យុគសម័យ - នាថ្ងៃទី ៣ និងទី ៤ ខែមិថុនាឆ្នាំ ២០២០ ស្ថាប័នមានសមត្ថកិច្ចវៀតណាម ស្ថានតំណាងវៀតណាមនៅអង់គ្លេស និងក្រុមហ៊ុនអាកាសចរណ៍ជាតិវៀតណាមបានសហការជាមួយស្ថាប័នមានសមត្ថកិច្ចនៃប្រទេសសាមីដើម្បីនាំពលរដ្ឋវៀតណាមជិត ៣៤០ នាក់វិលត្រឡប់មកកាន់ប្រទេសវិញដោយសុវត្ថិភាព។
មន្រ្តីស្ថានទូតនៅឯអាកាសយានដ្ឋានដើម្បីជួយដោយផ្ទាល់ដល់ពលរដ្ឋក្នុងអំឡុងពេលដំណើរការនៃការឡើងជិះយន្តហោះ។
អ្នកដំណើរនៅលើជើងហោះហើរនេះ រួមមានពលរដ្ឋដែលមានកាលៈទេសៈពិបាកជាពិសេស ហើយមានបំណងចង់វិលត្រឡប់មកកាន់ប្រទេសវិញ៖ កុមារអាយុក្រោម ១៨ ឆ្នាំ មនុស្សចាស់ជរា មនុស្សដែលឈឺនិងមានជំងឺផ្ទៃខាងក្រោយ ស្ត្រីមានផ្ទៃពោះ ព្រះសង្ឃនិងដូនជី ព្រះសង្ឃពុទ្ធសាសនាដែលត្រូវត្រឡប់មកកាន់ប្រទេសវិញដោយសារសាលាសមាធិត្រូវបានបិទ។ ក្រៅពីនេះ ក្នុងចំណោមពលរដ្ឋវៀតណាមជិត ៣៤០ នាក់ទាំងនេះ មានអ្នកដំណើរដែលជាប់គាំង ពលករដែលផុតសុពលភាពទិដ្ឋាការ បញ្ចប់កិច្ចសន្យាការងារនិងនិស្សិតអន្តរជាតិដែលបានបញ្ចប់កម្មវិធីសិក្សា។
ពលរដ្ឋវៀតណាមធ្វើនីតិវិធីចាកចេញ។
ដើម្បីរៀបចំជើងហោះហើរនេះឱ្យបានជោគជ័យតាមការគ្រោងទុក ក្នុងបរិបទចក្រភពអង់គ្លេសអនុវត្តបំរាមគោចរដោយសារជំងឺរាតត្បាត COVID-19 ស្ថានទូតវៀតណាមប្រចាំនៅអង់គ្លេសបានណែនាំដល់ពលរដ្ឋឱ្យអនុវត្តនីតិវិធីចាំបាច់។ ព្រមទាំងសំរបសំរួលជាមួយស្ថាប័នមានសមត្ថកិច្ចនៃប្រទេសសាមីដើម្បីបង្កលក្ខណៈងាយស្រួលសម្រាប់ពលរដ្ឋក្នុងកំឡុងពេលផ្លាស់ទៅអាកាសយានដ្ឋាន។
លោកឯកអគ្គរដ្ឋទូតនិងមន្ត្រីស្ថានទូតបានជួយគាំដោយផ្ទាល់ដល់ពលរដ្ឋនូវនីតិវិធីសម្រាប់ការឡើងជិះយន្តហោះនៅអាកាសយានដ្ឋាន។
ពលរដ្ឋវៀតណាមធ្វើនីតិវិធីចាកចេញ។
ជាមួយនឹងគោលបំណងធានាសុខភាពរបស់ពលរដ្ឋ បង្ការការឆ្លងរាលដាលនៃជំងឺរាតត្បាត COVID-19 ក្រុមហ៊ុនអាកាសចរណ៍ជាតិវៀតណាមបានអនុវត្តយ៉ាងតឹងរឹងនូវវិធានការណ៍ស្តីពីសន្តិសុខ សុវត្ថិភាពនិងអនាម័យក្នុងពេលហោះហើរ។ ភ្លាមៗបន្ទាប់ពីចុះចតដោយសុវត្ថិភាពនៅអាកាសយានដ្ឋានអន្តរជាតិ Tan Son Nhat អ្នកចូលរួមនៃជើងហោះហើរនេះត្រូវបានពិនិត្យសុខភាព ហើយត្រូវបាននាំយកទៅកន្លែងដាច់នៅដាច់ដោយឡែកបទប្បញ្ញត្តិ។
ផ្អែកលើគោលបំណងរបស់ប្រជាជន វិវត្តន៍ប្រែប្រួលជាក់ស្តែងនៃជំងឺរាតត្បាតទាំងក្នុងនិងក្រៅប្រទេស សមត្ថភាពដាកល់នៅដាច់ដោយឡែករបស់មូលដ្ឋាន ស្ថាប័នមានសមត្ថកិច្ចវៀតណាមនិងស្ថាប័នតំណាងវៀតណាមនៅបរទេសនឹងបន្តសម្របសម្រួលជាមួយក្រុមហ៊ុនអាកាសចរណ៍ក្នុងស្រុកដើម្បីរៀបចំជើងហោះហើរដើម្បីនាំពលរដ្ឋត្រឡប់មកកាន់ប្រទេសវិញ៕
（បកប្រែដោយសាមេត）
（ប្រភពព័ត៌មាន: baoquocte.vn）
មតិពីមិត្តអ្នកអាន