យុគសម័យ - រង្វាន់"Bui Xuan Phai - ដោយក្តីស្រឡាញនឹងរដ្ឋធានី Ha Noi លើកទី ១៣" ដែលបានធ្វើឡើង នៅរសៀលថ្ងៃទី ៧ ខែតុលា នៅរដ្ឋធានី Ha Noi បានលើកតំកើងអ្នកនិពន្ធនិងស្នាដៃជាច្រើន ក៏ដូចជាគំនិតផ្តួចផ្តើមសម្រាប់ទីក្រុងសន្តិភាពនេះ។ ជាពិសេស ពានរង្វាន់សម្រាប់ស្នាដៃល្អអំពីរដ្ឋធានី Ha Noi ត្រូវបានប្រគល់ជូនដល់លោក Marko Nikolic អ្នកនិពន្ធជនជាតិស៊ែប៊ីម្នាក់ដែលមានសញ្ជាតិបារាំងនិងអាចនិយាយភាសាវៀតណាម។
លោក Marko Nikolic អ្នកនិពន្ធម្នាក់ដែលបានទទួលរង្វាន់ "Bui Xuan Phai - ដោយក្ដីស្រឡាញ់នឹងរដ្ឋធានី Ha Noi " ទទួលពានរង្វាន់សម្រាប់ប្រលោមលោកដែលមានចំណងជើងថា “ផ្លូវ Nha Tho” ។ (រូបថត៖ គណៈកម្មាធិការរៀបចំ)
គណៈកម្មាធិការរៀបចំបានជ្រើសរើសប្រលោមលោក ”ផ្លូវ Nha Tho” ពីព្រោះតាមរយៈរឿងរ៉ាវស្នេហាមួយបានបង្ហាញពីភាពខុសគ្នានៃវប្បធម៌រវាងលោកខាងលិច - ខាងកើត ថែមទាំងបង្ហាញពី“ សោភណ្ឌភាព” ដែលមានតែមួយគត់របស់រដ្ឋធានី Ha Noi ហើយមានបំណងចង់ស្វែង យល់ និងធ្វើសមាហរណកម្មចូលក្នុងជីវិតវប្បធម៌នៅទីនេះ។
យោងទៅតាមកវី លោក Bang Viet ស្នាដៃ “ ផ្លូវ Nha Tho” លេចធ្លោ ពីព្រោះនៅក្នុងប្រលោមលោកនោះ រដ្ឋធានី Ha Noi គឺជាកន្លែងសម្រាប់ជនបរទេស ដូចជា លោក Marko គិតឱ្យបានហ្មត់ចត់អំពីជីវិតរបស់ខ្លួនឯង។ “ លោក Marko សរសេរប្រលោមលោកជាភាសាវៀតណាម។ មិនត្រឹមតែប៉ុណ្ណឹងទេ លោកបានដឹងនិងរកឃើញខ្លួនឯង តាមរយៈស្ថានភាពជាក់ស្តែងនិងប្រជាជននៅរដ្ឋធានី Ha Noi ដែលជាភាព ថ្មីនិងពិសេសសម្រាប់អ្នកនិពន្ធបរទេសម្នាក់។ រដ្ឋធានី Ha Noi ស្ទើរតែជាបរិស្ថានដាស់តឿន ហើយធ្វើឱ្យលោកគិតអំពីជីវិតអនាគតនិងសុភមង្គលកាន់តែត្រឹមត្រូវ។
លោក Marko Nikolic ចាប់ផ្តើមសរសេរសៀវភៅ តាំងពីអាយុ ១៤ ឆ្នាំ ដោយបានបោះពុម្ពសៀវភៅ ២ ក្បាលនៅអ៊ឺរ៉ុប។ ប៉ុន្តែនេះ ជាលើកដំបូងដែលលោកសរសេរប្រលោមលោកជាភាសាវៀតណាម។ ប្រលោមលោកមានចំណងជើងថា “ផ្លូវ Nha Tho” ដែលបានបោះពុម្ភនិងចេញផ្សាយ នៅខែកញ្ញា ឆ្នាំ ២០១៩ ។
អ្នកនិពន្ធមួយចំនួនទទួលពានរង្វាន់ "Bui Xuan Phai - ដោយក្តីស្រឡាញ់នឹងរដ្ឋធានី Ha Noi " នៅឆ្នាំ ២០២០ ។ (រូបថត៖ គណៈកម្មាធិការរៀបចំ)
“ផ្លូវ Nha Tho” រៀបរាប់អំពីដំណើរស្វែងរកខ្លួនឯងម្តងទៀតរបស់លោក Nicolas បុរសវ័យក្មេងសញ្ជាតិបារាំង នៅរដ្ឋធានី Ha Noi បន្ទាប់ពីមានវិបត្តិស្នេហាមួយយ៉ាងខ្លាំង សៀវភៅនេះមាន ៣០០ ទំព័រ ហើយតបានពិពណ៌នាជីវិតនៅរដ្ឋធានី Ha Noi យ៉ាងរស់រវើកនិងស្រស់ស្អាតណាស់ ប៉ុន្តែក៏ពោរពេញទៅដោយការផុតកន្ធុយភ្នែក ក្រោមកំហើញដ៏កំប្លែង។ “ នៅក្នុងប្រលោមលោករបស់ខ្ញុំ កត្តាសំខាន់បំផុតគឺប្រជាជនពីព្រោះខ្ញុំចូលចិត្តទាក់ទងជាមួយប្រជាជនរដ្ឋធានី Ha Noi។ ទោះបី រដ្ឋធានី Ha Noi មានចំណុចខ្វះខាតក៏ដោយ ខ្ញុំឃើញថា ប្រជាជននៅទីនេះពិតជាគួរឲ្យស្រឡាញ់ ខ្ញុំស្រឡាញ់ទីក្រុងនេះខ្លាំងណាស់ ហើយតែងតែចង់ចូលរួមចំណែកក្នុងការអភិវឌ្ឍទីក្រុងទាំងមូល” ។ លោក Marko Nikolic បានមានប្រសាសន៍./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន