យុគសម័យ - នៅថ្ងៃទី ២៣ ខែកុម្ភៈ ទំព័រស្វែងរក Google នៃទីផ្សារវៀតណា Google បានប្រើរូបភាពច្រៀង Ca Tru ដើម្បីលើកតំកើងលិល្បៈនេះ ។
យោងតាមអត្ថបទមួយនៅលើ google.com/doodles រូបភាពដែលមានពណ៌ស្រស់ឆើតឆាយរបស់សិល្បករ សិល្បការិនី Ca Tru ទាំងបី គូរដោយវិចិត្រករ Xuan Le បានជ្រើសរើស ដើម្បីលើកតំកើងលិល្បៈពិសេសនេះរបស់វៀតណាម។
ច្រៀង Ca Tru បានបង្កើតនៅសតវត្សរ៍ទី ១១។ ជា ដំបូង ប្រភេទសិល្បៈនេះគ្រាន់តែជាការកំសាន្តនៅក្នុងរាជវង្សសក្ដិភូមិរបស់វៀតណាម។ បន្ទាប់មកច្រៀង Ca Tru ត្រូវបានសម្តែង នៅក្នុងផ្ទះសំណាក់និងកន្លែងជួបជុំសហគមន៍ទូទៅនៃ Ha Noi មកដល់សព្វថ្ងៃ។
គំនូរគូរច្រៀង Ca Tru របស់វិចិត្រករ Xuan Le។ ( រូបថត៖ េvietnamplus)
ក្រុមចម្រៀង Ca Tru មួយមានអ្នកសំដែងយ៉ាងតិចគឺ ៣ នាក់ ក្នុងនោះសិល្បការិនីច្រៀង និងបង្កើតសម្លេងដោយការវាយលើប្រអប់ឫស្សីតូច សិល្បករ ២ នាក់ទៀត ដែលលេងឧបករណ៍ភ្លេងបុរាណនិងពេលខ្លះក៏រាំ។
បច្ចុប្បន្នច្រៀង Ca Tru បានអភិរក្សនៅតាមខេត្តនិងទីក្រុងមួយចំនួន នៅទូទាំងប្រទេសវៀតណាម។ ទន្ទឹមនឹងនេះច្រៀង Ca Tru សម្តែងនៅក្នុងក្លឹប Ca trù និងក្នុងពិធីបុណ្យធំៗ ប្រចាំឆ្នាំ។ ប្រភេទសិល្បៈនេះបានរស់ឡើងវិញនាពេលថ្មីៗនេះដោយសារមានការខិតខំប្រឹងប្រែងរួមគ្នាពីរដ្ឋនិងអង្គការនិងទីភ្នាក់ងារអន្តរជាតិ។
ការអភិរក្ស Ca Tru គឺជាដំណើរការដ៏លំបាកណាស់។ ពីព្រោះ ច្រៀង Ca Tru ត្រូវបានប្រគល់បន្តរាប់ជំនាន់ដោយមាត់។ ថែមទាំង ការប្រគល់បន្តនេះតែ អនុវត្តវសម្រាប់មនុស្សម្នាក់ដ៏ឆ្នើម។
ដូច្នេះដោយការមើលឃើញពី តម្លៃនៃសិល្បៈ Ca Tru និងការលំបាកក្នុងការអភិរក្សប្រភេទសិល្បៈនេះ។ អង្គការអប់រំវិទ្យាសាស្ត្រនិងវប្បធម៌របស់អង្គការសហប្រជាជាតិ (UNESCO) បានផ្តល់កិត្តិយសដល់ច្រៀង Ca Tru និងបញ្ចូលសិល្បៈនេះក្នុង បញ្ជីបេតិកភណ្ឌវប្បធម៌អរូបីនៃពិភពលោកក្នុងឆ្នាំ ២០០៩ ។
វិចិត្រករ Xuan Le បាននិយាយថា“ សព្វថ្ងៃនេះ តន្ត្រីជាច្រើនប្រភេទត្រូវបានបង្កើតឡើងនិងអភិវឌ្ឍដើម្បីឱ្យសមនឹងចំណង់ចំណូលចិត្តរបស់ទស្សនិកជន ។ បណ្តាប្រភេទតន្ត្រីនោះឈានដល់និងផ្សព្វផ្សាយដល់មនុស្សកាន់តែលឿន តាមរយៈប្រព័ន្ធផ្សព្វផ្សាយដ៏ច្រើន។ ដូច្នេះប្រភេទតន្ត្រីប្រជាប្រិយបុរាណអាចត្រូវបានគេបំភ្លេចចោលជាបណ្តើរ ៗ ពិតជាអស្ចារ្យណាស់ដែលមានឱកាសបង្ហាញរូបភាពរបស់អ្នកសំដែង Ca trù - ប្រភេទតន្ត្រីប្រពៃណីមួយនៅក្នុងប្រទេសរបស់ខ្ញុំ។"
វិចិត្រករ Xuan Le បានសង្កត់ធ្ងន់ថា៖“ ច្រៀង Ca trù បានបញ្ចូលក្នុងបញ្ជីបេតិកភណ្ឌវប្បធម៌អរូបីរបស់ UNESCO ដែលត្រូវការអភិរក្សជាបន្ទាន់និងកំពុងស្ថិតក្នុងគ្រោះថ្នាក់នៃការបាត់បង់ នាពេលអនាគត។ ខ្ញុំសង្ឃឹមថា Doodle នេះនឹងធ្វើឲ្យមនុស្សជាច្រើននាក់ចង់ស្វែងយល់ន្ថែមនិងចូលចិត្តសិល្បៈនេះ៕(បកប្រែដោយឌីណា)
មតិពីមិត្តអ្នកអាន