នាព្រឹកថ្ងៃទី ១៤ ខែកក្កដា នៅវិថីដើរថ្មើរជើងនៃបឹង Hoan Kiem (រដ្ឋធានីហាណូយ) បានប្រព្រឹត្តទៅ Carnival តាមដងវិថី ដោយមានការចូលរួមពីសិល្បករសិល្បការិនីទាំងជាតិនិងអន្តរជាតិ។ ព្រឹត្តិការណ៍នេះត្រូវបានរៀបចំឡើងដោយសម្ព័ន្ធក្រុមហ៊ុន Sun Group សំដៅអបអរសាទរខួបលើកទី ២០ នៃទីក្រុងហាណូយទទួលបានកិត្តនាមជា “ទីក្រុងដើម្បីសន្តិភាព”។
នាព្រឹកថ្ងៃទី ១៤ ខែកក្កដា នៅទីក្រុងហាណូយបានប្រព្រឹត្តទៅនូវ Carnival តាមដងវិថី
តាំងពីព្រឹកព្រលឹម ប្រជាជននិងអ្នកទេសចរជាច្រើនកុះករ បានមកដល់ បឹង Guom ដើម្បីចូលរួមក្នុងកម្មវិធីនេះ ហើយបានសម្របខ្លួននៅក្នុងបរិយាកាសនៃពិធីបុណ្យដ៏សប្បាយរីករាយនេះ ដោយបានទស្សនាផ្ទាល់ភ្នែកនូវផ្ទាំងទស្សនីយភាពសិល្បៈដ៏គួរឲ្យចាប់អារម្មណ៍ ដូចជាការរាំភ្លើង រាំរបាំស្គរ និងល្បែងសៀកជាដើម។
នេះជាលើកទី២ ដែល Carnaval ត្រូវបានរៀបចំឡើងនៅទីក្រុងហាណូយ (រូបថតៈ plo.vn)
អ្នកស្រី Nguyen Phuong Dung នៅខ័ណ្ឌ Hoang Mai នៃទីក្រុងហាណូយបានសំណេះសំណាលថា៖ “នាងខ្ញុំមើលឃើញថា សកម្មភាពនៅថ្ងៃនេះ គ្រប់ៗគ្នាចូលរួមក្នុងភាពសប្បាយរីករាយនិងរំភើបយ៉ាងខ្លាំង។ តាមគំនិតរបស់ខ្ញុំ បច្ចុប្បន្ននេះជាសម័យនៃការធ្វើសមាហរណកម្មនិងផ្លាស់ប្តូរវប្បធម៌នៅជុំវិញពិភពលោក ហេតុដូច្នេះ ការរៀបចំឡើងនូវព្រឹត្តិការណ៍បែបនេះ បានរួមចំណែកធ្វើឱ្យពិភព លោកស្គាល់ ពីវៀតណាមកាន់តែស៊ីជម្រៅនិងយល់ដឹងកាន់តែច្បាស់ពីវប្បធម៌និងប្រពៃណី ទំនៀមទម្លាប់របស់ វៀតណាម”។
សិល្បៈការិនី សម្តែងតាមដងវិថី (រូបថតៈ vnexpress.net)
សូមគូសបញ្ជាក់ថា Carnival តាមដងវិថី ដោយមានការចូលរួមនៃរថយន្តក្បួនដង្ហែរនិងសិល្បករអាជីពជាតិនិងអន្តរ ជាតិជិត ១០០ នាក់ ក្នុងសំលៀកបំពាក់ចម្រុះពណ៌ ធ្វើឱ្យផ្លូវហាណូយកាន់តែមានភាពសប្បាយអ៊ូអរ៕
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន