណ៍រូងភ្នំជាច្រើន សំដៅពង្រីកថែមទៀតឧត្តមភាពជា “ព្រះរាជាណាចក្រនៃរូងភ្នំ” នៅបេតិកភណ្ឌធម្មជាតិពិភពលោកសួនឧទ្យានជាតិ Phong Nha-Ke Bang។
សោភ័ណ្ឌភាពដ៏ស្រស់ស្អាតរបស់រូងភ្នំ Va (រូបថតៈ Oxalis )
ជាក់ស្តែងគឺ គណៈកម្មាធិការប្រជាជនខេត្ត Quang Binh បានអនុញ្ញត្តិឲ្យគណៈគ្រប់គ្រងសួនឧទ្យានជាតិ Phong Nha-Ke Bang រួមសហការជាមួយក្រុមហ៊ុនចំកាត់ Jungle Boss សាកពិសោធន៍ដំណើរពីរថ្ងៃ១យប់ ចំពោះផលិតផលទេសចរណ៍ស្វែងយល់រូងភ្នំ Dai A, Over, Pygmy ដោយថ្លៃសំបុត្រចូលគឺ៦០ម៉ឺនដុង/ដង។
ការដែលធ្វើអាជីវកម្មសាកពិសោធន៍ទួរទេសចរណ៍រូងភ្នំថ្មីនេះ ខេត្ត Quang Binh មានបំណងធ្វើឲ្យផលិតផលទេសចរណ៍កាន់តែសម្បូរបែប សំដៅឆ្លើយតបនឹងតម្រូវការទស្សនា ស្វែងយល់របស់ភ្ញៀវទេសចរពេលមកទស្សនា “ព្រះរាជាណាចក្ររូងភ្នំ” នៅបេតិកភណ្ឌធម្មជាតិពិភពលោក សួនឧទ្យានជាតិ Phong Nha-Ke Bang។
រួមជាមួយនឹងការធ្វើអាជីវកម្មពិសោធន៍ទួរទេសចរណ៍ទស្សនារូងភ្នំថ្មីដូចពោលខាងលើ នាពេលកន្លងទៅ ដោយសារជម្រុញបានការផ្សព្វផ្សាយ ពន្លឿនទេសចរណ៍ដោយមានសកម្មភាពសម្បូរបែបនោះ បានជាខេត្ត Quang Binh ទទួលបានលទ្ធផលគួរឲ្យកត់សម្គាល់ជាច្រើន។ ពោលគឺ តាំងពីដើមឆ្នាំមក ចំនួនភ្ញៀវទេសចរមកទស្សនាខេត្ត Quang Binh ទទួលបានជិត១,៩លាននាក់ កើន១៧%បើបៀបនឹងរយៈពេលដូចគ្នានាឆ្នាំ២០១៧៕
（យោងតាម chinhphu.vn បកប្រែដោយស្រីពេជ្រ）
មតិពីមិត្តអ្នកអាន